ဒေါ်ခတ္တာဆိုသော အမျိုးသမီးမှာ အသက်လေးဆယ်ကျော်ပေမယ့် နုပျိုပြီး ကျက်သရေရှိသည်။ ဝတ်စားပုံအရ စီးပွားရေး အဆင်ပြေသည့်အခြေအနေတွင်ရှိသည်ဟု သူတို့ အကဲခတ်မိသည်။
"ဒါ ကျွန်တော့် အမေ ဒေါ်ခတ္တာပါ "
ရှိုင်းက အားလုံးကို ကြည့်၍ သူ့အမေနှင့် မိတ်ဆက်ပေးသည် ။ ရှိုင်း၏ အမေက အပြုံးချိုချိုလေးနှင့် စတင် မိတ်ဆက်သည် ။
" တွေ့ရတာ ဝမ်းသာပါတယ် ။ ကျွန်မ သားလေးကို ကောင်းကောင်းမွန်မွန်ကြီးပြင်းလာအောင် စောင့်ရှောက်ပေးတဲ့အတွက် ကျေးဇူးတင်ပါတယ်ရှင် "
" ရပါတယ် ။ ရှိုင်းက ကျွန်မတို့ရဲ့ သားအရင်းလိုပါပဲ ဒေါ်ခတ္တာ "
ဒေါ်ခင်နွယ်က အပြုံးလေးနှင့် ဆိုသည် ။
" ဟုတ်ကဲ့ပါရှင် ။ တကယ်လို့ အဆင်ပြေမယ်ဆိုရင် ကျွန်မသားကို ပြန်ခေါ်ချင်ပါတယ်။ ရှင်တို့ အခုလို စောင့်ရှောက်ခဲ့တာအတွက်လည်း ကျေးဇူးပြန်ဆပ်ပါရစေ ။ တစ်ခုခုလိုအပ်တာရှိရင် ကျွန်မကို ပြောပါရှင် "
" မဟုတ်တာပဲ ဒေါ်ခတ္တာရယ်။ ကျွန်မတို့က ရှိုင်းကို ကိုယ့်သားအရင်းလိုပဲ သဘောထားခဲ့တာပါ ။ အဲ့ဒီအတွက်လည်း တစ်ခုခု ပြန်ရပါစေဆိုတဲ့ စိတ်လည်း မရှိခဲ့ပါဘူး "
" နောင်တစ်ချိန် အကူအညီလိုတဲ့အခါ ခင်ဗျားကို ပြောပါ့မယ် ဒေါ်ခတ္တာ "
ဒေါ်ခင်နွယ်က ငြင်းဆန်ပေမယ့် ဦးမိုးမြင့်က မတင်မကျ ပြောသည် ။ ဒေါ်ခတ္တာသည် ထိုလင်မယားနှစ်ယောက်ကို ကြည့်ပြီး တွေးရခက်သွားသည် ။ သို့သော် ပြုံး၍ ခေါင်းညိတ်လိုက်သည် ။
"ဟုတ်ကဲ့ ၊ ဘယ်အချိန်ပဲဖြစ်ဖြစ် အကူအညီလိုရင် ပြောပါရှင် ။ ကျွန်မ ကူညီဖို့အသင့်ပါပဲ ။ နောက်ပြီး ကျွန်မရဲ့ သားကို စေ့စပ်ပွဲပြီးရင် ကျွန်မ အိမ်ကို အပြီးခေါ်သွားပါရစေ ။ အဲ့ဒါ.... "
ဒေါ်ခတ္တာက စကားဆက်မပြောဘဲ အရိပ်အခြည်ကြည့်သည် ။ ဦးမိုးမြင့်က ခေါင်းညိတ်၍ ဆိုသည် ။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part-15
Start from the beginning