| يا تعبي العشگته | ' باللهجة العراقية '

| البارت الرابع و الثلاثون |

فجاة انفتح الباب و طـلعت منو الدكتورة
كلنا رحنا عليها و هي نزعت الكمـامة و گالت بهدوء

- اول شي الحمدلله على سـلامة المريـضة

- زين دكتورة شلونها نگدر نشوفها

حچـت ريهام و اني ردت اسأل بس عبالك شـوكة وگفت بحنجرتي
و جاوبت الدكتورة بعـملية

- زينه و گـدرنا نوقف النـزيف..لو مـا اجـيتو بالوقت المـناسب چان خسرنـا الطفل

صد عليه سلطان و گال بتساؤل

- هي حـامل؟

رمشت عيوني و تقدمت خطوة و گلت باستغراب

- دكتورة بس هي مو حـامل؟
قبل فترة اخذتها للطبيب و گالتلها عندچ هرمونات و هسا حمـلچ صعب

ابتسمت الطبيبة و گـالت

- خوية المدام حامـل شهرين..
و شكلها شايـله شي ثگيل و صارلها نزف..الحمدلله هسا گدرنا نتدارك الوضع هي و الطفل بخـير

ظليت صافن و شارد بكلامـها..
ريهام ابتسمت و گعدت تتشكر من الدكتوره و حتى سلطان..و اني عبالك صنم واگف بس اسـمعلهم
شوية و طلعوها و هي بين الصـاحية و الغافية

اخذنها للردهـا و وين يلا گعدت و اني يمها و كامش ايدها..احس نفسي فقدت الاحساس
بـس حچي الدكتورة يتردد بأذني..ادحگ لـ روان و ارجع ادحـگ لـ بطنها
يعني هسا اكو طفل بداخـلها..طفل مني يعني ابني

گـالت اليوم تبـقى اخاف يصير شي و باچر طلعوها
سلـطان گلتلو روح لا تـظل اني كافي و ريهام گالت ما اروح اخاف ما تگـدرلها بس طمنـتها ماكو شي
و راحو و ظليت اني گاعد يمها..

و بس نايمة خفت لا بيها شـي..فـ رحت سألت ممرضة من جتي و شافتها گالت لا تخاف ماكو شي بس منطـيها مسكن

الليل كلو كل شوية تگعد و ترجع تنام
و كلمة ما نطـقت..صبح الصبح و جا سلـطان
و طلعنا ورا ما شافـتها الدكتورة و كتبت الها على علاج..و گـعدت توصي
لازم هالـشهرين الجاية شگد ما تگـدر لازم ما تتحرك و لا تتعب صعدت الدرج تقللها و الحمل الثگيل همين

رجعنا و تلگـتنا امها بالباب و هي تحظن بيها و تبچي و لين سلمت عليها..
گالت امها خليها يمي اني ادير بالـي عليها
بس ريهام و اني رفضت..اخليها يمي و جوه عـيني

و اذا على صعدت الدرج فـ هي مرة وحده تصعد و ما تنزل اكلها يجيـها ليمها و ريهام ادري بيها مـا تقصر

ظلت طول اليوم فوگ و رحت جبتلها معـلاگ و شوتو ريهام و گوه اكلتو
امها ظلت عدها لليل گلـتلها خالة روحي انتي تعبتي
و هي الحمدلله هسا احـسن..

حدرت جوه و خـابرت عامل قبل اسـبوع هيچ خليتو وياي گلتلو باچر انت فتح المحل اني مـا اگدر
خطية ولد يتيم ابو ميت باحداث داعش...ابو چـان شرطي و اخذو الدواعش
ورا اسبوعين جابولهم خبر انو متـوفي
عندو اخت وحده عمرها 13 سنة و امو تخـيط و عايش يم خـوالو