#مريم
الحلقه 31
مقعمزه تحت ع الزليز .. مهاب في حضني ... شن بيصير ؟؟؟
كيف نقدر نتحمل هذا كله بروحي ؟؟
كيف حسام يتبرع من غير ما يحطني في الصوره ؟ ليش ما قاليش ؟
أنــــــــــــــا بــــنـــــمـــــــــــــــــــوت
💔
و الــــــلــــــــه بــــنـــــمـــــــــــــوت
جتني الممرضه شاورتلي انوض نقعمز ع الكرسي .. شاورتلها بي إيدي خليني هنا افضل ...
هنا .... في الغرفه هادي ... المغلقه أبوابها ... في قلبي داخل ...
قطعه مني و قطعه منه بين ايدين الله عز و جل ثم الدكاتره ..
أنا منهاره .. و الله منهاره و الذي لا إله غيره منهارة .. ما عنديش طاقه ..
العمليه تستغرق 12 ساعه .. انا هنا بروحي ..
مهاب ... مهاب حبيبي .. بابا داخل .. بابا حبيبنا داخل .. بطلنا داخل .. بيعطي كبده لي مريومه .. نحضنه و نبكي و كأني نقوله ساندني يا طفلي .. ادعمني ..
اعطيني قوة ...
اعطيني عزم .....
مهاب .. عندك أب تفخر بيه طول عمرك .. بابانا حبيبنا ..
بركة قليبك ياااااااارب احفظهملي يارب 💔😢😔
جتني مرت صديق حسام .. سلمت عليا و قتلي اعطيني مهاب يقعد عندي .. حضنت طفلي و قتلها لا ما نقدرش خليه عندي ..
رقد مهاب في حضني و قعدت ( ابتسام ) جنبي .. بس كنت مغيبه ع الواقع ..
شريط كامل مر على ذاكرتي ...
كيف كان يقولي انا محتاجلك نبوس رجليك خليني نرقد معاك ...
نبكي نخبط راسي ع الحيط .. عندي رغبه نشرك ملابسي .. عندي رغبه نطلق عيطه تشق باب العرش ... نشد سنوني نعض لساني .. بنتفجر .. بنتفجر .. بنتفجر .. نعيط حساااااااااااااااااااااااااااااااااااااااااااااااام ... نضعف .. صوتي يخف .. نفشل .. ما عنديش جهد حتى للعياط ...
جتني ابتسام .. قتلي صبري بالك الفجى فيك و الله وخيتي ..
قتلها بنتي داخل .. بنتي مازال ما سكرتش سنه .. سماها عليا راه .. سماها مريم على أسمي .. بنتي بدير عمليه زراعة كبد و هي قاعده صغيره .. نبكي ....... نبكي ........ نبكي ......
تهز ابتسام راسها و هي تبكي معاي ...
نضت غسلت وجهي و صليت لله عز و جل .. و رجعت قدام غرفة العمليات ...
خديت مهاب عندي و قعدت مقعمزه .. ما اطول الوقت .. ما بوش يتموا ال 12 ساعه ..
أنا هنا بروحي ..
لا أم ...
لا أخت ....
لا أخ ...........
لا صديقه ........
بس الله عز و جل و راجلي و أطفالي ..
هكي وقت الشده .. هكي المحن .. هكي العثرات .. مش ح تلقي حد الا راجلك و اطفالك فقط .. كل الي تدخلوا في حياتك انشغلوا بشخص تاني .. كل الي قالوا كلمة سوء نسوك ... لهو في غيرك .. كل الي حاولوا يتدخلوا في حياتك الشخصيه اختفوا .......
هذا الرابط الي مفروض ما يخترقه حد .. هذا الرابط الي مفروض ما يتطلع عليه حد .. هذا الرابط مقدس و الله مقدس ..
♥️🌺
هذا الانتضار مرهق .. مرة نتفكر .. مرة نبكي .. مرة ننخنق .. مره نهدأ و ربي بعطيني سكينه زي الثلج على قلبي .. و مرة تركب فيا نار ...
تذكرت كل شي .. كل شي ..
من يوم عرفته .. للحضه هادي و أنا مقعمزة نستنى ..
تذكرت قداش كنت لئيمة معاه .. تذكرت كل لحضه لعبت فيها انا و مريومه .. تذكرت ضحكتها .. تذكرت يوم ولادتها .. تذكرت نظرة عيونه لما قالي خليني نرقد الليله جنب بنتي ..
رقدت في حضنه .. و كأنه يقوللها انا الليله أول ليله نرقدك في حضني .. ما نعرفش بكرة مازال تقدري ترقدي في حضني او لا ؟ ما نعرفش لو ربي يعطيني عمر أو لا ..
نني في حضني .. طول ما أنا حي .. ح تحسي بي الأمان ..
نني في حضني .. طول ما أنا حي .. ح نقطع من لحمي و نعطيك ..
نني في حضني .. طول ما أنا حي .. إنتي بخير و بصحه ..
نني في حضني .. طول ما أنا حي .. مش ح تحسي بألم بكل ..
نني في حضني .. طول ما أنا حي .. ح تعلو الفرحه مبسمك ...
نني في حضني
💔😔
قعدت زي المشدوهه .. و كأني قاعده في عزاء .. امته تمر هالغيمه السوداء ..
نتذكر كل لقطه .. كل حركة .. كل كلمة .. يعصرني قلبي و ننهمر بالبكاء ..
أنــــــــا
قـــلــــــبــــــي
يــــــــعــــــــصـــر
فـــيـــا
😢💔😔
فجأه فتح باب غرفة العمليات .. طلعوا زوز دكاتره .. مازال ساعه .. ليش طلعوا توا ؟ نضت وقفت .. تعثرت .. طحت .. وقفت تاني .. رجليا يرجفوا ... ما عرفتش كيف نحكي مع الدكتور .. قلبي يرجف .. ريقي يابس ..
الدكتور في حركه اختصر عليا كل شي 👍🏻👍🏻
قتله يعني 👍🏻👍🏻
قالي yes 👍🏻👍🏻
صرخت بصوت انهكه التعب و الانتضار آآآآآآآآآه سجدت لله عز وجل حامدة ... شاكره ... مستغفره ....
يا واسع المغفرة 🤲🏻 يا باسط اليدين بالرّحمة 🤲🏻 يا صاحب كلّ نجوى 🤲🏻 يا منتهى كلّ شكوى 🤲🏻 يا كريم الصّفح يا عظيم المنّ يا مبتدئ النعم قبل استحقاقها اللهمّ إني أسألك شكر نعمتك 🤲🏻 وحسن عبادتك 🤲🏻 وأسألك لسانًا صادقًا، وقلبًا سليمًا 🤲🏻وأستغفرك ممّا تعلم، إنّك أنت علّام الغيوب، اللهمّ زدنا ولا تَنقصنا، وأكرمنا ولا تهنّا، وأعطنا ولا تحرمنا، وآثرنا ولا تؤثر علينا، وأرضِنا وارض عنّا، اللهمّ أعنّا على ذكرك وشكرك وحسن عبادتك، الحمد لله ربّ العالمين 🤲🏻🤲🏻
نضت نبي نشوفهم .. نبي نخشلهم .. نبي نطمن عليهم .. إبتسام معاي شاده مهاب .. عيونها ما بطلوش دموع ..
قتلي قعمزي استريحي شويه ... قعمزت و انا مش طايقه الوقت خلاص ..
لحضات و طلعوا مريومه .. نضت ... طحت .. رجليا مربطين ...
معااااااااااااش عندي جهد ..
نضت مش قادره نبدل خطواتي ... مشيت نتعثر في خطواتي .. بنتي ...
بنتي مريومتي ... مننيه يا روحي ... مريومتي ... يا قلبي .. يا قلب ماما ..
دخلوها للملاحضه و انا قلبي بيتقطع .. يا دوبك جمعت قواي شوي و طلعوا حسام .. مشيتله .. حسام .........
يا حسام .........
حبيبي ...............
و الله حبيبي 😢💔
دخلوه للملاحضه ....
قتلي ابتسام روحي ارتاحي شويه مدام عمليتهم كويسه .. قتلها نطلب منك طلب ؟
قتلي انتي تؤمري .. قتلها راجلك معاك ؟
قتلي ايه تحت قاعد ..
قتلها نبي مترجم بالله عليك و راس وخيتي .. قتلي حاضر شدي مهاب شويه خلي نمشي نقوله ... نزلت قالت لي راجلها يجيب مترجم .. و ركبت قتلي اهو مشى بيجيب مترجم و خدت مني مهاب ... بعد اكثر من نص ساعه جى المترجم .. خشيت للدكتور انا و المترجم .. قتله نبي نفهم كل شي .. قعد يكلم في الدكتور مشوار .. و انا نقول خيره ما يترجمليش !!!
و لما تلفت لي و بدا يترجم .. قتله نحلفك بالله ما تدس عليا حاجة ..
قالي هذه مهنتي و بأذن الله ما ندس عليك شي .. قالي العمليتين ناجحين بأذن الله ... بس المرحلة الي بعد العمليه مرحلة حرجة و تبي متابعه و إهتمام للمتبرع و للمتبرع له .. يعني لي زوجك و بنتك ..
قتله يعني ما فيش خوف ؟
تلفت سأل الدكتور ..
الدكتور : No No No 👍🏻👍🏻👍🏻
قلت الحمدلله يااااااااااارب ...
شكرت المترجم و شكرت الدكتور .. و طلعت برا جنب ابتسام و مهاب ..
قتلي ابتسام شن رايك نروحوا لانهم مش ح يفيقوا توا من التخذير ..
روحي دوشي و غيري ملابسك و نغيروا لي مهاب و تاكلي حاجة و نجوا هنا و انا متأكدة نلقوهم مازال ما فاقوش من أثر البنج ..
قلتلها به تمام ..
طلعنا من المصحه روحنا .. و طول الطريق نتخايل شن من الممكن يصير ؟
نتفائل ....
نخاف ........
نرجع نتفائل .....
نخاف .................
نطرد الخوف ............
و نتفائل .... ايه نتفائل ...
وصلنا للشقه و اول ما خشيت مشيت لي دار حسام ..
هنا جنب الباب وقف باسني ...
هنا ضمني لي صدره ... هنا كان يرقد بروحه من غير صغاره .. ما احلى ريحة ملابسه .. ما احلى كل شي مرتبط بيه ...
لقيت ورقه مطبقه .. مكتوب عليها
مـــــــــــــريــــــــــــــــم
♥️🌺
السلام عليكم و رحمة الله و بركاته
{{ كُلُّ نَفْسٍ ذَائِقَةُ الْمَوْتِ ۖ ثُمَّ إِلَيْنَا تُرْجَعُونَ }}
بسم الله و الحمدلله و الصلاة و السلام على رسول الله محمد صلى الله عليه و سلم
أنا حسام ................. أشهد أن لا إله الا الله و ان محمد عبده و رسوله ...
أوصي بكل ما أملك من منزل في منطقة ............ و مزرعه في منطقة ................و سيارتي نوع ............. و مبلغ مالي بقدر ................ و كل إيراد المحلات .. الي زوجتي مريم ................ في حياتها و الي إبني مهاب حسام ................ و ابنتي مريم حسام ............. بعد مماتها ....
أوصي والدتي بزوجتي و أبنائي ..
ان لا يعرى منهم أحد ....
و لا يجوع منهم أحد .....
و لا يُظلم منهم أحد .......
و لا يُهضم حقهم من أحد .....
راجياً منكم تنفيذ وصيتي ...
اللهم اعفرلي و ارحمني و ادخلني الجنه و احشرني مع الانبياء و المرسلين انك سميع مجيب الدعاء ......
حسام ...........
الشاهد : ...............
الشاهد : ...............
No name ♥️🌺
