رغم نار الحب

الثالث والعشرون

..ضحكت هلا نصير شلونك عيني

هز راسه الحمدالله بخير

باوعلي رانيا شعندج

جوعان

فارط

من عيوني عدنه كبت برغل

تكلا

لا مرك ابيض

دسوي صاعد اسبح

خالتي كاعده تخيط بدشداشتها مشكوكه

ضلت سولف ويا ناديه

على السريع حميت الاكل ورتبته خليته بصينيه

نزل واني احمي الخبز اخذ الصينيه خلاهه بلكاع

كعد نزلت الخبز

فضل يلعب باسكله بلهول

خالتي صاحت ابنج لا ينربد بلدرج كوميله

ماعليه شي زغير يفتهم خاله

نصير صاح فضل بابا تعال

رد فضل مااليد بابا

لك تعال

اجه وبيه بايسكله يمشي

عوفه حبيبي اكل وياي

عافه وكعد يمه

ناديه نبت ابوفضل مالك نيه تتنازل

عكد حاجبه كمل لكمته عليش

تره متستاهل يبقه عمك

دفع الصينيه وكال تردين سويلج مشكله

فكت عيونها شنو اني راعيت مشاكل سامع فديوم سويتلي مشكله

لعد سدي السالفه ولتدخلين

مو

نتر كلت لتدخلين بت خالتي سهمج الراحه يابه محد دنالكم لهذا خلي شور شوري واني ابو الحك مو هوه

الراح دم ابويه مو من دمكم

لهذا خليكم بره الموضوع اليدخل يلوحه طشار ويتأذه

دامنه مصافين لاتعكرون المي وتهيجون سيانهه
تره تطلع ريحته وذاك الوكت انسه حتى الكربه
وصلت الدم لان هذا الكلب مورم

امه كالت شنو سالفتك نصير شحت المخلوقه

صاح هاي السنه ال٧ واني احجي محد يفتح موضوع الانتقام وياي عشير وشيخه وزلم معكله انطيتهم نصيبهم بلحجي وسكتو وكالو حكك

يمه تعرفين ابويا شنو العالم تحلف بي صايم ورجال كافي خيره شره يجي ابن الجحش يخرطه وضهريه حمره واشوفه بحضني يلهث يجر النفس

بيا حق اتنازل لو تثالث لو مومريض عسى بلموت عرج اليصيبه ويخلصنه من خيسته

وحالف اليصف وياا يصير عدوي لتهيجوني البيه فايض
لتخلوني اطلع من طوري ناديه عمج نكس واخيس خلق الله