Unlabeled [Baguio Series #1]

44

"I need to focus on job before," he said. "I'm glad that I met you and get to spend special moments with you."

I smiled at him. "Bakit naman kasi hindi mo bigyan ang sarili mo ng time to unwind?" I asked.

He shrugged. "I need to focus on the company. I'm a Quality Control Manager so I really need to focus. But, since I really want to be with you, I took a month-long leave upon the knowledge of your whereabouts," he chuckled before leaning forward to whisper something. "Wala ka nang kawala," muli ay tumawa siya.

Sinuntok ko siya nang pabiro bago kami dumiretso sa susunod na destinasiyon kung saan ang Savannah Train Ride para ipasyal kami sa kinalulugaran ng mga lion at iba pang exotic animals. Nang makasakay kami sa tram ay walang tigil sa pag-selfie si Travis kasama ako, maging ang pag-picture niya sa akin.

"I'll be flexing you everyday," he said.

"Tumigil!" I laughed. "Nakakahiya, eh. Ang pangit pangit!"

"Shut up, okay?"

Tumawa na lang ako.

Nang makarating kami sa kulungan ng mga lion ay kumuha na lang din ako ng pictures. May mga zebra din na nakakulong kaya naman kinuhanan ko na rin iyon ng mga litrato habang si Travis ay nagkukuwento ng mga fun facts about sa hayop.

Pagkatapos doon ay pumasok kami sa parang cave kung nasaan naman ang mga alligator, crocodiles, at kung anu-ano pa.

"Ang dilim dito," he chuckled as he pulled me closer.

Tumawa ako. "Ho-ka-ge."

Lalo siyang tumawa. "Hindi ah!"

Hanggang sa makalabas kami ng cave ay tawang-tawa pa rin siya sa sinabi kong iyon. Kumain muna kami sandali bago muling pumasok ng zoovenir shop dahil gusto raw niya ng t-shirt tapos ay magkamukha raw kami ng design para raw couple.

Couple...

Nang matapos niyang mabili ang gusto niya ay nakinig kami sa safety precautions ng staff para sa main attraction ng lugar, kung saan pakakainin namin ang mga tiger. Sumakay na kami sa jeepney cage at ang katabi ko ay excited na excited na naman dahil sa bagong adventure ng buhay niya.

"I'm excited," he said as the driver started driving.

Ngumiwi lang ako dahil hindi ako excited! Sinong babae ang magiging excited kung ang gagawin mo ay magpakain ng mga nagugutom na tigre?!

Ilang sandali pa ay nakikita ko na ang mga tigre na naglalakad palapit sa amin. Huminto ang driver at ito namang si Travis ay naglabas kaagad ng pagkain! Kaya naman lumapit kaagad sa kan'ya ang tigre. Mabait na kumain ang tigre ng manok na hawak niya habang ako ay nanlalaki lang ang mga mata habang kinukuhanan ng picture ang tiger na ngumanganga sa tabi ni Travis.

Ilang sandali pa ay lumingon siya sa akin tsaka tumawa. "You're scared?" nang matapos na niyang pakainin ang isa ay tuluyan na siyang lumingon sa akin. "First time mo dito?"

Umiling ako. "Hindi pero kailangan bang masanay ako d'yan, ha?" umirap ako. "Ang lalaki ng ngipin! Kayang-kaya akong kainin niyan!"

Tumawa siya at pagkatapos ay nagpakain muli ng panibagong tigre. Vinideo ko siya na tuwang-tuwa na ginagawa 'yon.

"Come on, Mary, they're kind," he said.

Umiling na lang ako at patuloy na vinideo siya.

Ilang sandali pa ay napatili ako nang makitang tumalon sa bubungan ng jeep na ito ang isang tigre. Tumawa si Travis.

"Oh, God." He laughed again.

Kinurot ko ang tagiliran niya sa pang-aasar niya sa akin.

Ilang minuto pa kaming nanatili ro'n bago tuluyang umalis ang jeepney cage doon. Marami pa kaming lugar na pinuntahan bago tuluyan nang umalis ng Zoobic Safari, dala ang napakalaking tiger stuff toy na ito, mas maliit lang nang kaonti sa akin kung itatayo ko.