مهدي شافلها طبيب نفسي من سمعت كامت دكمز كل عيطه تعيطه ترج البيت رجع ماسكتت لحد ماعفناهه
ام قيس مرتين اجت شافته تكابله وتبجي وداد ساكته متبدي اي ردة فعل لحد مافديوم ملتمين على الغده
مسويه حميسه ودولمه مهدي وايسر يمنه وبوكته لمى بت خالتي ضلت علمود وداد
التفتت انطيه خبر صافنه خليت يمها لمى صاحت وداد دفعنه الصينيه قلصت جسمهه متمدده مهدي كضه شافه عضت لسانه خله شحم ايده عصر وجهه
اباوعله جسمي يرجف مااعرف شسوي لمى فكت ايديها
امي اجت تركض بجادر الصلا تشوفه وتصيح شيلوهه
مهدي صاح انطو مجال صرع صرع
بهتت جسمي باد كعدت اعاين الكل التم عليها أمين كله شيلها وديها للسياره
مهدي كله صرع شبيك
امين ...منو يكول احتمال شد عصبي
اخذوهه امي لطمت عيطت هي وبيبي منين اجاهه الصرع
لليل طبو بعد ماحيلنه باد جابوها منتهيه امي واكفه تلوب وتبجي نامت منطيهه مهدء
امين كال هذا علاجه اتحسبو بأي ساعه تجيه النوبه
لاتقطعون العلاج ولا تطلع وحدهاالتفت على مهدي بعد هوه اعرف بحالتها ويشرحلكم خله وطلع مقهور عيونه قلقه
مهدي وصانه جدي مهدود حيله يوميه مصيبه شكل
مرضهه خربط احوالنهيوم عن يوم تعاني ومتقبل تروح اي دكتور مهدي معايفها أمين بعد ماحاول يدخل ولايسأل مرات تصدف اشوفه يسلم ويسأل على دراستي شمحتاجه ويروح
سمر تفتر وراي لج ليش متقبلين شعوزه
اوووع هاي انتي صدك عاجبج دشوفي محفحف
...هاي طبيعته ابيض واملس شتردين منه ولد حباب وطلبج بدون لعب
شسوي بي سمر عيني ميعجبني هيج واحد اذا مو يهز الكاع شصخم بي وبعدين شوراي داادرس عود من اتخرج
...وهاي انتي تكعدين وضلين تنتضرين يجي اليعجبج
باوعتله مضيقه عيوني شتردين امي انتي كاعده على كلبج
...ولج موخطيه دشوفي وين مترحين وراج
مجابرته
...قافله انتي
اي
...تحبين شلاع الكلب
بلضبط بس فكي عني
...ويطبج طوب
سبوع ومحسيت غير بيتنه نسوان سلمت وصعدت ابدل سمعت امي صيحني
نزلت قدمت مي وعصاير من نضراتهن عرفت جايات عليه ضحكن رديتلهن الابتسامه
طلعت مجرد ماراحن كتله يوم لا تبدين ودوخيني هذني ام الولد جايات مو
![](https://img.wattpad.com/cover/218284941-288-k410946.jpg)
CZYTASZ
رغم نار الحب
Losoweبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
التاسع عشر
Zacznij od początku