النقيب ياسر

2--

-يلا گومو راح نرجع

-اريد اسبح كلي تراب

-هسه مو وكتك

-لا وكتي اياد گوم

-ها شكو ؟

-يلا گوم

-طلعو يتمشون وعمامهم ضلو ب الامام لان السياره عطلانه ومتانين يصلحونها يلا يطلعون دخلو ل اقرب فندق وگف ياسر يشوف اذا مسموح يسبحون ويطلعون او لا

ياسر -السلام عليكم..

-عليكم السلام ..

-اذا مسموح ب الفندق ندخل نسبح ونطلع عادي لو اله مبيت

-ما ادري انا مو صاحب الفندق انا اشتغل هنا

-بلا زحمه ممكن تصيحلنا المسؤل

-اي اكيد

راح الولد وما طول بسرعه طلع وراه الرجال صاحب الفندق

-تفضل وليدي

-احنه من البصره واليوم توفه ابونه وجينه ندفنه انترسنه تراب عادي بس نسبح ونطلع

-الله يرحمه اي عمو تفضل احمد اخذهم للغرفه واغسلو ملابسهم همين

-رحم الله والديك تعبناك

-لا وليدي مابيها تعبه وارتاحو شوي هم

-جزاك الله خير

اخذ هم الولد للغرفه جانت ب الطابق الاول غرفه حلوه ومرتبه حيل

الولد عمو انطيني ملابسكم نغسلهن

ياسر خاف تصير زحمه

لا عمو رحمه انطينياهن
نزع دشداشه واياد كذالك وانطاه الملابس وطلع من الغرفه

دخل ياسر يسبح جوه الماي وضل تقريباً نص ساعه وطلع لگه الملابس ب الغرفه وحتى مكويات

ياسر تعبناهم

-اي خطيه حتى كاوينهن

-يلا فوت اسبح ورانه روحه

-يلا ماشي

دخل اياد للحمام وياسر نام ع الجربايه وغفت عينه دقيقه

،،،،

ام ياسر جانت تبجي بحرگة رغم معاملته السيئه الها بس تحبه

ليلى راحت لبيت اهل براء وضلت يمها لأن انرعبت من الناس الي موجوده هناك
..........

في النجف

طلع اياد من الحمام وراح يگعد ياسر

- يلا ياسر

- يلا يلا

طلعو من الغرفه وراحو تشكرو ابو الفندق وطلعو لعمامهم وبعدهم موجودين هناك

ياسر - نريد غدا

جمال-هذني فلوس وروح اتغدو بذاك المطعم يلا عمو