Kailan, saan, at paano ba dapat pinapalaya ang pira-pirasong tula ng naghihikahos na tinta?
Maari bang sabayan mo ako sa pagpikit ng luhaang mga mata? Magagawa mo bang hawakan ang nanginginig kong mga kamay?
Maihahakbang mo ba ang iyong mga paa upang turuan akong lisanin ang lugar kung saan mo ako unang nakita?
Kailan, saan, at paano ba natin sisimulan?
Ang kuwentong hindi na dapat sana isinulat pa ng mga bituwin sa maingay, madilim, at tila walang katapusang kawalan.
