رغم نار الحب

الواحد والعشرون

كعدت اختض من الكاله خلاني مثل المخبله امشي واتلفت اخذت العلب ضميتهن بكنتوري

انتضرت ينامون لل٢ صعدت جريت طاست بناء نزلتها

نزلت للمنور على اطراف اصابعي وين براميل النفط غميت كصتي نسيت صعدوهن بيت جدي من وره وداد

منين اجيب نفط حرت خابرت رنيم فزت كالت تردين تحركين روحج شجاجن خوات مربوطات على التوالي

...انتي مبين عليج النعاس كومي محتاجته بدون ميحسون

ورد وين مكومتني ضلمه شسوين بلنفط

...احرك روحي دكومي ياعيني اسمعه دردم وتهبد
نزلت جايبته بعلاكه غميت كصتي شعرهه منثور مفتحه تك عين

عوذه هذا هم شكل

سوت ولي ولي اريد انام منزلتني تريد نفط وجهه السطل

هاا عليمن

عليج ورد عليج تره ادفنج والله كوه واكفه عافنتي وطبت

موعتهن واني فاتحه الشباك تطلع ريحت الدخان

ثاني يوم من الصبح وقت الجهاز نزلت ذبيتهن بلحاويه وهذا كان اول غلط محسيت غير واحد بركن الشارع منتجي يباوع شافني ذب جكارته وكف عدل

دخلت ركض يومين مرن طبيعي

رنيم __ حسيت روحي هذا اخر حل الي اتعب روحي بلنهار في سبيل اذب روحي انام

كاعدين الصبح البيت كله مكلوب يحضرون للعرس اله اني كلبي قبوض والوب نهايت صبري

واكفه اجلف بلثلاجه وامي بالشه بلمجمده موعتها ومطلعه الاكل المطبخ فايض مي ايسر واكف يسحب المي الجدوره على الطباخ مال الاكل صادفت جمعه والكل بلبيت عمامي سادين محلاتهم

مسحت غراضه كاضه الوصله اعصر امي صاحت ركضي جيبي الملح انطيتها

رجعت اكمل رنيم البهارات الجدر حمس ناوشتها

رجعت ناوشيني البصل

اعصابي تلفانه كل يوم اليمر يقرب يوم موتي لحد مصحت بدون قصد يمه شنو هي بنكلاديشيه اني تعبتيني والله مو عرس انتقام شكو مطلعه الثلاجه والغراض راح يكعدون بيهن

التفتت فاكه عيونه عكدت حواجبها

ولج هاي عليمن دصيحين

درت وجهي اكمل عليه ممصيحه

...طفت الطباخ واجت بيدها الجبجير لا اشو عيدي صوتج وين واصل ابويا قريب طب

باوعتله امي سمعت بتك الحبابه شلون دصيح عليه ليكول بتها مو امهه

كال شكو رنيم

ماكو شي بابا

لا اكو شي امي صاحت صارله سبوعين مثل السمجه المزوهره مو عروس موديها للمذبح