Unlabeled [Baguio Series #1]

49

Tumawa ako at hinayaan na siyang sisihin ako nang sisihin sa mga desisyon ko sa buhay.

Nang gumabi ay nakipag-kuwentuhan siya sa pamilya ko bago natulog sa kuwarto ko.

Kinabukasan ay pumunta kami sa apartment ni Gian dahil kagabi ay tinawagan niya at sinabing nasa Zambales siya.

Pinapasok niya kami. Pagkarating namin sa loob ay may nakahanda nang mga pagkain.

"Tori, nagsasawa na ako sa mukha mo. Hanggang dito ba naman sa Zambales?" iritang sabi ni Gian nang makaupo kami sa dining area nila. Tumawa ako sa sinabing 'yon ni Gian.

"Hindi ka patatahimikin ng mukha kong ito, Gian. Ito ang araw-araw na magpapa-alala sa 'yong g-in-host mo si Mary."

Natatawa at napapailing na lang ako sa pang-aasar ni Tori sa kan'ya. Ilang sandali ay nagbuntonghininga si Gian bago naupo sa kabisera ng lamesa. Kumain na kami ng pagkaing inihanda namin.

"Hanggang kailan ka rito?" tanong ni Gian habang nginunguya ang agahan na iniluto.

"Hanggang Sunday lang," Tori answered with her poise while eating with class. Napatingin ako sa sarili ko kung paano kumain. "Mary needs to go back to work by Monday. Naka-VL lang siya."

Tumawa si Gian. "VIP naman pala at napag-VL mo itong mabuting empleyado."

Tori smirked as she flipped her hair. "Talaga! Hindi kasi ako nanggo-ghost."

Muli ay nagbuntonghininga si Gian na para bang sukong-suko na kay Tori. Parang nasama lang ako rito para maging taga-tawa nila, eh.

Namasiyal kami sa iba't-ibang pasyalan sa Olongapo, at siyempre, kasama si Gian. Nag-change day-off kasi siya nang malaman na nandito si Tori.

"Tsk, tsk," Gian said while we're walking on the Harbor Point. "Ano nang score sa inyo ni Mav?" tanong pa nito.

Lumingon ako kay Tori na nakakapit sa braso ko. "Eh 'di wala! Duh?"

Tumawa ako. "Bakit hindi pa kayo magbalikan ni Maverick? Halata namang pareho niyong mahal pa rin ang isa't-isa, eh," I said.

Tumingin nang masama sa akin si Tori. "Bakit hindi mo balikan si Travis para hindi mo pinakikialaman ang lovelife ko?"

Pinagtawanan namin ni Gian si Tori dahil talagang napipikon siya tuwing si Maverick na ang pinag-uusapan namin.

"Sayang, wala ka nung graduation ko. Nandoon si Anna at George. Eh 'di kumpleto sana tayong tatlo," she shrugged.

"Hindi niya naman ako kilala," sabi ko.

Tumawa si Gian. "Maniwala kang hindi ka kilala no'n, numero unong chismoso ang boyfriend no'n na si George! Pustahan tayo, kilala ka no'n at alam kung anong nangyari sa 'yo at sa akin."

Humagalpak si Tori ng tawa dahil doon. "Hindi mo na masabi 'yong tayo 'no, Gian? Kasi walang kayo. At hindi nagkaroon ng kayo. Kawawa ka naman," after she said that, nilabas niya ang dila niya para asarin lalo si Gian tsaka ako hinila palayo sa kan'ya.

Ilang sandali lang ay narinig ko na ang pagtakbo ni Gian papalapit sa amin. I smiled.

After all, being friends with Gian again is not bad at all. It's actually nice; he was a good man, really. Other than the ghosting stuff, wala naman na akong ibang reklamo sa kan'ya. He's a funny friend, and I am glad that I kept him with me, kahit na nagkasakitang kaming dalawa.

Nang gumabi ay inihatid kami ni Gian sa bahay namin. Nagpaalam si Tori sa kan'ya.

"Thanks for the time, Gian! Mag-VL ka na para makasama ka sa mga susunod na pupuntahan ko!" sabi ni Tori na tinawanan ko.