"ရှိုင်း ၊ ဟေ့ရောင် ရှိုင်း "
မိုးသောက်ယံက သူ လှမ်းခေါ်နေသည်ကို တစ်ချက်ပြန်မကြည့်ဘဲ ထွက်သွားသည့် ရှိုင်းကြောင့် ဒေါသထွက်ပြီး တက်ခေါက်မိသည်။
"ဟေ့ရောင် ဘာတွေ စိတ်ဆိုးနေတာလဲ ။ ခုနကောင်မလေးက ကိုရှိုင်းရဲ့ ရည်းစားလား "
"မဟုတ်ဘူး "
ဒေါသအရှိန်မသေသေးသည်မို့ မိုးသောက်ယံက ဝေယံ့မေးခွန်းကို ခပ်ဆတ်ဆတ်ပင် ပြန်ဖြေလိုက်သည် ။
"ဒါဆို တော်သေးတာပေါ့ကွာ ။ ငါ မျှော်လင့်ချက်ရှိသေးတာပေါ့ ။ ဟုတ်တယ်မလား ယောက်ဖလေး "
မိုးသောက်ယံ၏ ဒေါသမြားဦးက ဝေယံဆီ ဦးတည်သွားတော့သည်။ ဝေယံ့ကို ခပ်တည်တည်နှင့် စိုက်ကြည့်လိုက်တော့ သွားလေးဖြဲပြီး ပြန်ရယ်ပြသည် ။
ဝေယံသည် မိုးသောက်ယံ၏ ဒေါသကို လွန်ခဲ့သည့် ၃နှစ် အထက်တန်းကျောင်းမှာ စသိထဲက လန့်ခဲ့ရသည်မဟုတ်လား။
"ဟား....ယံယံကလည်း ။ ငါက စတာပါကွာ ဟား...ဟား ။ ငါတို့ အတန်းစတော့မယ် ။ သွားကြရအောင် "
ဝေယံက စကားလမ်းကြောင်းလွှဲတော့မှ မိုးသောက်ယံက ဒေါသတွေကို ဖြေလျော့ရင်း နှစ်ယောက်သား စာသင်ခန်းဆီ ထွက်လာခဲ့သည်။
⚡⚡⚡⚡⚡⚡⚡⚡
မဒီခင်သည် တက္ကသိုလ်ကျောင်းဝင်းထဲ လမ်းလျှောက်လာရင်း လမင်းကို လိုက်ရှာမိသည် ။လမင်းက မဒီ့ အစ်မ တစ်ဝမ်းကွဲပင် ။ မဒီ နှင့် တစ်လသာ အသက်ကွာခြားတော့ ရွယ်တူလိုပင် ။ ရန်ကုန်မှာ ကျောင်းတက်ရဖို့ မေမေနှင့် ဖေဖေ့ကို သဘောတူအောင် မနည်းကြိုးစားခဲ့ရသေးသည်။ မဒီ ကျောင်းပြောင်းသည့် စာရွက်စာတမ်းတွေ ယူပြီး အချိန်အနည်းငယ် နောက်ကျမှ လမင်းတို့ အိမ်ကိုရောက်လာခဲ့သည်။ လမင်းက ကျောင်းကို စောစောသွားပြီဆိုသောကြောင့် မဒီ လိုက်လာခဲ့ပြီးဖုန်းဆက်ချိန်းလိုက်သည်။ လမင်း၏ အရိပ်အယောင်တောင် မတွေ့တာကြောင့် ဖုန်းခေါ်နေရင်း လမ်းအလယ်က လျှောက်နေမိတာကို ကိုယ်တိုင် သတိမထားမိခဲ့ ။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part-4
Start from the beginning