نيران قلبي

part 9

- شسمه مو تفاجأت يعني هيج

اشو اني كلت هيج وهو طكهة ضحكه
اباوعله وهو يضحك ضحكته تجنن ابتسمت وگلت

- ليش تضحك

- احم هيج سلامتج ، مشتاقلج

- اممم

- شوكت اخطبج

- ها مو هسة لمن اتخرج واكون متعوده عليك

- حيل مو هواي؟

- ما ادري ، لازم اروح حتبدي المحاضره

- تنهد وگال ،روحي اني هم رايح

- انت ليش اجيت

- اجيت لهنا بشغله وكلت اشوف حبيبتي

- ابتسمت ، وحتبقه هنا لو ترجع

- هسة معزوم ببيت رضا والعصر ارجع لواسط ، يلا روحي يروحي..

نزلت راسي كلش خجلت ، طلعت من المكتب وهو طلع وراي
دا امشي واجتني نفس البنيه الي صاحتلي للاداره

- رنيم هذا الصاك اخوج

من كالت صاك متت قهر ، جاوبتها بـ لا

- لعد منو

- شعليج انتي شعليج

- دكولي شنو هي الحجايه بفلوس

- خطييببببي شددت عالحروف

- اها متكولين من البدايه عبالك حناكله

- كلت بكلبي عالاساس مااكلتي

وخرتهة من يمي ودخلت للقاعه
رجعت اراجع بس اقره كلمه واخذ صفنه..
دخل الدكتور امتحنه وجانت الاسئله زينه جاوبت وطلعت..

كعدت بالكافتيريا جنت كلش جوعانه اخذت لفة وكولا اكلتهن واتصلت على شمم..

- ها ولج وينج انتي

- ها رنيم اني هسة طلعت من المحاضره

- عندج بعد محاضره؟

- لا بس بيان عدهة

- اهو يعني تتأخر

- اي انتي وين

- اني بالكافتيريا تعاي يمي

- اوك انتضريني

اجت شمم وانتضرنه بيان كلش تأخرت الا اجت
طلعنه من الجامعه ورجعنه اسير للبيت ، بدلت وتغدينه ونمت ،باجر جمعه ماعندي شي

-------

‏
جنت امشي بحديقه مليانه خضار و ورود واني لابسه فستان الحوريه الابيض..شفت من بعيد شاب لابس قاط وجاي بأتجاهي مبتسم..استمريت بالمشي حتى وصلت اله شفته حبيبي لازم بأيده ورده انطاني الورده ولزم ايدي وبقينه نركض والخضار ميخلص..