ရေချိုးနေရင်း မှန်ထဲသို့ အကြည့်အရောက် အိပ်မက်ထဲမှ အနမ်းတို့ကို ပြန်မြင်ယောင်လာသည် ။ ရှိုင်း ခေါင်းခါ၍ ရေချိုးခြင်းကို မြန်မြန် အဆုံးသတ်လိုက်သည် ။
ရှိုင်း အဝတ်အစားလဲပြီး အောက်ထပ်ဆင်းလာချိန် ဒေါ်ခင်နွယ် နှင့် မိုးသောက်ယံတို့ ထမင်းစားသောက်နေကြသည် ။ နာရီကို ယခုမှ သတိထားကြည့်မိသည် ။ နေ့လယ်ပင် ရောက်နေပြီ ။
"ဟင် ၊ သား ။ ဘယ်တုန်းကရောက်နေတာလဲ "
"ကျွန်တော် ညက ပြန်ရောက်တာ"
ရှိုင်း ပြောရင်း စားပွဲမှာ ဝင်ထိုင်လိုက်သည် ။
"ဪ ၊ ယံယံ ရှိုင်းကို ခြံတံခါးဖွင့်ပေးတာထင်တယ် ။ ရှိုင်း ပြန်ရောက်နေတာ ဘာလို့ မပြောရတာလဲ "
မိုးသောက်ယံ ဟင်းခပ်ဖို့ လှမ်းနေသည့် လက်တစ်ဖက်က လေထဲ၌ ရပ်တန့်သွားသည် ။ ရှိုင်းနှင့် အကြည့်ချင်းဆုံသွားတော့ ရင်မဆိုင်ရဲစွာ မျက်လွှာချလိုက်သည်။
"ဟုတ်တယ် မာမီ ။ သား ပြောဖို့ မေ့နေတာ "
သူ့စကားအဆုံး ရှိုင်းက အံ့သြသွားသည့် အမူအရာဖြစ်သွားတာကြောင့် ညက ကိစ္စ မမှတ်မိမှန်းသိလိုက်သည်။ ရှိုင်း၏ အကြည့်တွေကို ရှောင်ရှားရင်း ထမင်းတစ်ပန်းကန် ဘယ်လိုကုန်လို့ ကုန်သွားမှန်းပင် မိုးသောက်ယံ သတိမထားမိပေ ။ ခဏအကြာ မိုးသောက်ယံသည် အစာမကြေဖြစ်ပြီး ဆေးသောက်ရတော့သည် ။
⚡⚡⚡⚡⚡⚡⚡⚡
" မဒီ မနက်ဖြန် ရန်ကုန်ပြန်တော့မယ်"
ဖေဖေနှင့် မေမေ့ကို ကြည့်ပြီး မဒီ ပြောလိုက်သည် ။
"ဟေ ၊ သမီး ပြန်ရောက်တာ တစ်ပတ်တောင် မပြည့်သေးဘူး ။ ဘာလို့ ပြန်မှာလဲ "
" မဒီ့ ချစ်သူကို သတိရလို့ပေါ့ ဖေဖေရဲ့ "
ဒေါ်ခတ္တာသည် မဒီ့စကားကြောင့် စိတ်ညစ်ညူးသွားရသည်။
" သမီးကို ဖေဖေ ရန်ကုန်မှာ ကျောင်းတက်ခွင့်ပြုလိုက်တာ ရည်းစားထားဖို့ မဟုတ်ဘူးနော် ။ အခုတော့ သမီးက ရည်းစားကို အိမ်ခေါ်လာရုံတင် မကဘူး ။ မိဘတွေထက်တောင် ပိုတွယ်တာနေသေးတယ် "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part-13
Start from the beginning