اوكي سي ناصر كتقلب عليا انا انعرف انا طريقة نخدم معاك (ونتا لي بديتي لخصام نتا لي بديتي علنتي لحرب عليا ونت لي بغيتي تحمل لعقوبة هادي والتوبة غنبقا دكرا فحياتك والله لا نسيتي ..هه تحية لاهاب امير).دخلت دوشت وخرجت لبست كسيوةطويلة غوز بسميطات تودرة سميطة فلباج وصنيديلة صيفية باج وماكياج متير ركزت على العيون وعكارغوز ودرت بوندو غوز الحاصول جيت كتيكيتة هه كانت وصلات لعشية كانت دادة كدق انا:دخلي ادادة دادة:ناري على بنيتي كيجات الله بحجبك من لعين وصافي انا:امين ربي يخليك ادادة دادة:وسيري هودي ابنتي راه قالي راه كيساينك فطوموبيل .هودت دزت كحدا داك سليعفانة بات كتبرقق فعويناتها وانا نخنزر فيها وهي تحدر راسها(هه لقتلة دارت لمفعول هه)خرجت وشفتوا فطوموبيل كان كيهضر فتلفون طلعت وانا ساكتا مهدرتش معاه .ناصر:ديري سمطا انا:درتها بصمت .بقينا ماشيين طريق كاملا وانا مجاهلاه كنشوف تا وصلنا حيدت سمطا وتميت هابطا ناصر:شيماء وقفي انا:(بتخنزيرة)شنو؟ ناصر:هضري معوط انا:شنو بغيتي ناصر قرب لعندي وطبع قبلة ففمي وانا غي مبنجة وقلبي كيضرب بعدتوا دغيا درت شال عليا وهودت ناصر:(كيهضر)واياك يقوليك عقلك تخرجي راني نجي نقتلك فهمتي انا:(باغا نلعب لو على اعصابوا)اوكي سي ناصر تامر سيادنكم بشي حاجة اخرى ناصر:(بالغوات)شيماء سيري طلعي تكعدي حسن منسدق محرم عليك هاد لمشيا انا:اوكي (بنفخة).مشيت وهو يدرب واحد لفران هادوك لي فشارع كلهم داروا كيشوفوا فيا مشيت لدارنا وهو تفتح لي ماما نقزت عيها بتعنيقة ماما:الله ها بنيتي وشحال توحشتك انا:اهئ اهئ تانا اماما ماما:وحنى واقفبن تاهودات هي والله تاهي ختي حبيبتي انا:(نقزت عليها)حبيبة توحشتك ختي:تانا حبيبتي هاكدا تمشي وماتقوليهاليش انا انا:والله اختي مابيدي كلشي جامزروب...
انا:فين هي ملاك وامير ختي:امير بقا مع باباه وملاك عاد رضعتها ونعسات راها فبيتك ماما:شيماء علاش راجلك مطلعش انا:عندوا خدمة وصلني ومشا انا:ماما عرفتي بديت تدريب باش نولب لملازم شيماء ماما:بصح اوا مبروك ابنتي ولكن هما كيدربوا فلاكاديمية انا:عارفا ولكن ناصر هو لي كيدربني ختي اممم ناصر كيدربك بوحدك يخليلي لي كيغار انا:(تفكرت لبوسة دقبيلا)اوا غي مؤقتا وصافي .بقينا كالسين كنتعاودوا انا:فين هو خويا ماما:راه مشا ابنتي يدوز سطاج فرباط انا:(فرحت من قلبي)اف حمد الله ماما:هادشي كامل بسبابك نتي ابنتي انا فخورة بيك حيت كتفكري فغيرك وماشي انانية انا:ماما يونس خويا ومن لحمي ودمي واكيد نبغيلوا لخير كيما نبغيه لاي واحد والله لاتوحشتوا بزاف ماما:ابنتي تاهو توحشك بزاف.نمشيو لجهة خرا عند ناصر:افف قبيلا ندمت علاش دربتها ولكن ضحكانتي فاش كانت كالسا كتنتف فنورة وغوت عليها بحيت انا بطبعي مكنبغيش دباز وصداع مي فاش قالتلي دادة نجاة شنو كاين ندمت وكونت باغي منين نكون موصلها نعتذر ولكن هي تجاهلاتني وكترد عليا بكلما تما عرفتها مقصحا مني صارحة كنت كنفكر كي غندوز هاد لايام بلابيها ومنين جات تهبط مقدرتش نصبر حتى بستها افف يا شيماء سنو درتي فيا ماعمر بنت المرا قدرات تخليني مشغول وكنفكر غي فيها توحشتك اشيماء الله يصبرني على هاد ليلة انا متاكد انك كتحسي من جيهتي بشي حاجة وتا لاما كنتيش غنخليك تحسي انا ماكد احبيبة قريب نشاء الله قلبك يكون ديالي...
بقيت كالسل انا وماما وختي كنهضروا تاسولاتني ماما:بنتي كي كيعاملك ناصر انا:مزيان حمد الله ختي:احم احم دخلتوا ولا مزال انا:(تفكرت ديك ليلة لمشئومة ونزلات دمعة من عيني مسحتها بزربة)ماما:شنو ابنتي انا:(تزنكت)وصافي اماما مدكرينيش ختي:(كتزغرت)انا:اويلي شنو كاديري ماما:هه خليها تفرح بختها ختي:مزكلكش كنت كانقلك دابا يجي نهارك ونتفرج عليك انا:ياكي اوا هانا جربت (فنفسي:وجربتوا باسوء طريقة)ختي:اوا مزيانا فيك وانا دخلت عند زين ديالي بنت ختي لملاك ديالي شحال كتحمقني وينو انا:زين ديال خالتها فاقت وكلست كنلعب معاها انا بطبعي كيحمقوني لوليدات صغار (تخيلت راسي عندي وليد من ناصر وكنلعبوا معاه ههه انا فنفسي:هه فيقي اشيماء شتك وليتي عاتخايلي )ماما:شيماء اجي تعشاي ابنتي انا:واخة لقيت ماما دايرانا لحريرة ناري كنموت عيها كلست كناكل ومنين سالينا نضت جمعت طبلة وغسلت لماعن ومشياظت كنتفرج انا ةماما وختي ففيلم كوميدي متنا غا بضحك منين سالينا ناضت ختي دخلات لبيت ديالي لقديم وانا فرشت فلبيت دخويا ووليت درت بناقص ومشيت دقيت على ماما انا:ماما واخا نجي نعس حداك ماما:اجي ابنتي مشيت نعست حداها وبديت كنتعاود معاها عودتلها على دادة وزينب وتدريبات وهي كتلعبلي فشعري .صبح الصباح واشعة شمس داربا فيا نضت ملقيتش ماما حدايا وسمعت تقرقيب والهضرة عرفتهم ناضوا .جمعت شعري وغسلت وجهي توضيت وصليت وخرجت انا:صباح لخير ماماوختي:صباح النور كلست نفطر لقيت ماما دايرا لحرشة انا:الله يعطيك الصحة ماما:باش متكوليش مادايراليكش خاطرك انا:ربي يخليكليا اماما ماما:تانتي ابنتي وصبري ابنتي وماتعانديش راجلك ولكان غالط صحيلو غابسيايسة انا:نشاء الله اميمتي مهم بقينا كالسين كنتهاودوا ونضنا جمعنا دار .طلعت لصطاح نشر تصبين ديال خانزة دملاك...
ومنين ساليت بقيت ساهيا كنفكر وكناقش راسي هه تاكنيمع صوت كينادي كانت ماما:شيماء هودي ابنتي انا:واخة اماما هودت وادا بي كنتفاجئ بيه كالس كيلعب مع ملاك وهي كتضحك لخانزة بقيت ساهيا فيه (كان لابس كويرة فلباج وطلع لكمام ودايرا ساعة سبور وتيشرط فلبيض من لتحت وسروال كحل وكاط فلباج وطلع شعروا . صارحة راجلي فن تزعطت فيه)على عينو كيشوف فيا وكيطلعني وكيضحك .ناض وقرب عندي وباسني فحنكي وانا غامبنجة ناصر:لاباس انا:الحمد الله انا:انا داخلا لبس حوايجي دخلت وهي تبعنب اختي ختي:ماهدا شكون هاداك راجلك ولا شي ممتل هارب من شي فيلم تركي ناري يختي راجل ختي متيتز انا:وماشي بزاف ختي:تي خصك ديريه فماريوا وتسدي عليه انا:واباركة ختك زعما مازويناش ختي:زوينة ولكن ماشي قد راجل ختي انا:ناري يا ختي جرحتلي لي سنتيمون .لبست كسوتي ودرت شالي وشوية دماكياج وخرجت .سلمت على ماما ومشينا ناصر:بنت ختك غزويلة تبركا لله انا:الله يبارك فيك تاهي خصها غامعامن تضحك ناصر:الله يخليهالها وصلنا ونزلت سلمت على دادة وزينب وطلعت لبيتي نبدل عليا وانا كنبدل تا تحل لباب كان ناصر تصدمت وبقيت غاساكتة وطيحت لكسوة من يدي كنشوف فيه ومغطيا راسي بيدي كنت لابسا دوني وشورط انا كنقفقف ونبلع فريقي شويا بدا كيقرب وانا كنبعد فالتالي ضرت .كنحس بيه كيقربلي ناري عنداك يدير شب حاجة افف ياربي تا شوية تمداتلي لكسوة ناصر (وهو ضاير )لبسي حوايجك غي نتغداو انمشيو للتدريب وهزي معاك حوايج انبقاو 3جوغ فلاكاديمي انا:(بصوت غير مسموع)واا..خة وخرج لبست سروال دجين ازرق وسوميج بيضا طويلة شوية وكنفيرس فلبيض ودرت شعري كعكة شوية دلمكياج وجمعت حوايجي فصاك وهبطت لقيتهم حاطين لغدا كلست حدا دعة وناصر مقابل معايا كاع مبنتلي هاديك نور .ناري وحلهالي بشوفات...
سالينا وخرجنا دخانا لاكاديمي وبقينا ماشيين تاوصلنا لواحد لمكتب كان مكتوب فلباب لكونيل ناصر السليماني عرفتو ديالوا دخلنا وهو كلس فلبيروا وانا بقيت واقفا ناصر:نتي غتمشي تكلسي مع لبنات انا:اوكي شاف ناصر:عيط فتلفون لشي واحد تادخل واحد لجندي عرفتو من لباسوا بقا كيطلع فيا ويهبط باعجاب ديها لشومبر دلبنات ورجع عندي .خرجت تابعا هاداك وصلني لواحد لغرفة ودق حلات واحد لبنت دخلت لقيت تما بزاف تلاتة دلبنات بقيت غي كنشوف فيهم انا:سالام لبنات:سالام قربوا عندي البنت1:انا سارة .البنت2:انا لبنى والبنت3:انامريم انا:انا شيماء البنات:مشرفين حطيت صاكي وحيدت سبرديلتي و وكلست معاهم مريم:سمعتوا ليوم لكولونيل جا سارة:اه ياختي عاود غايدوز علينا الدكاكة ولمحنة لكحلا(عرفتوا علامن كيهضروا عرفتهم على ناصر)سارة:ياختي انا بعدا طالعلي فجني لبنى:حشومة عليك لاش كتقولي هكا متخرجيش فيه لعيب مريم:زين شتك كدافعي عليه مريم: (تكات فوق الناموسية)وشكون ميدافعش على داك زين كامل ودوك لعضلات وداك لفيم غوز (انا هنا تزيرت واه كالسا تشكر فراجلي قدامي اوو لفيم غوزكاع ناري شنو نوض ندير فيها )دخل طل علينا هداك لي جابني الجندي:يالله خرجو عندكم تدريب دابا كلشي واخة:شفت لبنات كيلبسوا واحد سروال كحل وصغفيط فلبيض بقيت غا كنشوف مريم:زين هاكي هادو عندي زايدين لبستهم مع سبرديلة وخرجنا حنى ولبنات هبطنا لواحد ساحة كلشي بدا يتجمع وكانوا تا شي دراري جاو كيسلموا على لبنات وسلموا عليا الشخص:شيموءة انا:(ضرت وانا نلقاه)سليم امي ديالي قرينا بجوج لاعدادي وتانوي انا:لهبيل صاغا توحشتك انا:شكدير هنا سليم سرقتليك حلمك ههه انا:تالاحلام كتبعونا عليهم الله يستر بقينا مقشبين انا وياه تا كنشوف ناصر واقف بعيد شوية بتخنزيرة ومربع يديه وكيشوف فيا...
