عشق احفاد هاشم (مكتمله)

الـبارت الثالـث

فهد
مـن نزلت مـن الغرفه سمعتها كالت متعجرف انـي متاكد تقصد عليه بـس هـي ؏ـزاا بعينها موش بنيه بسرعه لافت الموضوع وكلبتها عليه و طلعتني انـي اسنط عليها بـس مـن كالت دنيوه ردت الا شويه اطكها بضحكه شبسرعه تعلمت اكيد اذا تكعد بنص دنيا وجدتي شتتعلم قابل بعـدين طلعت برا شفت ولد عمي واكفين يضحكون و حسن دا يغسل وجهه بالمي
فهد : ضحكونا وياكم
مصطفى وهو ميت ضحك : لـك فاتك الموقف قبل شويه
فهد : شَكـو يـول
احمد ابن مهيمن: لـك غـير الكصاب كاعد يكص بالذبايح و فجأه نندار نلكا حسن دا يتقيء
فهد بضحكه : صـدوك ولله ؟
حسن : دسكتوا ولله لعبت نفسي مـــو زين مـا متت
مصطفى : لـك فهمني انـت شون صرت دكتور
حسن : لـك هــاي تختلف انـي بعمري مـا شايف هيــچ شتحجي انـت
فهد : حگك ابن عمي و معذور هـم بـس تدري شنـو اريد تسوي هسه
مصطفى : العبببب رح يگلبك
حسن : شسوي فهودي
فهد وهو يخلي ايده على جتف حسن : اريدك تصعد الغرفتي و تفتح الكنتور رح تلكا انواع الدشاديش تختارلك وحده و تلبسها و تجي
حسن بفرحه : لككك عجبتنييييي ولله
مصطفى : دمشي روح بدل خلي نشوفك شون رح تطلع
حسن وهو يطب جوه : انـي اعلمك اذا مـا طلعتكم كسرر
فهد : خوش ولد طلع
مصطفى : ‏Ⴢ̤Ι ولله خيي و حبيته كُلـش
احمد : انه هـم حبيته ولله و النعم مـن تربيه عميي
فهد بهمس ما مسموع : ‏Ⴢ̤Ι ولله لوما بنته الي يحتاجلها ترويض شويه
احمد : شنـو تِحجـي
مصطفى : عوفه هذا مسودن مـن الصبح لسه يحجي وحده
فهد وهو يلزم مصطفى مـن ركبته مـن وره : لـك وتالي وياك انـت
مصطفى : بالعباس اشاااقه
احمد بضحك : ‏Ⴢ̤Ι حيييل زمال

لينا
ظلينا انـي و بيبي ودنيا كاعدين نضحك و نسولف و بيبي سولفتلي شون جانت حياتهم و عيشتهم و دنيا كامت تسألني عن حــيآتي هـم و كُلـش اخذت راحتي وياهن و اجتي عمتو وعد هـم كعدت و كامت تحجيلي عن كُلـشي ورا شويه دنيا كامت
لينا : ويـن ولج
دنيا : رح اصعد انظف غرفه فهد
لينا : و لـيش مينظفها هـو لـعد ؟؟
صدمه اعتلت ؏ وجهه وعد و دنيا وبعدين طكنها بضحكهه
دنيا بضحك : عمه سمعتي شكالتتت ؟؟
وعد : ‏Ⴢ̤Ι ‏Ⴢ̤Ι سمعت ههههههههه
لينا بابتسامه: شَكـو
دنيا : لـج انـتِ شبيج فهد ينظف غرفته !! ؏ـزاا غـير يكلب الدنيا اصلا اخواتي محد ينظف غرفهم بـس انـي ميقبلون احد غيري
لينا : شعجب يعني ... انـي حسون هـو ينظف غرفته
دنيا : حبيبتي هــاي انـتِ تحجين بالخارج احنا هـنا نختلف و هسه عوفيني اروح انظفها قبل ليجي ويكلبها عليه
راحت دنيا ووره شويه كامت عمتو وعد لأنـو صاحن الها البنات دا يطبخن وظلينا بـس انـي و بيبي زهره و فجأه طبن نسوان ثنين و بنيه تقريبا بكد دنيا بـس فدوه مـا شاء الله تخبل
زهره : هـلا يمه هـلا ب سلوى تعالي خلي أحبــچ
سلوى وهي تبوس زهره : شونـج عمه
داليا (مره جلال) : و شبيه لـعد انـي مترحبين بيه لـعد عمه
زهره : يمه ماكو مثل اختج سلوى لو هـم تغارين منها
جومانه وهي تحمحم تتلافه الموضوع : شونـج بيبي
زهره : هـلا يبعد بيبتج
داليا وهي تباوع للينا : انـتِ بنت عادل
لينا بابتسامه : ‏Ⴢ̤Ι انـي
سلوى وهي تتقرب منها و تشبكها : هـلا بيـج بنيتي نورتي ديرتج
لينا ( مدري لـيش حسيت حضن هــاي المره حنون كُلـش بحيث بادلتها الحضن مـن دون مـا احس اصلا )
جومانه و هـي تتقرب مـن لينا و تشبكها : شونـج حبيبتي انـي جومانه بت عمج جلال
لينا بفرح : هلاو ؏ُــمـري تشرفت بيـج كُلـش
داليا : هـلا بيـج بينا
لينا ( هــاي شبيها يكولك مدري شنـو مسويه الها ) : تسلمين
ظلينا كاعدين بغرفه بيبي حبيت عمه سلوى و جومانه كُلـش بـس هذه الي اسمها داليا مـا ادري شبيها شون تباوعلي و انـي هذه النظره اعرفها كُلـش زين نظره كرره اما سلوى تباوعلي بحنان يكولك أنــو تعرفني مـن زماان و جوومانه كُلـش حبييتها حسيت رح نسوي خوش تيم انـي وياها و دنيا بعـدين استأذنت منهم حتى اروح اشوف دنيا بـس فجأه لكيتها صافنه
ينا باستغراب : دنيوه ولج شبيج صافنه !