السحر الاسود بلحم الخنزير

البارت الخامس

خفت منه حيل حتئ شكله تغيرة مو علي اثنا الحديث معاي واني احس اكو امراة كاعده معانه بس ماااشوفها عندي احساس اكو واحد معانه بس مااعرف وينه ضليت اتلفت يمين ويسار و علي يتلاطم فوك مني حتئ ميكدر يطلع برة الغرفه

صار المغرب فتح الباب والتفت عليه كال __اعقتد نبهتج مايحتاج اعيد واذا سالوج كلشي ماكو لحد لليل فهمتي وطلع

هوه طلع واني ركضت قفله باب الغرفه وكمت ادك ع وجهي سودة بوجهج بتول هاذه حضج بتول صرت حتئ اكطع بشعري واجاني صوت مع هوئ

(مررااااح تتتنهين مراااااااااح تنسعدين) صوت غريب لا صوت رجال ولا صوت امراة غريب التفت وراي بسرعه شفت شي وكع من الثنوي الي هوه سقف باوعت فوك شكل غريب ومخيف (راسها راس امراة بس ايدينها ايدين نعامه ورجلينها ماكو مقطعات ولازكه بلسقف فبسرعه صرخت من شفتها وانغمه عليه من المنظر 

ابستام: طلع علي حتئ بدون مايسلم برة وركع الباب اجيت لغرفه بتول ليكتها مقفوله ضليت ادك واصيح بتول

الام: يمه بنتي شبيها عمه شبيها بنتي

::علي طلع واجيت حتئ اشوفها بس الباب مقفول

:بتول ماما فتحي الباب مو راح يصعد الضغط عندي بتووووول ماكو لا حس ولا نفس متاكدة عمه علي طلع منها

::اي والله وشفته معصب حت ماانتبه عليه

:مسالتي صاير شي

::عمه كتلج حت ماانتبه عليه وبعدين شيعرفني يصير بينهم شي

:يمه بتول فتحي الباب وضلت ادك ع الباب

::مسكينه هاي البنت شنو حظها والله ياعمه لو كاعده  وساكته ولا هاذه العرس الاكشر هسه هما هم جنهم عرسان البارحه شارد منها واليوم اتفضلي ياعمه وشوفي

:اش اسكتي انتي لا اتسمعج البنت واتخربيها وين تلكه مثله

::لا عمه كولي وين تلكه مثل فلوسه والله لو ماعندة فلوس مانطيتوها اله ظلمتوها انتي وعلاء عساها بذمتكم

:بسومه عمه روحي ليغاد ترة روحي كوه متحملتهاا مااريد اتعارك معاج

بتول: اتكول ابتسام اول مراح علي دكيت الباب بس اني ابدا ماسمعت ب دكت الباب

صحيت وجسمي خدران وجهي ملوعب بي لعب بس اتشوفني امي بهلحاله تاكلني اكل واني اذا لحت مااضم عنها  باوعت للسقف ماكو شي كلت اعوذة ب الله كمت ع المراية عدلت نفسي ولميت شعري انتبهت بلمشوفه خيال زلمه واكف ع باب الغرفه التفت علئ الباب بسرعه ماليكت احد لو شفت ب المراية اشوف خياله واكف بلباب ركضت اتجاة وفتحت الباب لكيت ابتسام و امي واكفات بلباب

::يما شبيها ابنتي

:تعاندت معا امي ومااعرف القوئ منين اجتني كلت الها من كون تخافين علئ ابنيتج المن تنطينها ها لا تخافين بنيتج حمارة وحيوانه وكلشي تتتحمل وخري يمه مني  كرهت نفسي كلش لو يوكع بيدي اموت