لن اُكسر

البارت الواحد والعشرون

كملنا اكل وصلاح كال..

صلاح.. احم احم كوومن بنات خلوصلجن

نوال.. ها ومراد

صلاح.. عوفو هوة ومَدين يرجعون وحدهم أمة مو صيتة ع غراض وكايلة لمَدين ع سوالف بهارات هندية ومدري شنو هما يشترون ويجون

شلت راسي وبكلبي ابن الاوادم اني اريد اخلص من نضراتة وجودة يمي تريد تدحجني يمة..

باوعت لصلاح بكيد غمزلي وضحك واشر للبنات نوال ضحكت وكامت واشرت ادرة كلهم بسرعة طفرو كلمح البصر ضليت مصفنة ويا مراد ادنك واباوعلة ضليت مشدوها..

تجرأت وحجيت مراد.. مَدين شبيج مدودها ثبتي
شلشتيني

مَدين ركزت بعيونك بهيام بعدين انتبهت لنفسي و نمت.. لا هاا يلة نروح

مراد.. لا شعدنة خلينا كاعدين شكو ورانا

مَدين.. مو خالتي وحدها ومحد يمها

مراد.. صلاح راح يرجع البنات ويرحن ينها لتخافين كوومي خلنفتر شورية

مَدين.. وين؟

مراد.. منصور وحاركين الدنيا والمولات شكدهن تكليلي وين

مَدين.. مو تمشينا ويا البنات

مراد بثقة .. وياي متردين

مَدين.. هااا لا اي ماشي

مراد.. هههههه امووت عليج من تتلكيئين

دنكت راسي بخجل ضعت بهدومي عيوني دخنن خررب ولا يستحي

مراد.. منجيب بعد طماطة

بكل فهاوة رفعت راسي واني اسئل.. ليش؟

مراد بغمزة.. خدودج موجودات

ََََحررت وين أودي وجهي من عيوونة بودي اختفي من الوجود ع كمية هلغزل ولو هوة غزل سوك مخضر ماادري 😂

مشة كبالي واني ورة التفتلي وتقرب كال لتصيرين وراي تعاي بصفي...

يرربي اسيح ماتحمل كمية هلحب فعلاََ الحب شعوور جداََ جميل و رائع يخليك ذووب وتهيم وتحس عندك شي يستحق تعيش علمود حتى تحققة جنت شكد حديقة وطاكني لجفاف وماهتم للولد لا هسة صررت اذوب بواحد اسمة مراد الصاك..

مراد.. راحوا بسياره تكسي هسة نرجع بسيارتي احنا

اني صافنه وهو يحجي وحده ما احس غير اخذ ايدي بديه اني فتحت عيني من الخوف والخجل ردت اسحبها كال

مراد.. احبج والله عوفيها ايدج بين اديه احس امان مترحين مني فكري زين

يحجي وصافن بوجهي ما رمش
مشينا للسياره وصلنا للبيت

اني كبل سلمت على الحجية جانن يمخا البنات و طفرت للغرفة بقيت افكر شنو راح اسوي هسة اني ولو معجبه بي بس استحي منه كمت تجيني افكار شلون نزوج ويتقربلي