سأراك بقلبي (مكتمله)

ترحيب👋واقتباسات💓وتوضيح😅

اولا وحشتووووووني جدا يا احلي فااانز
وحشتني الكتابه ووحشني ارائكم

ثانيا اقتباسات من الفصول اللي كتبتها و في اقتباس من الفصل الاول في روايتي الاول

اقتباس الفصل السادس
-اهلا بيكي انا سلوي والده ياسين
-اهلا بحضرتك انا نور
نظرت لها سلوي بنظرات متفحصه و ليس تفحص عادي و انما فرز اجتماعي كعدم ارتدائها لملابس غاليه ذات الاسماء الكبري
هي تفتقد لاهم شيء الماركات الغاليه
قطعت تفحصها مكمله كلماتها
-اهلا بيكي في بيتنا ..احنا هنا عندنا كل حاجه بمواعيد و كمان  ساعه العشاء هيجهز تقدري تجهزي لو عايزه
شعرت نور بشعاع الاستهانه يلمس كرامتها المصونه لا تعلم ان تلك الطبيعه المستفزه مع الجميع حتي ابنائها..اعتقدت انها تغتر عليها لاجل اموالها فقررت نثر كل ذلك في وجه تلك المتعجرفه
-انا كنت عاوزه اقول حاجه انا لو مش مرغوب فيا او هسبب مشكله انا ممكن امشي
-لا ابدا انتي ضيفتنا..عن اذنك عشان عندي شغل
لتقول نور بداخلها (هو البرود ده في العيله دي كلها ولا ايه )
لكنها سمعت صوت اخر انثوي بترحاب جيد حتي انها شعرت بأبتسامه المتكلم دون ان تراه
-نورتي البيت..ازيك انا امنيه
تبسمت و مدت يدها و هي لا تعلم اين هي بالأساس- الحمد لله ده نورك ..انا نور
عانقتها امنيه فجأه -انا مبسوطه بوجودك هنا

اقتباس من الفصل العاشر
اكلمت باقي يومها مع امنيه و نادين حتي اتي موعد المغرب و وصل يوسف من العمل، استأذنت نور امنيه انها ستذهب لتأديه الصلاه كالعاده و لكن تلك المره لم تكن الا حجه لتنفرد بيوسف
صعدت سريعا و اخذت اشيائه من غرفتها و ذهبت نحو الباب و قد سمعت صوت اضطرابات و اصوات عاليه توترت قليلا و لكنها ابعدت كل ذلك و اخذت نفس عميق و طرقت الباب
فتح الباب و بصوت جامح و انفاس مضطربه -ننععم
اجابت بهدوء -عاده انا مبحبش اكون مع راجل غريب لوحدينا بس في حالتك انت هسمح..ممكن ادخل
نظر بأشمئزاز و قال بغضب- بقولك ايه انا مش فاضيلك و مشغول
ردتت ببرود اكثر من السابق ولا مبالاه -يا خساره كنت فكره ان الحاجه اللي ضايعه منك تهمك..سلام
كادت ان تذهب ولكن وجدت من يسحبها لداخل الغرفه و صوت اغلاق الباب العنيف
قال بأنفاس هادره -قصدك ايه
ابتسمت -انت عارف قصدي كويس ..من امتي و انت مدمن؟
وجدته يزج بها للحائط و يزمجر بها كالأسد الغاضب من هروب فريسته
-مين اللي ساعدك انك تدخلي اوضتي و تفتشي فيها..ياسمين..امنيه
ابعدته عنها بقوه شديده و قالت ببرود و تحذير- اولا اتكلم ببؤقك مش بأيدك..ثانياً انا لو بخاف ١% مكنتش هاجي اواجهك يعني بلاش الشغل ده..ثالثاً اقسم بالله محدش يعرف الموضوع ده غيري و انا اللي عملت كده و انا محلفش بربنا كدب
-انتي ياسين جايبك تتجسسي علينا ..ازاي تاخدي حاجتي بكل بجاحه يا قليله الادب و الذوق
قالت ببرود -خلصت.. اجابه سؤالي فين..من امتي و انت مدمن

التوضيح بقي
١-الروايه هتنزل يوم ٩/٥ ان شاء الله نظرا ان فيه فصول لسه مخلصتش
٢- اناعارفه اني اتأخرت جدا و اني كنت المفروض انزل من نص سبعه بس حصلت ظروف كتيره حاله وفاه و امتحناتي اتأجلت و لسه لحد دلوقتي في حوار التنسيق و الجامعات و حالتي حقيره جداا فأنا بعتذر عن التأخير

٣- بصوا انا هنزل ٣ ايام في الاسبوع ان شاء الله يوم اها و يوم لا هيبقوا حد و تلات و خميس
بس المفجأءه بقي اني لو لقيت تفاعل مع كل فصل هنزل اليوم اللي بعده علطول حتي لو ٣ ايام تانين و الفصل هيكون كبير زي الفصل الاساسي جايزه لكل اللي بيتفاعلوا غير كده انا ليا مواعيد اساسي بنزل فيها و انا مبقتش ابص للتفاعل بس دي الهديه اللي اقدر عليها لاحلي متابعين

٤-و اخيرا و المفجأه الكبري انا كتبت ورقياً نص نوفيلا جديده اسمها المساواه هخلص بقيت اللي معايا دي و اكتبها علي الموبايل و انزلها انتظروني دايما

و اخيرا فعلا مستنيه تشجيعكم ليا و اكد ليكم اني عامله روايه بجد هتبهركم
بااااي👋👋♥️♥️♥️♥️♥️