အားမရှိသည့် ပုံစံနှင့် ထွက်သွားသည့် မိုးသောက်ယံကိုကြည့်ပြီး ဒေါ်ခင်နွယ် စိုးရိမ်စိတ်ဝင်မိသည်။
"မျက်နှာလည်း မကောင်းဘူး ။ ယံယံ တစ်ယောက် ဘာများဖြစ်လာတာလဲ "
⚡⚡⚡⚡⚡⚡⚡⚡⚡
ဒေါ်ခင်နွယ် တွေးနေစဥ်မှာပဲ ရှိုင်း၏ ဆိုင်ကယ်က ခြံထဲသို့ မောင်းဝင်လာသည် ။
"ဟော ၊ ရှိုင်း ရောက်လာပြီပဲ "
"ဟုတ်ကဲ့ အန်တီ ။ ယံယံရော "
" ယံယံ ခေါင်းကိုက်နေတယ်ဆိုပြီး တရေးသွားအိပ်တယ် ။ မင်းတို့ နှစ်ယောက် ရန်ဖြစ်လာကြတာလား "
"မဟုတ်ပါဘူး အန်တီ ။ သူ ကျွန်တော့်ကို မပြောဘဲ အိမ်ပြန်သွားတာ ။ နေမကောင်းလို့ထင်တယ် "
" အင်း ဟုတ်မယ် သား ။ သူ မျက်နှာလည်း မကောင်းဘူး ။ ခဏနားလို့မှ မသက်သာရင် ဆေးတွေဘာတွေ တိုက်မှပဲ "
"ဟုတ်ကဲ့ အန်တီ ။ ကျွန်တော် ရေချိုးလိုက်ဦးမယ် "
"အေး..အေး....သား "
ရှိုင်းသည် အခန်းထဲ မဝင်သေးဘဲ မိုးသောက်ယံ၏ အခန်းရှေ့မှာ ရပ်လိုက်ပြီး တံခါးခေါက်ရန် တွေဝေနေသည်။ ခဏကြာ တုံ့ဆိုင်းနေပြီးမှ တံခါးခေါက်လိုက်သည်။
ဒေါက်...ဒေါက်...ဒေါက် ။
"သား ခဏနားမလို့ပါဆို ၊ မာမီကလည်း ဗျာ "
မိုးသောက်ယံ၏ စိတ်မရှည်သည့် လေသံကြားလိုက်ရသည်။
"ယံယံ "
"ရှိုင်း "
သူ့နာမည် ခေါ်သံကြားပြီး စက္ကန့်အနည်းငယ်အကြာ မိုးသောက်ယံက တံခါးလာဖွင့်ပေးသည်။ ရှိုင်းသည် အခန်းထဲ ဝင်လိုက်တော့ မိုးသောက်ယံက သူ့ကုတင်ပေါ်သို့ တက်ထိုင်သည် ။
"ဘာကိစ္စလဲ "
"နေမကောင်းဘူးလား "
ရှိုင်းက မိုးသောက်ယံ၏ ဘေးမှာ ဝင်ထိုင်ပြီး နဖူးကို လက်နှင့် စမ်းဖို့ပြင်တော့ ခေါင်းကို စောင်းပြီး ရှောင်ဖယ်သည်။ ရှိုင်း၏ လက်တို့ တွန့်သွားပြီး ရုပ်သိမ်းလိုက်သည်။ မိုးသောက်ယံက ပြန်မဖြေဘဲ ငြိမ်နေတာကြောင့် ရှိုင်း မေးလိုက်သည်။
ВЫ ЧИТАЕТЕ
ချစ်မိသူ အရှုံး ( Completed)
Любовные романы📣( Season 1 + 2 ) Completed. Boy's Love Story . Own Creation . Thin Zar Moe Oo.
part-10
Начните с самого начала