قمر الشتاء

الجزء الأول

#قمر_الشتاء
الجزء الأول

بمجرد ما قلتلها بحبك.. ضحكت وحطت ايديها علي وشها من الكسوف ومشيت.. ومردتش.. ومرة واحدة لقيتها ألتفتت تاني وبصتلي وحطت ايديها علي وشها ومشيت وغابت عن عيني ..

رواية الكاتب / أحمد جمال المصري

أنا مادا 25 سنه خريج تجارة انجلش وشغال في شركة.. بيتقال عني إني لطيف وحبوب اوي.. أي حد يشوفني يستريحلي في التعامل.. وكتير يقولي شكلك مألوف وإن عندك كاريزما وجاذبية.. شخصيتي رومانسية وحنينة لأبعد الحدود رغم إني حازم وجد ومبضيعش وقت..

صوت يأتي من الخلف : ابعد بقا عشان أعرف نفسي..
أنا ميرو.. وعندي..

أحمد يقاطع أميرة ويدفعها بلطف ويحركها عن مكانها بيده : اه نسيت أقولكم اسمي أحمد.. بس الدلع مادا.. وبحب الهزار جدا..
ميرو وهي تدفع أحمد بيدها : أبعد بقا خليني أعرّف نفسي.. وأكمل كلامي..

رواية الكاتب / أحمد جمال المصري

أحمد يضحك : غلوش غلوش.. بوظ بوظ..
ميرو : بس بقا يارخم ..
أحمد : طب خلاص..
ميرو : أنا أميرة 23 سنه..
أحمد يصدر أصوات غلوشه علي أميرة اوه اوه ويصفر ويتحرك أمام أميرة.. ويصيح بصوت..
ميرو : تصدق إنك رخم.. وراحت عضاه في ايده..
أحمد : اااه ياعضاضه..
أميرة : وجعتك ياروحي..
أحمد : ويضع اصبعه عند جنب أميرة.. ويقول اركب الهوا..
ميرو تتحرك من مكانها وتصرخ : والله اعضك تاني بجد..
أحمد : وأهون عليك ؟
أميرة : متهونش عليا ياقلبي..
يرن هاتف أحمد.. وتستغل أميرة انشغاله بالهاتف..

رواية الكاتب / أحمد جمال المصري

فتبدأ بتعريف نفسها.. أنا أميرة 23 سنه لسه متخرجه من تربية لغة عربية.. مادا بيقول إني جميلة اوي.. هو شايف كدا عشان فعلا جمالي طبيعي.. وأنا كمان مهتمية بلبسي وشكلي واستايلي اوي.. ومش عارفه البنات كل مايتكلموا معايا.. يقولولي يامز أنت ياقمر.. الصراحة بتكسف اوي.. كل كلامهم كوم والبت مي الرخمة اللي كل لما تشوفني تقولي يالهطة قشطة أنتي ياحته شيكولاتة سايحة.. مش عارفه ليه تقولي كدا ما تقولي يا نوتيلا علطول..

رواية الكاتب / أحمد جمال المصري

النهارده خطوبتي علي أحمد حبيبي.. بيحبني من أول ماشافني وأنا رايحه مع بابا الجامعة أول يوم..
بابا بيخاف عليا اوي.. وطبعا مرضيش يخليني أسافر لوحدي القاهرة.. لأننا من المنوفية.. ومش عارفه ليه بابا أصر إني أكون في القاهرة مش في المنوفية.. المهم بابا لما سافر معايا ووصلنا الجامعة.. والأمن رفض يدخله.. اتخانق مع أمن الجامعة ولازم هيدخل يعني هيدخل.. وأنا أقوله خلاص يابابا.. وهو يقولي اسكتي مش عايز اسمع صوتك خالص.. والأمن آخر ما خلاص جاب آخره من بابا.. خلي بابا يقف على جنب.. راح بابا طلع تلفونن واتصل علي الدكتور حاتم عميد كلية التجارة.. ايوا يا دكتور حاتم الأمن مش راضي يدخلني..
الدكتور حاتم : يدخلك فين ؟
بابا : يدخلني الجامعة مع أميرة..
الدكتور حاتم : وأنت عايز تدخل معاها ليه ؟
بابا : عشان اطمن عليها..

رواية الكاتب / أحمد جمال المصري

الدكتور حاتم : طيب روح أنت واطمن..
بابا : لأ هدخل يعني هدخل.. انشاله ارتكب جنايه..
الدكتور حاتم : شوف يا وهاب بلاش الدماغ دي هنا.. أنا هبعتلك طالب من المتفوقين عندي واللي أخلاقهم عالية.. يفهم أميرة كل حاجه.. وأنت اتوكل على الله روح..
بابا : طيب ابعته.. بس هدخل يعني هدخل..
الدكتور حاتم : طيب ادي التلفون لبتاع الأمن..
بابا يعطي الهاتف لأحد الموجودين من الأمن .. خد كلم الدكتور حاتم..
حارس الأمن : نعم يادكتور..
الدكتور حاتم : هيجيلك أحمد حالا .. هتبعت معاه الأستاذ وهاب وابنته الأستاذة أميرة..

رواية الكاتب / أحمد جمال المصري

حارس الأمن : بس حضرتك عارف.. إن فيه تشديد النهارده جدا عن أي يوم وفيه تعليمات مشددة و..
الدكتور حاتم مقاطعا : أديني الضابط اللي جنبك..
حارس الأمن : حاضر ثواني..
الدكتور حاتم لضابط الأمن : أحمد جاي عندك حالا.. عشان يدخل معاه الأستاذ وهاب وابنته الأستاذة أميرة..
ضابط الأمن : حاضر يادكتور.. بس يسبلنا بس البطاقة..
الدكتور حاتم : طبعا أكيد..
الضابط يعطي الهاتف لحارس الأمن والذي يعطيه للأستاذ وهاب والد أميرة.. والذي يشكر الدكتور حاتم..

رواية الكاتب / أحمد جمال المصري

ثم يأتي أحمد ويخاطب حارس الأمن : الأستاذ وهاب والأستاذة أميرة..
يرد وهاب : ما شاء الله أنت وصلت بسرعة اوي ؟
أحمد بلطف : منقدرش نتأخر عن حضرتك..
وهاب ينظر لحارس الأمن بطرف عينه مفتخرا : الله يرفع قدرك ياابني..
أميرة وقد أعجبها رد أحمد تنظر بخجل إلى أحمد وهي تمسك ذراع والداها بقوة وتقول : هو حضرتك دكتور في كلية تربية ولا تجارة ؟
أحمد بابتسامة رقيقة : أنا لسه طالب في سنه تالته في كلية تجارة.. بس هقدر أشرحلك كل اللي هتحتاجيه في أول يوم ليكي هنا..

رواية الكاتب / أحمد جمال المصري

ثم يخرج ورقة ويكتب عليها رقم هاتفه.. ويقول ده رقم تلفوني.. لو احتجتي أي حاجه.. أنا تحت أمرك.. لكن يجد صوتا غليظا بجواره.. يقول له..

تصويت تصويت تصويت ومتابعة 🌷