رغم نار الحب

الثلاثون

انطيته فلوس مقبل اخذ ياعيني

....موصيني ميقبلون

هاي شلون رجعت خابرته خاله ثواب داسوي والله ميوصل اريده من تعبه فدوه العينج

...عمج ميقبل مذمم عليه

كليله نصير مامن افلوسه عدنه خير من احتاج
وين اروح الحايط عليمن يطيح

....شسويله ياامي ابوهم تره رباهم ويه الحجي

ادري ميقصر عمو وكفاته متنسي اني اريد يوصله
بي تعبه وركضه

...ماشي يمه اكله بس امانه امي شتحتاجين ليردج غير لسانج بس دي الشباك عبرت سياج

متقصرون خاله سديته كملت الثواب ساعدني علي بلتوزيع خطيه تعب

انفتح الباب اني ملتهيه اغسل جدورت الثواب ورافعه ثوبي اجلف و اسمع صوت التفتت بارق مدنك على فضل يبوس بي ويسولف وياا طفرت نزلت ملابسي وعدلت شالي

من يوم الخبر لهذا اليوم هاي ثاني مره يصادفني مااعرف دااحس بغرب ومو حماي الجان اخويه وتجمعنه علاقه سلام وشقه

كلشي تغير التفت شايل فضل نصه وفات شلونج ام فضل

هلابيك الحمدالله تعداني وطب كملت كلشي وصعدت بيدي رقو رضعته ورجعته لفراشهه

يوم يجر يوم والغربه بكلبي زيد مصيري مصير اطفالي نحو المجهول

ويم كاعده اجن وخالتي التخبز كملت دوفته ودفيت العجين يختمر

كعدت ارتاح وبتي بصفي محللتهه تلعب وتناغي اباوعله وابتسم على ضحكه مدري وحده تكهكه

طبت خالتي ويااهه اخته كمت سلمت عليه وسويتلهن جاي صبيت وقدمته

خاله شتحتاجين هياتني بغرفت البنات اكمطه

...روحي خاله عود اصيحج

طبيت كمطته البنات وحده تسوي بملابسه ونور نايمه
عدي كيك مسويته الفضل عيب خالتهم احبه وهي تنعجن بلكلب عكس خواته

طلعت من الثلاجه مدام ستوني صبيتلهن جاي وصلت اعدل بلماعون وصلت للعتبه واسمعه تحجي بلحرف الواحد

ام نصير نفذي الوصيه وكليله عليش ساكته هذا يومه خل يعقد عليه وتكعد بيتكم اله زواج مجرد عينه على الجهال

امه صافنه بوجهي وخالتهم ضهره عليه مشوفني
يأمن جهال اخو اذا اله نفس بيه خل يزوجه مابيه شي وصية اخو ياخذ مرته

هنا ايدي رخت طاح الماعون صافنه لحضات طلعت بيه ثكلت محسيت غير كاعده بلكاع خالتي واخته طفرن عليه كومني واني روحي سايحه

غوشت مدمعه ايدي اريد ارفعهه خاويه افر براسي خالتهم سمي وتنشر على وجهي غسلولي واني
متمدده عيوني على ابني واكف صافن عليه