عدت للانتقام

البارت 12

سلام: شنو؟؟

شهد: دتسمع شي شنو هذا الصوت؟؟

سلام: يجوز صوت الفأرة

شهد: شنووو فاأررة هنااا لميت رجلي على صدري خايفة هو رجع باوع بتلفونه شلون أنام هسة شينيمني بلة ضليت منا لمن طلعت الشمس حط تلفونة ونام رجعت تمددت همزين ماطفة الضوة أخاف؛ دك تلفونه فز بسرعه جره

سلام: ألوو هاا قاسم شنو أي لا هستوني كعدت اي؟

شهد: باوعلي فرگ بعيونه

سلام: لا يمي موجودة أي هو أني رحت لهناك و..

شهد: كام طلع مكدرت أسمع شيكول شوي ودخل ضايج هم رجع نام؛ حجيت واني متردده؛ س سلام

سلام: خير؟

شهد: نرجع لهناك؟ يعني زينب...هو قاطعني..

سلام: زينب راحت لربج

شهد: نصعقت لحظه لحظه شنو گال؟ دار وجها شنو راحت لربج؛ دنگت كاتمه الغصه بلعومي؛ تذكرت ملامحها صوتها هدوئها؛ ضحكتها شلون من تعتذر وتتاسف على شي ممسويته؛ حطيت ايدي على وجهي اصبر بنفسي

_بين الواعيه والفاقده؛ انام وافز؛ اسمع صوت المروحه تطلع صوت صرير؛ درت وجهي صوت مي ديصب؛ حتى صوت قرض الفاره اسمعه؛ كل ما اتحرك الجربايه تطلع صوت؛ فتحت عيوني باوعت للسگف والعفن أحس شي دافي على كصتي رفعت رأسي وكع شي على عيوني شلتة خاولي صغير بارد

_كمت وأحس جسمي متكسر وحاار باوعت للغرفة ما بيها احد نزلت أريد أغسل أمشي ولازمة الحايط ورجلي يرجفن يجوز أخذت صخونة أخخخ نزلت جوة طبيت للحمام غسلت وطلعت صعدت فوك أجيت أوكع لزمني من ايدي؛  عدلني على الدرج كملت مشيتي وصلت للغرفة رجعت نمت؛ فزيت من النوم هو كاعد على القنفه مقابيلي اشرلي

سلام: بعدج مصخنه؟

شهد: هزيت راسي بنفي؛ لا

سلام؛ خبصتيني بس تهذين؛ بكل حالاتج مؤذيه

شهد؛ سكتت عنه

سلام؛ جبت اكل عود اكلي

شهد؛ اخذت نفس؛ عود مهتم مثلاً؛ من يغتصبني عادي ويضربني بس توصل للاكل؛ جبت اكل الحنون مكسور گلبه علي؛ عدلت گعدتي؛ حاط علاليگ على القنفه شالهن وانطاني اياهن؛ فتحت الاكل جايب لفات ؛ اكلت لفتين شربت مي وهو دار وجها ونام؛ شلون بلوه حتى مليت انام وارجع اغفى وانام ماشبع نوم هذا؟؟ كمت اتگلب بفراشي؛ اتخبل من اكل شي وابقه كاعده لازم اكوم اتحرك؛ تحركت هو عاط بيه فزيت؛

سلام: لج لا تتحرركين صوت أذااااني أريد أخممممممددددد

شهد: شهگت؛ عاط بيه بعلو صوته؛ بلعت ريگي ؛ سكتت؛ متحركت بقيت نايمه على صفحه وحده حتى لاتطلع صوت؛ شوي نام اسمع صوت انفاسه العاليه؛ نزلت على كيف و طبيت للحمام غسلت و طلعت داطلع وهو صار مقابيلي عگدت حواجبي؛ واكف مكتف ايدي مغمض عين وفاتح عين مبين علي فز؛ عباله راح اشرد