غرامي منتقبة

البارت الثاني والعشرون

عدي بتنهيدة تحمل الكثير خلفها وهو يضع يده في جيب بنطاله:معلش اعذريني واتمنى انك تقبلي اسفي

إيمان بابتسامة هادئة جعلت دقات قلب عدي تزداد:عفوا يا بشمهندس مش زعلانة وبشكر حضرتك على الزيارة...

وقاطعها شخص ما وهو يجذبها من خلفها بقوة

كارم بغضب:مين ده يا هانم وازاي توقفي معاه كده

إيمان بعصبية:كارم انت اتجننت سيب ايدي... وافلتت إيمان يدها بقوة من يده

وبمجرد أن رأه عدي تذكر أنه نفس الشخص الذي كان يقف معاها أمام الشركة وبمجرد أن رآه يجذب إيمان بهذه الطريقة ويمسك يدها... جع الدماء تغلى في عروقه لم يعلم لماذا؟؟

عدي بغضب:انت ازاي تمسك ايدها كده وتكلمها كده اصلا تقدر تقولي مين حضرتك

كارم بتحدي:انت مالك انت امسك ايدها والا اكلمها وبعدين انت اللي مين!؟

عدي بهدوء وتحذير:طيب اتكلم بأدب علشان متزعلش

كارم بصوت عالي وتحدي اكبر:وانت بقاا اللي هتعرفني اتكلم ازاي....

إيمان بمقاطعة وخوف من كارم فهي تعلم اسلوبه الهمجي:بااس.. انا اسفة يا بشمهندس على اللي حصل حضرتك تقدر تتفضل

عدي باندفاع:لا مش همشي غير اما اعرف مين ده وازاي يكلمك كدا!!!!

كارم بخبث:انا ابقا خطيبها انت بقاا مين

عدي بصدمة:خطيبها!!!!!

إيمان بسرعة:لا مش خ

كارم بمقاطعة وخبث وهو يرى لهفة عدي على ايمان:جرى اي يا ايمان ياحبيبتي احنا هنفضل كده واقفين يلا علشان عايز اطمن على عمي

عدي بهدوء عكس مابداخله:بعد اذنكم

وانصرف عدي بسرعة

إيمان بعصبية:انت غبي انت ازاي تقول اني خطيبتك هو بالعافية يا جدع انت سيبني في حالي بقاا وحل عني

كارم:منتي حالي يا ايمان واعرفي اني قدرك وهتجوزك سواء انهرده أو بكرا بردو هتجوزك

إيمان بغضب:تبقا بتحلم يابن خالتي... انت اخر انسان ممكن افكر فيه

كارم ببردو:وماله يا إيمي هحلم وهحقق حلمي وتبقى ليا بردو... بس اعرفي لو لقيت الراجل ده معاكي مرة تانية صدقيني مش هيحصل كويس

إيمان:لا ده انت اتجننت رسمي بقااا

وتركته وذهبت وهي في قمة غضبها... اتجهت إلى غرفة الطبيب الذي يتابع حالة والدها... ودقت باب الغرفة لتسمع من يأذن لها بالدخول

إيمان بهدوء:السلام عليكم يا دكتور انا كنت جايه اطمن على حالة بابا واعرف امتى ممكن نعمل العملية