" မဟုတ်ပါဘူး ဖေဖေရယ် ။ မဒီ လက်ထပ်ဖို့ ပြောနေတာလည်း မဟုတ်ဘူး ။ ရှိုင်းနဲ့ ဖေဖေတို့ကို ရင်နှီးစေချင်ရုံပါ ။ ဘာလို့ ဖေဖေရော ၊ မေမေရော ခါးခါးသီးသီးဖြစ်နေရတာလဲ "
မဒီက မျက်ရည်တွေဝဲပြီး ပြောသည်။
" အဲ့ဒီကောင်လေးတော့ အဆင်မပြေဘူး သမီးရယ် "
" တော်ပါတော့ မေမေ ။ မဒီ့ကို ဘာမှမပြောပါနဲ့တော့ "
မဒီက ဒေါ်ခတ္တာ့ကို တားမြစ်ပြီး သူ့အဖေကို ကြည့်၍ ပြောသည် ။
"မေမေဆုံးပြီး တစ်နှစ်တောင်မကြာဘူး ။ ဖေဖေက ဒေါ်ခတ္တာနဲ့ လက်ထပ်ခဲ့တယ် ။ ဒါပေမဲ့ မဒီ ဖေဖေ့ကို အပြစ်မတင်ခဲ့ဘူး ။ ဒေါ်ခတ္တာကို မဒီ့ အမေရင်းလိုပဲ လက်ခံပေးခဲ့တယ် ။ ဒါပေမဲ့ ဒီနေ့ မဒီ သိလိုက်ရတာက မိထွေးက မိထွေးပဲ ။ မဒီ ချစ်တဲ့သူနဲ့ လက်ထပ်မှာကို မကြည်ဖြူဘူး ။ ဖေဖေ့ကိုလည်း သဘောမတူအောင် စည်းရုံးထားတယ်ပေါ့လေ "
" ပါးစပ်ပိတ်ထားစမ်း မေမဒီ ။ ကိုယ့် အမေကို ဘယ်လိုပြောလိုက်တာလဲ ။ သမီး ငယ်ငယ်တည်းက ဒီအရွယ်ရောက်တဲ့ထိ သမီးအရင်းလို ဂရုစိုက်ခဲ့တာကို စော်ကားရလား "
ဦးမင်းထင်က မဒီ့ကို ဒေါသတကြီး အော်ငေါက်တော့သည် ။
"တော်ပါတော့ ဖေဖေ ။ မဒီ မနက်ဖြန် ရန်ကုန်ပြန်မယ် "
မဒီ ထွက်သွားတော့ ဒေါ်ခတ္တာ၏ မျက်ရည်တွေ ပါးပြင်ထက်သို့ စီးကျလာသည်။
" ကိုယ် တောင်းပန်ပါတယ်ကွာ ။ သမီးကို အပြစ်မမြင်ပါနဲ့ "
" မဒီက ခတ္တာရဲ့ သမီးလေးပဲ ။ အပြစ်မြင်စရာလား "
" ကျေးဇူးတင်ပါတယ် ခတ္တာရယ် "
" ရပါတယ် အစ်ကို ။ ခတ္တာ သမီးကို သွားချော့လိုက်ဦးမယ်"
" အင်း "
×××××××××××××××
ဒေါက် ဒေါက် ဒေါက် ။
"မဒီ တံခါးဖွင့်ပါဦးကွယ် ။ မေမေနဲ့ စကားပြောရအောင် "
![](https://img.wattpad.com/cover/232543573-288-k698595.jpg)
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part-13
Start from the beginning