نيران قلبي

part 13

- تعاايي

- نعم

- شنو معنى الي كلتي

- يعني اذا انت متريد تاخذنه اكول لامير

- امير ما عنده سياره

- اي لعد بطلنه مانروح

بيان رادت تحجي خزرتها سكتت
عفتهم ومشيت للاستقبال اجت وراي بيان
رادت تحجي كعدت يم بابا

دخل اسير ورجع لمكانه
حجه وهو يوزع نضره عليه وعلى بيان

- يابه يوم الاحد انشالله اروح لكربلاء

- اي بيها الخير ويامن رايح

- اريد اخذ بيان والبنات من بعد اذن عمي

- اي بعد عمك اليوم شيبن راسي الا تاخذنه واني ماعندي وكت

- ولا يهمك عمي البنات بأمانتي

كلت بكلبي قبل شويه ماتاخذنه شهالحنيه النزلت عليك

بقينه شويه وكال بابا يلا نمشي كمت اريد اطلع
مريت من يم امير كال بصوت ناصي بس اني سمعته

- طلعه واجتهن ابلاش عالاقل عزموني

- دسكت وجه البومه هسة نسوي حادث

- عساكم

- ضحكت وطلعت

رجعنه للبيت وشفت رنيم وجهة عابس

- رنيم يوم الاحد نروح للزياره حياخذنه اسير

- اي خوش

- شبيج

- هذا عزيز من الصبح ادزله رسائل ميجاوب

سألت ايلاف بلكي تعرف شي كالت اسأل وازدلج خبر
وقبل شويه خابرتني تكول امه تعبانه وبالمستشفى وهو وياهة

- يا خطيه الله يشفيها

- اي حيل انقهرت عليها دوم يحجيلي عنهة ومتعلق بيها الله يستر بس

- دكومي هسة هاي كعدتج شتفيد بله

- كايمه لا تمطمطين

- شنو؟

- مو وياج

- عبالي

اجه يوم الاحد وانطلقنه من الصبح لكربلاء
بيان بالمقدمه واني ورنيم وره
ليال مااجت لأن ماتحب تطلع بدون امي

ذكرت دالي رادت تروح ويانه وتأردفت وضحكت بالسياره

السبت وقبل الطلعه بيوم خابرتني بيان

- لج شمم فاتج المسلسل الي صار البارحه

- خير

- جانو عدنه بيت عمي عباس جايين كلهم
تدرين اسير حذرني مااكول لبنين ودالي راح نروح لأن مايريد ياخذ

- اي؟

- اي ولج احنه متجمعين كلنه جان يجفص امير ابو شعفه