"မာမီရေ.... မာမီ "
"သား ဘာဖြစ်လို့လဲ "
"ဟိုမှာ "
မိုးသောက်ယံက ဒေါ်ခင်နွယ်၏ အမေးကို မဖြေဘဲ လက်ညှိုးညွှန်ပြသည် ။ ဒေါ်ခင်နွယ် ကြည့်လိုက်တော့ ခင်ပွန်းနှင့်အတူ ကလေးတစ်ယောက်ကို တွေ့လိုက်ရသည် ။
"ခင် ၊ ဒါကိုယ်တို့ရဲ့ မိသားစုဝင်အသစ် ။ သူ့နာမည်က ရှိုင်းတဲ့ "
"အင်း "
"ရှိုင်း ဒါ ဦးရဲ့ မိန်းမ ဒေါ်ခင်နွယ် တဲ့ ။ ဒါကတော့ ဦးရဲ့သားလေး မိုးသောက်ယံ "
"ဟုတ်ကဲ့ "
"မိဘမဲ့ကျောင်းမှာ ကလေးတွေ အများကြီးရှိရဲ့သားနဲ့ မင်းကို ဘာလို့ခေါ်လာလဲ ၊ သိတယ်မဟုတ်လား ရှိုင်း "
"ဟုတ်ကဲ့ ကျွန်တော် သိပါတယ်ခင်ဗျာ "
"မင်း ပြောခဲ့တဲ့ စကားကို မင်း တစ်သက်လုံး မှတ်ထားပါ ရှိုင်း ။ ငါ့ သားလေးကို သေချာ စောင့်ရှောက်ပါ "
"ဟုတ်ကဲ့ပါ ဦး "
"လာ...သား ၊ ရှိုင်း ရေချိုးပြီး ထမင်းစားရအောင် ။ အန်တီ ရေချိုးခန်း လိုက်ပို့ပေးမယ် "
"ဟုတ်ကဲ့ အန်တီ"
ရှိုင်းသည် ရေချိုးနေရင်း ဦးမိုးမြင့်နှင့် နေ့ခင်းက စတွေ့ခဲ့သည့် အချိန်ကို ပြန်တွေးမိသည်။ ဦးမိုးမြင့်က ကလေးတစ်ယောက်ကို မွေးစားမည်ဆိုတော့ မွေးစားခံရမည့်သူက သူပဲ ဖြစ်ချင်မိသည်။ သည်မှာ အခြားသူတွေ အနိုင်ကျင့်ခံရပြီး နေရတာထက်စာလျှင် ချမ်းသာသည့်သူတွေနှင့် အေးအေးချမ်းချမ်း နေချင်မိသည်။ အကောင်းဆုံး ရှင်သန်နေထိုင်ပြီး သူ့ကို စွန့်ပစ်သွားခဲ့သည့် မေမေနှင့် ပြန်တွေ့လျှင် နောင်တရစေချင်သည်။
ကောင်လေးတစ်ယောက်ကို ဦးမိုးမြင့် မေးနေတာ လှမ်းကြားမိတော့ ရှိုင်းသည် ဦးမိုးမြင့်၏ အနားသို့ အပြေးသွားမိသည်။
"ဟေး....ကလေးလေး ။ ဖြေလေကွာ ။ မင်း ဦးရဲ့သားနဲ့ အတူအဖော်လုပ်ပေးရမယ် ။ ဦးနဲ့ လိုက်မှာလား "
CITEȘTI
ချစ်မိသူ အရှုံး ( Completed)
Dragoste📣( Season 1 + 2 ) Completed. Boy's Love Story . Own Creation . Thin Zar Moe Oo.
part-2
Începe de la început
