လမင်း၏ မျက်နှာပျက်သွားပြီး မိုးသောက်ယံကို မကျေမနပ် စိုက်ကြည့်သည်။
" မင်း မလိုက်တာ ပိုကောင်းမယ် "
"ဘာလို့လဲ "
လမင်းက လျှို့ဝှက်စွာပြုံးလိုက်သည် ။
"မိုးသောက်ယံ လိုက်ချင်ရင် ခေါ်လိုက်ပါ ။ ရှိုင်း ၊ လမင်းတို့ကားနောက်က အမီ လိုက်ခဲ့နော် "
"အင်း လမင်း"
မိုးသောက်ယံသည် ရှိုင်းနှင့်အတူ လမင်းတို့အိမ်သို့ ဒုတိယအကြိမ် လိုက်လာခဲ့သည် ။ မဒီ့အခန်းသို့ လမင်းက ဦးဆောင်၍ ခေါ်လာသည် ။ မဒီက ကုတင်ပေါ်မှာ အားမရှိသလို လဲလျောင်းနေလေသည် ။ မိုးသောက်ယံက မဒီ့ကို အကဲခတ်ရင်း နေမကောင်းသည်ဆိုတာကို မယုံနိုင်ဖြစ်မိသည် ။
"မဒီ နေမကောင်းဘူးဆို ။ သက်သာရဲ့လား "
"အင်း ၊ သက်သာပါတယ် ။ ရှိုင်း အခုလို မဒီ့ကို တကူးတက သတင်းလာမေးပေးတာ ကျေးဇူးပါ "
မဒီက လေသံဖျော့ဖျော့နှင့် ပြောလာတော့ ရှိုင်းက ပြုံး၍ ခေါင်းညိတ်လိုက်သည် ။
"ရပါတယ်ဗျာ "
မိုးသောက်ယံသည် ရှိုင်းနှင့် မဒီ့ကို ကြည့်ရင်း စိတ်ထဲ၌ အလိုမကျ ဖြစ်ရသည် ။
"လမင်း ၊ ရှိုင်း နဲ့ မိုးသောက်ယံအတွက် စားဖို့တစ်ခုခု စီစဉ်ပေးပါလား "
"အင်း... "
"ရပါတယ် လမင်း ။ ကျွန်တော်တို့ ခဏနေပြန်မှာပဲ ၊ မစားတော့ပါဘူး "
"အဲ့ဒီလိုတော့ မလုပ်ပါနဲ့ ရှိုင်းရယ် ။ အအေးဖြစ်ဖြစ်သောက်ပါနော် "
"အင်း ဟုတ်ကဲ့ပါ မဒီ "
"မိုးသောက်ယံ ၊ လမင်းနဲ့ ခဏ အဖော်လိုက်ခဲ့ပေးပါလား "
"ဘာလို့လိုက်ရမှာလဲ "
မိုးသောက်ယံက ခပ်ဆတ်ဆတ် လေသံနှင့် လမင်းကို ဖြေသည်။ ထိုအခါ လမင်း၏ မျက်နှာ ကွက်ခနဲ ပျက်သွားသည် ။
" အိမ်မှာ ဘယ်သူမှ မရှိဘူးလေ ။ လမင်း တစ်ယောက်တည်း အောက်ထပ်ကို မသွားရဲလို့ပါ..နော် ။ လိုက်ခဲ့ပါ "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part-9
Start from the beginning
