...ماادري امي وخالتي بغرفتها
سكت كله ماشي روحي
عرف ضل ساكت انحصرت بلربع ساعه شلون اعرف مموجود
لميت ملابسي وغراض النزلته
فتحت الباب اباوع ممر فارغ ركض ليفوك
انصدم باب غرفتي القفل كله مقلوع انخنست طبيت كاعد على الجربايه
تحركت انشف بشعري فتت من يمه اخذت شسوار
كملت رفعته بقراصه
على كعدته متحرك و اتصرف كأنو مموجود
اباوعله من المرايه كام للكنتور سحب جنطه بيه اوراق بحوش شويه ونزل
ساعه وصعدت هاجر يردوج
منو
... نهاد
مهتميت مااجي
...نترت عيب تره انزلي وفضيه
انتي شكو ماانزل
صاحت اوووي شعليه دارت وجهه
ماريد ياخذون فكره ممؤدبه لبست حجابي ونزلت وراهه سمعته تحجي متقبل هي هاي متحترم
طبيت باوعولي شافتني سكتت تعوج بحلكه
عيونه شخصت عليه وجهه ميطمن كال اكعدي اشرلي كباله كعدت
امه ...يمه تعالي حدري يمي نريد نفك الشغله طالت وطولته موحلوه بحقكم
كال يوم خلي ابدي والعدكم بعدين
اي يمه احسن تفاهمو
كال ورد صح ضميت عنج زواجي يوم عن يوم اريد افاتحج واسكت لاترفضين لتصورين ضام عنج خوف
لا ابد حرصي عليج ماردت شي يمنعج عني افهم تفكيرج الأي مدى واصل ودارسج وتوقعت ردة فعلج
لهذا انتضرت الوقت المناسب
ضحكت وهذا الوقت المناسب تخليني امام الامر والوقع غصب عني اتقبل واسكت
...شوكت غاصبج
شيسمو من ضم اهم شي بحياتك
خالته... بنتي بس شويه اركدي وافهمي الامور نهاد ابنه ربا عندي هنا اكثر من امه يحبج ويريدج مو كلشي
ناخذه حار ومكسب
زواجه متراهمو طلك وعافهه تمشي بحال سبيله
ورد...ليش اجت لعد اذا مطلك
نهاد... بت عمي ومشاكلنه وياهم قايمه تريد تخرب
وصلت للتريده
امه .... بنتي هوه لو ميحبج ميعوفج هلسبوعين والثالث كل مانريد نزلج وصاح عوفوهه لحد يحاجيه
هذا كدامج انه امه ميخليني اصعدلج
هاي اخيته محذره الف تحذير لحد يكيسه لحد يدنالهه
واليجي نطلعله عذر وعذر هاا مسافرين ها يردون يتونسون موهسه يجون
وهوه شارد لجماعته وانتي حابسه روحج لا تقبلين نحاجيج لاتفهمين الامور مني لو منه خالته حجت راده وانتي اذن من طين واذن من عجين
أنت تقرأ
رغم نار الحب
عشوائيبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
الثالث والثلاثون
ابدأ من البداية
