احب اقول حاجة قبل ماحضرتكم تقرأوا البارت ❤ في كتير من اللي بيتابعوا الرواية بيشتكوا ان الفصل قصير .. وان مواعيد النشر بعيدة وقليلة وياريت النشر يبقي كل يوم او ان البارت يبقى اكبر من كده .. طبعا حقكم تطلبوا اللي انتوا عايزينوا بس انا ياجماعة قولت من الاول ان الرواية قيد الكتابة يعني انا مخلصتهاش لاني لو خلصتها اكيد كنت نشرت فصل كل يوم!! انا بكتب الفصل بفصلة .. بالنسبة ان البارت قصير بالنسبة ليا كشيماء طويل هتقولولي ازاي هقولكم ان دي اول مرة اكتب فحياتي فبأخد وقت كبيييير جدا علي مابكتب البارت الصغير اللي انتوا معترضين عليه يمكن دا عيب عندي او اني لسه متمكنتش من اسلوبي فالكتابة فمش عارفة اطول البارت بس انا بعمل اللي اقدر عليه والله العظيم بحاول .. كتر التعليقات عن قصر البارت ومواعيد النشر وانكم مليتوا من الانتظار بقت تحبطني صراحة بجد بيحبطني جدااااا 💔 يعني قليلين جدااا اللي بيقولوا رأيهم فاللي انا كتبته وكتيييير جدا بيكتبوا تعليقات ان البارت قصير وهكذا .. فدلوقتي قدمنا اخيارين :_
الاول:_ اني اوقف نشر الرواية لحد ما اخلصها وبعدين انشر كل يوم بارت
الثاني:_ اني استمر زي مانا هكتب اللي اقدر عليه ومع وعد اني هحاول اطول ومواعيد النشر زي ماهي .. انا مش عايزة ازعل حضرتكم ولا ازعجكم فشوفوا الانسب ليكم
ودلوقتي اسيبكم مع البارت اتمنى يعجبكم واسمع أرائكم دمتم سالمين 🤗💓
______♪_____♪______
«صخر» لو مكنش عايز يتجوزها مكنش دا كله حصل ، بس هو كمان السبب ان ابوكي يكرهك ياعشق؟!
قطع شوردها صوت هي عرفاه كويس
مايا بسخرية: تؤتؤتؤ ياحرام ايه اللي مبهدلك كده ياعشق هو العريس ضربك ولا ايه؟! ولا تكوني معجبتهوش فـ اداكي استمارة 6 وقالك روحي لـ ابوكي ياشاطرة
عشق قامت من علي الارض وبصتلها بأحتقار جنن مايا
عشق: انتي اأقل من اني ارد عليكي
قالت كلامها ومشت من غير ماتسبلها فرصة ترد
هتروح لصخر هو ملجأها الوحيد دلوقتي!!
حاولت تفتكر عنوان قصره
بعد محاولات كتير اخيرا وصلت للقصر بقالها ساعة تقريبا ماشية ، رجليها مش حاسه بيها ، عيونها ورمت من كتر البكاء ، شعرها متبهدل ومتقطع بسبب ضرب ابوها ، وشها اثار الضرب واضحة عليه جداا ، دماغها لسه بتنذف من الوقعة
حرس قصر صخر بلغوه ان عشق بره كان هيطلع يشوفها بس امه اعترضت: خليك انت ياصخر اكيد في حاجة حصلت عشان كده رجعت تاني خليني استقبلها انا
صخر: ماشي يا امي انا هسيبك تستقبليها بس بعد اذنك انا مش عايز حضرتك تتدخلي بيني وبين عشق تاني ، متنسيش انها مراتي!! من النهارده هي مسؤولة مني انا وبس!! انا جيت علي نفسي وروحتها بيت الـحقير اللي اسمه ناصر وانتي عرفاه كويس اووي فـ ياريت تبعدي عن علاقتي بـ عشق
كريمة: متنساش ياصخر انها اا
قاطعها صخر: عارف انتي هتقولي ايه بس حاليا انا مش عايز اي حد يدخل بعلاقتي بعشق هي لسه متعرفنيش خليها تتقبل علاقتي بيها الاول لو سمحتي يا امي انتي عارفة انا مقدرش اكسر كلمتك متخلنيش اعمل غير كده
كريمة :حاضر ياصخر بس بلاش طبعك القاسي معاها عشق مش هتستحمل قسوة اكتر من كده ، انا هقوم اشوفها .. اتاخرت عليها اوي
كريمة خرجت تشوف عشق .. صخر قاعد محتار يعمل ايه!! معقول مش عارف يتعامل معاها!! هو عارف انها رقيقة مش هتستحمل طبعة القاسي زي ماقالت والدته قاطع تفكيره صوت امه وهي بتصرخ قام بسرعة يشوف فيه ايه لاقي عشق فاقدة الوعي وواقعة ع الارض وشكلها متبهدل على الاخر وقف جامد مش مستوعب ان دي عشقه!
كريمة ببكاء : الحقني ياصخر اتحرك اتصل بدكتور
صخر قرب من عشق بلهفه وشالها وطلعها اوضته واتصل بـ "علي" يجيب "دكـتورة" لعشقه .. كان قاعد جنبها ع السرير ماسك ايديها ، ملامحه جامدة ، نظرة عيونة فاضية مش باين اي تأثر عليه عكس تماما البركان اللي جواه!! سؤال واحد عايز يعرف اجابته مين عمل فيها كده؟! رغم انه شبه متاكد ان "ناصر عمران" هو اللي عمل فيها كده ، بس يتأكد ووقتها هيندمه ع الساعة اللي اتولد فيها!!
مد ايده وبعد شعرها عن وشها .. لمس علي جرحها بحنيه ، قرب منها وباس جرحها وهمس بوجع: اسف اني مقدرتش احميكي!!
اسف ان دا حصلك ، اول واخر مره هتبعدي عن عنيا بمزاجك او غصب عنك مش هتحمل اشوفك كده تاني ومش هسمع كلام اي حد تاني!
_______________
أنت تقرأ
عشق الصخر
Romanceبابا أرجوك ما تعملش فيا كده... ماتسلمنيش ليه! ده إنسان أنا ماعرفهوش! ليه أتحمل نتيجة غلطك! أرجوك ماترمينيش ليه! أنا بسمع عن الإنسان ده حاجات مش كويسة أبداً.. إنت ليه بتعمل كده؟! أنا ذنبي إيه؟! لو سمحت خليني هنا! إعمل فيا أي حاجة بس ما تبعنيش ليه أرج...
