قاعده في البيت لوحدي ومكنش حد في البيت خالص غالبا دي اول مره اقعد فيها لوحدي بعد وفاه والدي فجاءة حصل غير متوقع ...
انا فريدة عندي ١٦ سنه وحيدتهم بابا اتوفي من وانا عندي خمس سنين وعايشه انا وماما لوحدنا اضطريت ماما تروح لخالتي في المستشفي لانها تعبت فجأة وقالتلي خليكي مش هتأخر هشوفها واجي كان الوقت قبل المغرب بعد ما خرجت دخلت اوضي ولأني من كتر الوحده كنت بحب اقعد في الظلمة اوي بستمتع اوي مسكت تليفوني،قلبت فيه لقيت قصص رعب واقعية لمؤلف معروف اوي الفضول اخدني وبدأت اقرأ بعض القصص علي صفحته علي الفيس بوك، لكني مصدقتش الصراحه القصص دي، حسيت انه فقط بيكتب للتأليف مش حقيقي وفجاءه وانا مندمجه في القرأه لقيت النور فتح فجاءه سيبت التليفون وطلعت بره اشوف مين فتح النور قولت ماما جت من عند خالتي، وقعد انادي ياماما انتي جيتي؟ لكن الغريبه ان محدش رد ،فجاءه النور قطع ومكنتش شايفه حاجه خالص، وسمعت صوت جاي من اوضي زي حد بيتعارك او صوت عواء قطه بتتعارك انا خفت اوي والدنيا ظلمة مش شايفه حتي اني ارجع اوضي اجيب التليفون عشان انور الكشاف وانا بلف عشان ارجع اوضي حسيت بهوا سخن جاي فوشي اتصنمت متحركتش من مكاني مش قادرة اتحرك وخصوصا اني حسيت حد معايا وقريب مني ونفسه عالي واصلي، غمض عيني بسرعه خفت اوي خفت اشوفه ودعيت فسري يارب يارب واول ما ذكرت كده كل شيئ رجع مكانة والنور جا وكل ده كنت مغمضه عيني محستش بكل ده، مفوقتش الا وانا بصرخ بصوت عالي اول ما لمس كتفي:اااااااه
وبيقولي مالك فيه ايه ايه نيمك علي الكنبة هنا ليه...
بعد ما فتحت عيني لقيت ماما وعقبال ما استوعبت كلامها وكنبة رديت بتوهان حسيت اني كنت في حلم: ها مفيش نعست فجاءه بس جيتي امتي ردت وقالتي من شويه ومظلمه النور الشقه قومي يلا نامي جوه في اوضك ...
من جوايا حسيت برعشه، لكن مهتمتش اقنعت نفسي اني اكيد ده حلم بس مش اكتر، وبالفعل اقتنعت وأكد لنفسي كمان لا انا مش بعترف بالحجات دي من الاساس، دخلت اوضي مسكت تليفوني قلبت فيه شويه لحد ما غفلت ،لكن بعد ما غفلت لاقيت كأن حد بيتكلم في دماغي وبيقولي كلمات معينة خلاني انتبهت وفتحت عيني بالعافية مابين الغفله والاستيقاظ اتفجعت لما لاقيت حد واقف هو مش حد بالظبط تحس انه دخان اسود في ركن في اوضي كان في ضوء بسيط جاي من الباب عيني ركزت علي نقطه معينه علي الحيطه من فوق حاجه سودة ملهاش ملامح ولا بتتحرك قعد ادور علي تلفوني بسرعه اشغل الكشاف لكن لاقيته فاصل لحد ما لاقيت الحاجة دي بتزحف ببطئ من فوق وانا متابعها بعيني وانا مرعوبة وبتنزل تحت وبتطلع صوت غريب اوي لحد ما ثبتت في مرايا ووقفت وبرق بعينيه ضزء زي شرارة بتلمع
كل ده وانا نايمه ومشلوله مش قادره حتي انطق ولا اتحرك كاني متربطه او حد مربطني زي جاثوم لحد ما الشئ ده بدأ بيقرب مني ويزحف ويخرج صوت مزعج لحد ما وصل لفوق صدري وعينيه خرجت ضوء الاحمر جامد وجسمي كله بقا يقشعر وهواء سخن جاي علي وشي ومربط ايدي ورجلي ولساني عجز عن نطق اي كلمه وقلبي خلاص من شده ضرباته كان هيوقف عدا الوقت كأنه سنه لحد ماحسيت ان الحاجه اللي فوقيه مشت وبدأت احرك رجلي وايدي قمت بسرعة فتحت الباب وجريت علي ماما ونمت جنبها وانا بترعش مش فهمه ايه ده لحد الصبح قامت بتسألني عن سبب اني نمت جنبها شرحتلها كل حاجة والشئ ده وكل اللي حصلي فهمتني ان فعلا في حجات دي موجوده وفي عمار البيت وممكن نحس بس مانشوفوش لأن ربنا وضع لينا حاجز للعين منشوفش حاجه وده من رحمه ربنا علينا الحاجز ده بيترفع وقت الوفاة.
انتي اكيد ده كان حلم واللي حصلك ده جاثوم عشان انتي مش بتصلي وبعيدة عن ربنا قبل النوم نفضي السرير ونامي علي يمينك واوعي تنسي ايه الكرسي والمعوذتين...
