School of Myths: Ang ikalawang aklat (COMPLETED)

Chapter 43: Nalalapit na pagtatapos.

 

“*Uhm! Wag po kayong mag-alala, Mama.” Masayang pagkakasambit ni Alex.

Agad napalingon si Ryura kay Lara matapos marinig ang sinabi nito at muli ay galit itong nagsalita.

 

“Miss Lara!! Mga kalaban po sila kaya dapat po na’ting silang paslangin!” Sigaw ni Ryura.

Sa mga sandaling ito ay agad na-alerto ang mga Isenhart. At sa pagkakataong ito ay agad na ring naalerto sina Sophia at Drake, batid na kasi nila na malapit ng magsimula ang paglalaban.

Ilang sandali pa ay muling sinugod ni Ryura si Alex, ngunit bago pa siya tuluyang malakapit dito ay nagawa na siyang maunahan ni Jigo. Biglang napaatras si Ryura matapos makaramdam ng malakas na aura.

 

“Hindi ko hahayaan saktan mo si Alex.” Sambit ni Jigo.

Hindi inaasahan ni Lara na ganito na kalakas ang kaniyang anak. Halos kahalating taon din kasi niya itong hindi nakita, ngunit ayon sa mga ulat na ibinibigay kaniyang tungkol dito ay hindi pa rin ito nagbabago o lumalakas. Ngunit iba na sa pagkakataong ito, natitiyak niyang malakas na ang kaniyang anak at malaki na ang inilakas nito mula ng huli niya itong makita.

 

“Jigo!!” Sigaw ni Ryura.

Sa pagkakataong ito ay sinugod na ni Ryura si Jigo gamit ang kaniyang weapon phantasm. Ngunit ang gamit na sandata ni Jigo sa ngayon ay hindi isang phantasm at sobrang lakas nito, ang Shadow fang. Halos ilang sandali lang ang lumipas ay sumugod na rin ang iba pang mga Isenhart kina Sophia, Alex at Drake. Hindi magawang makipaglaban ni Lara sa ngayon, dahil masaya niyang pinapanood ang malaking pagbabago sa kaniyang anak.

Mabalik tayo, malalakas at mabibilis ang mga pag-atakeng pinapakawalan ni Ryura kay Jigo. Ngunit tila balewala lang ang mga ito kay Jigo, dahil walang hirap niya itong nasasalag at naiiwasan.

 

“Hindi hamak na mas mabilis ang mga pag-atake ni sir Azys kumpara sa mga pag-atake niya.” Sambit ni Jigo derekta sa kaniyang isipan.

Pansin ni Ryura na hindi nahihirapan si Jigo sa pakikipaglaban sa kaniya, ngunit labis siyang nagtataka kung bakit ganito ang nangyayari. Batid kasi niya na di hamak na mas malakas at mas magaling siyang makipaglaban kay Jigo, ngunit iba ang nangyayaring ito sa ngayon.

Sa kalagitnaan ng mga mabibilis at malalakas na pag-atake ay may isang mas malakas pang pag-atake ang pinakawalan ni Ryura. Ngunit bago pa man niya ito mapakawalan ay napansin na ito ni Jigo, kaya agad niya itong sinabayan ng isang pag-atake.

 

*** SFX: BOOOOOOOOOOOOOM! ***

Agad tumilapon si Ryura matapos tamaan ng ginawang pag-atake ni Jigo. Labis itong ikinagulat ni Lara at hindi akalain na magagawang talunin ng kaniyang anak si Ryura. Samantala, ikinagulat din ito ni Jigo dahil ngayon lang niya nasukat ng ganito ang kaniyang lakas magmula ng matapos siyang magsanay sa kamay ni Azys.