ရှိုင်းသည် ဒေါ်ခင်နွယ့်ကို နားလည်သည်ဟု ပြောခဲ့ပေမယ့် တကယ်တမ်းမှာတော့ မိုးသောက်ယံဆိုသည့် ခပ်ဆိုးဆိုးကောင်လေးကို ကြည့်မရခဲ့ပေ ။ အကြောင်းပြချက်ကတော့ သူ စရောက်သည့်နေ့ကစလို့ ယနေ့ထိတိုင် အမျိုးစုံ ပြသနာရှာ ဒုက္ခပေးခဲ့သောကြောင့်ပင်။ ဒါပေမဲ့လည်း သူ့ဘဝအခြေအနေကြောင့် သည်းခံရပေဦးမည်။
×××××××××××××××××××
"ယံယံ နောက်တစ်ပတ်ဆို ကျောင်းစတက်ရတော့မယ်နော် "
"ဒယ်ဒီ ၊ သား ကျောင်းမတက်ချင်ဘူး "
"သား ကျောင်းတက်မှ သူငယ်ချင်းအသစ်တွေလည်း အများကြီးရမှာပေါ့ "
"ဟင့်အင်း ၊ သားမှာ ဒယ်ဒီ ဝယ်လာပေးတဲ့ သူငယ်ချင်းရှိနေတာပဲ "
မိုးသောက်ယံသည် ရှိုင်းကို လှမ်းကြည့်ရင်း ပြောလိုက်သည်။
"သား ၊ အဲ့ဒီလိုမပြောရဘူးလို့ မာမီ မှာထားတယ် မဟုတ်လား"
မာမီ လှမ်းဆူတော့ မိုးသောက်ယံက ဒယ်ဒီ့ကို အားကိုးစွာ လှမ်းကြည့်သည်။
"ခင် ၊ သားကို ကိုယ်ပဲ ပြောလိုက်မယ် ။ ယံယံ ၊ ရှိုင်းလည်း ကျောင်းတက်ရမှာ ။ သားလည်း အဖော်ရတာပေါ့ ။ ရှိုင်းက ကျောင်းတက်တဲ့အချိန် သားတစ်ယောက်တည်း အိမ်မှာနေခဲ့ချင်လို့လား "
မိုးသောက်ယံသည် မျက်လုံးလေး ကလယ်ကလယ်နှင့် စဥ်းစားနေသည် ။ ထို့နောက်....။
"သားလည်း ကျောင်းတက်မယ် "
"သားလေးက လိမ္မာတယ် ။ ဒယ်ဒီက နောက်နေ့ ကျောင်းလိုက်အပ်ပေးမယ် "
"ဟုတ်ကဲ့ ဒယ်ဒီ "
"ရှိုင်း ၊ မင်း ကျောင်းတက်ခဲ့လား ။ ဘယ်အတန်းထိ ရောက်ပြီလဲ "
" ကျောင်းတော့မတက်ဖူးပါဘူး ။ ကျွန်တော် အခုနေတဲ့ ဂေဟာမှာတော့ ဆရာမက စာသင်ပေးပါတယ် "
"အင်း ၊ ဒါဆို ယံယံနဲ့အတူ ကျောင်းတက်ပေါ့ ။ ယံယံလည်း တစ်ယောက်တည်း မဖြစ်တော့ဘူး "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
part - 3
Start from the beginning