لن اُكسر

البارت الرابع

مدين .. شكرا عموو تسلم

وعمار حاط راسة بلموبايل يراسل ..رحت ساعدت ام عمار صبينا الغدا جانت مسووية برياني كعدنا كلنا اكلنا ..

وعمار احس بي شي شعجب ماذبلة حجاية ؟ يمكن حس على نفسة وكبر

بعد ماكملنا شربنا جاي غسلت ماعين اني كعدنا نسوولف شووية للعصر رجعت ويا طبتي طب ابوية ..

ام عمار انطتني ماعون لابوية كالت لاتسويلة هذا زايد ..

صبيتلة وكعدت يمة كال .. بووية عمتج تريد تجي من امريكا

مدين بتعجب .. عمتي كريمة؟

ابو كرار .. ليش عدج غيرها هيا اكو غير كريمة ..

مدين .. شتريد جاية

ابو كرار .. شتريد تكول تعبت من الغربة وتريد تجي

مدين .. من صارلها اكثر من 10 سنوات ماحست بلغربة هسة حست

ابو كرار .. بابا شعلينا هية تريد تجي احنا العلينا نقووم بواجبنا

مدين .. ماشي شوكت تجي

ابو كرار .. على هلاسبوع يمكن

مدين .. خووش

ضل ابوية كاعد ويسولف وياي لحد ماخلص اليوم ملل بملل ..

ثاني رحنا اني وبابا نسوك شغلات للبيت ولان راح تجي عمتي لازم نحضرلهة خووش اكل عوود جاية وصارلنة فترة ماشايفيهة اخواني نتصل عليهم حمدلله زينين ..

اليوم تجي عمتي واني خابصة روحي حضرت الركي والبطيخ وهدرت الجاي على ام الفتل وام عمار مااستغني عنها الها الطبق الرئيسي سوتلنة مطبك سمج ..

طبخت التمن والحشو واني علية سمج ددايخة حييل كاعدة من صبح رااسي يفتر كملنا كلشي ساعة ب1 الظهر صلينا وام عمار راحت لبيتها ..

ضليت الملم منا ومنا سبحت وسحبت شعري مصدكة راح تجي عمتي وكذا ..

نزلت وجانو جايين باوعت من بعيد لا يالله هذا حامد هنا ولبسي شوية كصيف ..

طفرت بسرعة لبست بوليرة طويلة وشمرت حجابي رحت للاستقبال وكفت بلباب ..

مدين .. هلاوو عمة شلونج حمدلله هلى سلامة رحت بوستهة

كريمة .. هلا بيج هااي بتك (تسأل ابوية)

ابو كرار .. اي ميمة مدين هااي روح حبيبت ابوهة