قمر ليالي النقيب ||باللهجة العراقيه||

: part 19 :

واللّٰــھ شربته وهي عينها ؏ـليهہۧ
خلصته وكمت غسلتها ونتضرت برهومي ونمت
اسبوع هيج
احس روحي مُـــو طبيعيه
الم ڪُــلش قوي بمعدتي
بالاول جالي وهلسوالف
بعدين الم ياطبيب اروحله يكلي قولون
بس شي مُـــو طبيعي يعني الالم براسي وبمعدتي
خطيه الحجيه تكلي هذا برد
سندس رجعت يمهم بالمنصور
حمودي يخابر وباله يمي واني اطمنه
اليوم ابراهيم ماراح للشغل اجه اخذني هو لدكتور
شرحتله  ؏ حالي كال خاف تسمم
جيك وضعي وكال مابيج شي لتخافين يجوز ماكله اكله باليل ومخربطه وضع
ضليت اتذكر شماكله هو اني حتو بليل ما ﭑڪــل غير الحليب والنستله
اسبوعين مرت اني نفس الالم بحيث حتى الصالون تركته كتلها ماكدر
وهي خطيه ام الصالون كلما تعزل تجي تمر تشوفين شون صــࢪت
علاقتي بيها ڪُــلش ممتازه صارت صَــديقتي
تحجيلي اسرارها واحجيلها اسراري
حتى عن اسد حجيتلها وبقت تدعيلي الله يجعله من نصيبي
تطورت حالتي اكثر واكثر
صــࢪت ماكدر احط لكمه بحلكي بس ﭑڪــل شي اذبه
نحلت نحول مُـــو طبيعي
وبس اصيح راسي وراسي
جسمي وخاصه صدري يحكني حكه ڪُــلش قويه بحيث تجلخ تجلخ كد ما احك
تعبت تعبت
كمت بس متمدده وميدخل معدتي غير عصير البرتقال اللي تسوي اللي ام وليد
مرات اذبه مرات لا يستقر بمعدتي
اسبوعين نزل وزني فد مره
وسائت حالتي
صار عصير البرتقال ما اجرعه
٢٤ ساعه مغذيات
عيني ماكدر اغمضها
بس اغفى شويه افز على كابوس يرعبني
جان اسد يخابر  ؏ امه وماتحملت حجتله  عن حالتي
يومين واجه ديطمن ؏ـليهہۧ
اني شفته لو احس شفت جني
كبل عطت بي اطللععع برااا
وجه مُـــو وجه اسد اللي احبه
لا لا شيطان كدامي
واحس روحي تـــࢪيد تطلع من هو موجود والهوه يخنكني
جلنار .. ولييييي منااااااا اطلععععععع اكرهككككك
يمههههه لحكيليييي

تخبلت بيومها وهو يحاول يهديني واني اشيل روحي وارگعها
ماحس بروحي شسوي
احس احد ديتحكم بيه وهو يكلي هيج سوي
ومن يومها سائت حالتي اكثر
صــࢪت بس انتف بشعري واون
روحي روحي تطلع وترجع
ڪُــل هذا واحس مُـــو اني
اريد اصيح اكلهم مُـــو اني ماكدر
ابقى وحدي بالغرفه اتمنى اسد يمي
وبس يجيبون طاريه اتخبل عليهم اكوم الطم واصيح
اسد مابقى ثاني يوم رجع لان عبالهم هو مزعلني بشي وهيج صار بيه
شهر كامل مرت
اني لا ايد ولا رجل
جسمي صار عوده
وسائت حالتي اكثر من قبل
صــࢪت بس اسمع صوت الاذان
اتصرگع
عبالك واحد دينتل بيه
اخنك بنفسي
واسد باذني اريده يسكت
كلها تبجي  ؏ حالي
صــࢪت مانطق ولاحرف
منعزله بالغرفه وحدي
وحاضنه رجليه  ؏ بطني واهز بروحي
ام وليد تبجي وتصيح البنيه تخبلت
اباوع عليهم كلهم اريد انطق ماكدر
بس صوتي بالعياط من ايأذن
وصل الخبر لمحمد ومن سمع كلب الدنيا كلاب لان محد كاله
طلع روحه من نص الموت واجه
لان جانت الاوضاع كلشششش موزينه وخاصه بالفلوجه مليانه من داعش
اجه ؏ـليهہ وحضني
محمد ..عمري جنونه هاي شصاير بيج شتشكين بيج شي
جلنار ..اريد احضنه اريد اكوله مشتاقتلك لتروح ماكدر
بس اكلب بعيوني هنا وهنا
هو شافني هيج ماتحمل
كبل حطني بالسياره ويفتر بيه من طبيب لطبيب
كلها تكله متعرضه لصدمه لو حاله نفسيه
رجعنه للبيت خالين ومنعرف مرضي شنو