منقولة
النَصِيــٍبً
الحلقه 12
يوسف" انتي روحي تو خلاص
بشري" تو لما يجي نادر نروح
يوسف" مش داعي تجي اليوم للمستشفى خوذي راحه
بشري" اصلا مش حنقدر انجي
وفونها يرن
يوسف" من
بشري " بنت خويا
الو بيسو
انا" صباح الخير
بشري" صباح الورد حبيبتي
انا" كيف حال عبدالله
بشري" كويس امبدري شافه الدكتور قال احسن من قبل
انا" باهي ناض هو
بشري" لا مازال بس طبيعي لانه الادوية فيها نسبة منوم
انا" باهي الحمدالله طمنتيني
بشري" انتي في حوشنا قاعده
انا "لالا مع عميمه خيريه قاعده
بشري" باهي رد بالك ع روحك
انا " خلاص تو بيجي نادر تو نجي معاه
بشري" براحتك
انا" هي بايو
يوسف" منو هذي
بشري" اخت عبدالله ونادر
يوسف " كيف هكي ؟
بشري " تو نحكيلك بعدين موضوع طويل بكل
يوسف" هيا امشي وتي روحك بيش تروحي وردي بالك من روحك
بشري" حاضر
يوسف" ماتبيش تقولي حاجه
بشري" لالا خلاص امشي انت
يوسف" تو تشوفي -_-
نادر" صباح الخير
انا" صباحووو
نادر" امي وين
انا" تو كيف حطيت الفطور تعال افطر معانا
نادر" ماعنديش نيه
انا " لالا تعال
ومسكته من يده
وخشينا للمطبخ
نادر" صباح الخير ي امي
خيريه " صباح النور
تعال افطر
انا" مايبيش بس مش ع جوه هو
قعمز هيا انا الي دايرته راه
خيريه " ههههههه
نادر" مش بالغصب واللهي ماعندي نيه
انا "عليك دلع هيا كول واسكت -_-
خيريه " والله بيسان تقدر عليك
انا " هههههههههههههه
بعد خطرها كلمت بشري امبدري
خيريه "شن فيه
انا "اطمني سألتها ع عبدالله وقالت وضعة تمام بكل
خيريه "الحمد الله ياربي
انا" بس مازال ما ناض لأنه الادوية الي عطوهن له فيهن منوم بس الحمد الله وضعه احسن من امس
نادر" خلاص تو نمشيله
انا" قعمز كول قبل راه من امس ماكله شي :/
خيريه " بيسان معاها حق
نادر" ياربي صبرني -_-
وبحت فيا وانتي تو تشوفي عليها
انا "هههههههههههه
سهي " صباح الخير
نحن " صباح النور
انا " تشيلني معاك
نادر "وين ؟
انا" للمستشفى
نـادر " لا -_-
انا" وليش :3
نادر" لا يعني لا
انا" حرام عليك خاطري نمشي
نادر" انتي النسرفه شورك :/
سهي"خليها تمشي تطمن علي خوها
نادر" لالا
انا" ندوري بليز :(
نادر" انتلفي وتي روحك
انا" نجك ليا
خيريه " طمنيني عليه ي بيسان
انا "من عيوني
خشيت للدار ولبست نفس لبست امس لاني ماكنش معايا دبش هنا :/
خيريه " تعرف بعد يطلع خوك من مستشفى نبيك تخلي بيسان اتعيش معانا
سهي" عمتي عبدالله مش حيوافق
خيريه " يوافق وهو الي حيطلب منها انها تعيش معاكم هذي اختكم
نادر" حاضر
خيريه " البنت امس كله وهيا جنبي بنت كويسه
هو مسكر راسه لانه مايعرفهاش كويس بعد يعرفها حتسقم علاقته بيها
نادر "ان شاء الله خير
انا" جيت هيا
يوسف" ناض راه كان تبي تخشي تشوفيه
بشري" خشت تجري
معقوله هكي الي دير فيه فينا
بشري" حمدالله ع سلامتك
عبدالله " الله يسلمك
امي وين
بشري" في حوش ياما خافت عليك وانشغلت قريب ماصارلها حاجه بسببك
عبدالله " شن الي صار
بشري" جابوك راجل وولده لقوك طايح في مزرعة ..................... حكتله كل حاجه صارت امس
عبدالله " بيسان تبرعتلي بدم :o
بشري" انت ظالمها البنت واجد راه ياما خافت عليك وبكت عليك البنت كويسه ومالهاش ذنب في الي داره خويا خليك عاقل وحاول تسقم علاقتك بي اختك مهما يصير هذي حتقعد اختك وماتقدرش تنكر فكر بعقل شويه ومن بدري ترن وتسال كان نضت وتطمن عليك
عبدالله" امممممم
بشري" كنك ساكت
عبدالله " عادي :)
بشري" احكيلي مع من متعارك
عبدالله " تعاركت مع شباب عادي
بشري" تي كنت قريب تعدي فيها ي هبل
احكي قولي شن القصة
