نيران قلبي

part 12

رجعت من المستشفى للبيت اشوف الجو مخبوص فناء تركض وبيان وبنين يتعاركن بالمطبخ

طلعت بيان من المطبخ جانت مبدله عبالك تريد تطلع

- ها بنبن شبيكم ليش هالخبصه

باوعتلي بنظرة حزن ومشت بلا ماتحجي

- تعاي شكوو

- ماكو شي ليش اجيت انتَ

- شنو غير خلصت دوامي

- ها ها انتَ روح نام ارتاح

- بيااان شبيج

شهكت وكالت
- اسير والله مااريد اروح بس ماما جبرتني

- ويين ؟

- اليوم مهر ميسم

- شننوووو تحجينن صدك انتِ

- اي والله مو ماما كالتلك

افترت بيه الدنيه اجت على بالي كل ذكريات الـ3 سنين

- اسير بيك شي؟

- روحي من يمي

طبيت للغرفه و ضربت الباب برجلي
هدأت اعصابي ذبيت روحي عالجربايه وغمضت
كأنو دخلت بغيبوبه

كاعد بس مااكدر اكوم وعيوني ثكلن بقيت على نومتي لمن غفيت..

بالليل الا كعدت لكيتهن راجعات من المهر ماحجيت وي احد

بدلت وطلعت لكربلاء

زرت الحسين والعباس 'ع' وبقيت كاعد بين الحرمين
چان عقلي يگول ربي طلعها من گلبي وگلبي يعارضه ..

للفجر صليت وتريكت وردت ارجع
فتحت جهازي 30 مكالمة فائته من اهلي
دكيت على ايسر بسرعه جاوب

- وين انتَ ولك

- بإرض الله الواسعه

- لك قلقنه عليك وامي ضغطها هبط

- ماعليه شي ساعتين واني يمكم

- انتَ بكربلاء؟

- اي يلا راح ارجع

- خوش

رجعت للبيت استقبلوني وكلهم قلقانين عفتهم ورحت لغرفتي

مرت فتره واني مااحتك بيهم من الشغل لغرفتي لو طالع

حاولت انسه ميسم ماكدرت جنت متأمل تفصخ الخطوبه

بعد 3 اشهر سمعت خبر صدمني
زواج ميسم بهذا الاسبوع والكل مخبوصين ميلحكون

ما فكرت اسوي اي شي بس دعيت الله يوفقهة وانساهة

بيوم الحنه راحن البنات وامي الهم واني طلعت وي جماعتي

بالليل اجتني رساله من رقم غريب عرفته الها

- عرفت انت مخاطب والي صار لعبة سامحني وادعيلي

ضحكت بأستهزاء وماجاوبت...