جسد انهكه الحب

البارت السادس

متشوف غير الانتقام ونست من حفر حفرة

لاخيه وقع فيها خططت لكلشي وسوت كولشي

لحتى تنتقم مني بس انقلب السحر على الساحر

اني هنا خلصت طاقة التحمل العندي رفعت عليها

دعوة وسجنتها هية وهذا المدري منو الساقط

المتفقة ويا من نفس الطينه هية ويا والله اليعلم

شنو سوتله وشنو انطته لحتى جازف هيج مجازفة

وسواها

سجنتهم ثنينهم وماقبلت اتنازل عنهم

اجاني ابوها

ابو بان

ابني ميصير هيج هية مرة وتعرف

المرة

اذا دخلت سجن شنو يصير بيها

علاء
لعد هية مافكرت من سوت هيج وتهمتني

ابو بان ابني مرة عقلها صغير متفتهم كان

كل همها تنتقم منك والله احنه مانعرف

بيها من راحت اشتكت عليك.

علاء
عمي اذا بنتك ماتعرف شتسوي ماتسوي

بنتك مسوية مصايب يابو مصايب انتبهلها

وهاي لخاطرك راح اتنازل عن الدعوة

بس والله العضيم اذا رجعت تقربت لحياتي

وسوتلي مشاكل والله العضيم ماتخلص مني

وتعرفون منو اني ومنو ابوية وشأگدر اسوي

ابو بان لا ابني اخذها وعدد مني ماترجع لحياتك

علاء تنازلت عن الدعوة وطلعتها من السجن

هية وهذا الجايبته مدري منين ثنينهم اسقط

خلق الله اجو اهلها تشكرو مني ومن ابويه

كلما اگول خلص طلعت بان من حياتي وانتهى

كولشي ترجع تطلع من جديد وكلما تطلع وياها

مصيبه اكبر من راسها الخايس

انتهت بان وطلعت من حياتي بس ياترى

هم ترجع تطلع وتسببلي مشاكل ..........

.......................................................

بعد ما حجت وياي الدكتورة زينب خذتها

اتوسطلتها لان كلهم يحبوني ويحترموني

ويعرفون اني ابن منو فكانو مايردولي طلب

زينب
ماعرف شلون اشكرك فضلك ما انسى

طول عمري

علاء شنو السالفه ماسويت شي

رجعت للقاعه مالتي

محمد احم احم

علاء وجع شبيك