Si Nonoy: Ang Gugmang Giatay

ANG PAGPAHIMALAD

SI NONOY: ANG GUGMANG GIATAY

Aammmm... Aammm... Aammmm... Samtang nagaturong ang mata kag nagakurog ang bibig sang manughimalad nga daw atong napasmo pareho sang bibig sang mga Chismosa niyo nga tupad balay.

Ti Tiyay, ano man ang nakita mo sa imo nga bolang kristal? "pamangkot ni Nonoy nga daw dismayado kag pamatyagan niya naintuan naman siya pareho sa pag-into kag pagbiya sa iya"

Ay, Nonoy hinugay pagdali... kon nagadali ka pag-una nato. Wala pa natapos ang akon ritwal. Wala ka nanamian sang akon acting kag choreography? "sabat sang manughimalad"

Ano abi kay kadamo kapa ya sang pasakaylo, pwede nalang gid na diretsohon ang hula po. Pareho kagid sang kilala ko. Damo pa liko-kilo nga storya. Gali bayaan ya lang man ko. "sabat ni Nonoy nga dismayado"

Ay, jusko... kon bigo kaya nugay ka pang-ulamid. Move na friend. Ano abi kay ginapilit mo ya kaugalingon mo sa tawo nga di kana bet, di kapa like. "panuya nga sabat ni Tiyay Merla, ang bantog nga manugpakot sa Sitio Binayaan"

Ti, dugay pagid? Basi astahan tadi Christmas Tiyay. "sabat ni Nonoy nga natak-an nagid"

Okay na, nakita ko na! " hambal ni Tiyay Merla nga nagadako ang mata"

Ano nakita mo Tiyay? "sabat ni Nonoy nga daw na excite man siya sa hula"

Ang bukog sa buli mo! Tsk, nugay bala saligbat. Talaka simu ah. Kalma bala Noy daw highblood kaman imo yah. "balik ni Tiyay Merla nga naugot"

Pasensya gid Tiyay, padayuna na ang hula mo, " hinay nga sabat ni Nonoy"

Nakita ko ang ginbaylo niya sa imo.Damo kwarta, taas, puti, kag ilabi sa tanan gwapo nga wala kagid nakaambit pag-hatagay. "hula ni Tiyay Merla"

Hula na Tiyay, okon insulto. "pagot nga sabat ni Nonoy"

Hinugay da ah, Indi tuod haw? pero joke lang ah. "tawa nga sabat ni Tiyay kay Nonoy"

Sige na bala Tiyay, kapalaran ko ya ginapahula ko. Indi kay mga labay-labay man ya imo. "seryoso nga hambal ni Nonoy"

Aw, okay. I'll be serious. Nakita ko nga maga-antos ka, ikaw pagaduog-daugon, i-reject ka sang pamilya sang babahi nga imo naluyagan. Pero siya magahigugma gid sa imo sang tunay. Pero nakita ko ang kasanag nga magakuha sa imo. Joke, lang. Nakita ko ang pag-asa nga ikaw maga-ayuhan sa ulihi. Gani ikaw maghimakas para ikaw mangin madinalag-on kag makuha ang tanan nimo kag luyag. Kag sina nga tion palihog, indi ko pagkalimti. Wasliki man ko. "hambal ni Tiyay nga daw ginaposes"

Masabat na tani si Nonoy, pero may gindugang pa ang manugpakot.

Gani kay ikaw mangin madinalag-on sa ulihi. Dugangi ang bayad kay ginakapoy ako choreo. "hambal ni Tiyay Merla nga gaturong ang mata"

Aysus, kanami ah. Ari isa gatos ho ah. Abi ko piho na. "na bwesit si Nonoy kag naglakat"

Hoy, wala gid tada bisan baynte lang? Indi moko kalimtan ha. "hambal ni Tiyay nga naga-singgit"

Naintuan naman ako. "Hambal ni Nonoy sa kaugalingon."

Kag ginkay-o liwat ni Tiyay merla ang lamesa kag ang bola nga kristal. Kay siya nagpadayon nga nanghimalad.

Ay, jusko daw maunay man turong mata ko ba. Kadamo pa pasakaylo abi. Dason kay lip-uton ko nalang ang script kag choreo ko ah. Pila man tani mapasmo man "hutik ni Tiyay Merla sa kaugalingon"