ثنائي الطوارئ

زياد :نعم هتروحو فين؟!!!!
سالي: زياد بعد اذنك مينفعش اسلوبك ده.
زياد: ايه يا هانم عايزاني اعمل ايه لما اشوف خطيبتي رايحه مع واحد غريب الكافيه.
سالي: استغفر الله قولتلك طول ماانا مش متجوزاك يبقي متدخلش في حياتي وبعدين كمال مش غريب.
كمال:خلاص يا زياد انا هقولها هنا وخلاص...انا اسف يا سالي علي اللي حصل في المعسكر مكنتش اقصد.
سالي :ولا يهمك يا كمال انا عرفت انها كانت مهمه حصل خير ...ومتنساش انت معزوم عالفرح.
كمال: اها طبعا ازاي محضرش فرحك انتي و زياد ربنا يتمم بخير عن اذنكم.
سالي: اتفضل...خلاص ارتاحت كده.
زياد : انتي يا بت اتكلمي عدل.
سالي :صبرني يا رب عالواد ده انا مش عارفه هحبه ازاي بأسلوبه ده.
زياد :بتبرطمي بتقولي ايه.
سالي :مقولتش ..انا ماشيه عشان معملش مشاكل.
زياد :استني هروحك.
سالي :لا معايا عربيتي.
زياد :(امسك وجهها و تقرب منها حتي تخالطت انفاسهم )سالي انا ماسك نفسي بالعافيه عنك بس لو مسمعتيش كلامي و طولتي لسانك هيبقي ليا كلام تاني معاكي انتي فاهمه.
سالي: حاضر...ممكن امشي. .
زياد: لا هنروح مشوار الأول. ..
سالي :فين ..
زياد : هتبقي تعرفي (امسك يدها و ركبوا السياره معا)
زياد: تحبي تسمعي اية.
سالي : ولا حاجه.
زياد: انتي عدوه الفرحه ليه يا كئيبه.
سالي: لو مش عجبك نسيب بعض عادي جدا .
زياد: لو وقفتي علي راسك مش هنسيب بعض. وانجزي هتسمعي ايه في يومك ده.
سالي :هسمع....اتفضل من غير مطرود .. وإياك تتجنن وتعود
دا الداخل عندنا مفقود .. والخارج من هنا مولود
سلملنا بقى ع التروماي
زياد : استغفر الله انتي متخلفه متخلينيش أمد ايدي عليكي يا مستفزه .
سالي:قولتلك عادي جدا نسيب بعض.
زياد : ربنا يقدرني عليكي .
سالي : انا هشغل اغنيه وخلاص .
زياد :ماكان من الاول.
سالي : (بدأت بالرقص ) هات كاش مش ببلاش خد كدا
بنعوم علي كوم في فلوس هنا
ضيعنا كتير ولا همنا من فيكم هنا قدنا
مليونير مليونير مليونير مليونير مليونير مليونير مليونير مليونير تلعب علي مين فوق بابا منتاش قدنا داحنا عصابة
في جنان جوه دمغنا الأن أحنا خرجنا عن السيطره
مليونير مليونير بكرة هبقا مليونير مليونير مليونير بكرة هبقا مليونير
هحلم وانا نايم هحلم وانا صاحي ويا عيشة ارتاحي والفقر اهو غار
وساعات ماركات بدله وحركات وانا باشا عليكو بصرف في كاشات.
زياد: ايه القرف ده .
سالي :ده اللي عندي.
زياد : (قام زياد بالرقص معها)
سالي: هههههه انت بتعرف ترقص مش القرف ده مش بتحب تسمعه.
زياد : انتي مالك يالا انزلي.
سالي :خلاص وصلنا؟!!
زياد:ايوه .
**دخل زياد ومعه سالي الي محل مجوهرات**
سالي :احنا هنا ليه.
زياد : يا ام الغباء المستورد هنكون هنا ليه. ..
سالي : احترم نفسك .
زياد: بت اسكتي خالص.....احنا هنا عشان نختار الشبكه ماهو انا فكرت ان النهارده تكون الشبكه و قراية الفاتحة.
سالي : لا والله انت فكرت وخططت مع نفسك وانا ايه في الموضوع ده كله ..
زياد: برميل مخلل.
سالي: نعم ...
زياد: ولا حاجه اسكتي بقا يخربيتك الناس بنتفرج علينا ..
سالي: تعرف انا نفسي اعمل معاك ايه.
زياد : تاخديني بالحضن صح.
سالي :انت ...انت مستفز.
زياد :ههه خلاص يا مجنونه تعالي.
الجواهرجي: اساعدكم في حاجه يا فندم.
زياد: ايوه لو سمحت كنت عايز طقم سوليتير بس حاجه كويسه.
الجواهرجي : تحت امرك يا فندم. ...ايه رأيك في ده..
زياد : كويس ايه رايك يا سالي.
سالي : طيب .
زياد:أنجزي.
سالي :اللي تشوفه انت ..
زياد:صبرني يا رب مش وقت دلع خالص.
سالي: مش بتدلع. ..انا هاخد الخاتم بس
زياد:أستغفر الله...ازاي الشبكه خاتم بس
سالي: انا عندي كتير مش محتاجه
زيادطيب تمام انا هاخد الخاتم والانسيال .
الجواهرجي :تمام الحساب****
زياد : تمام ....اتفضل الكريديت كارد.
سالي: (بوجهه طفولي ) انت فين دبلتك.
زياد : (ابتسم) كويس انتي منستيش. .
سالي: انا هستناك بره اووووف.
زياد:ههههه والله مجنونه.....لو سمحت كنت عايز دبلة. .
الجواهرجي :تحت امرك يا فندم ....اتفضل ....ألف مبروك.
زياد :الله يبارك فيك شكرا...
سالي : خلاص خلصت. .
زياد: لسه في مشوار تاني...
سالي :انا معنديش خلق المشاوير دي.
زياد :نفسي تبطلي رغي و طوله لسان. .
سالي : طيب بس يالا أنجز عايزه اروح...وشغل اي اغنيه في الجو الملل ده.
زياد : حاضر بس انا اللي هشغل اغنيه علي مزاجي
سالي:ماشي..
زياد: ( يا هوى روحو و قلو
قلو كتير اشتقتلو
لو بدو عمري كلو بعطيه
لما يا حبي تردو
راح كمل عمري حدو
نار تطفيلو بردوا و دفيه
ردو يا هوى لعندي
قصرلي المسافات
حامل بإيدي ورده
آهات و ذكريات
ردو يا هوى لعندي
قصرلي المسافات
حامل بإيدي ورده
آهات و ذكريات)
سالي: ايه ده ؟!
زياد : في ايه اغنيه عاديه.
سالي: اقفلها انا مصدعه.
زياد : يا فصيله. ..طب يالا انزلي.
سالي : ماشي لما نشوف آخرتها...
زياد: اخرتها هتطلي بالأبيض.
سالي :بتقول حاجه.
زياد : لا مقولتش. ..اتفضلي ادخلي.
سالي : ده محل حريمي أن هتجيب حاجه من جوه.
زياد : اها هجيب حاجه لبنت صعبه ومستفزه...ادخلي يا لمضه...
**دخل زياد و سالي الي المحل وكان يختار فستانا **
سالي: بتعمل ايه ..
زياد: ايه رايك فى ده.
سالي :لما افهم لمين ده ..
زياد :ليكي مش النهارده الشبكه ولازم تلبسي فستان حلو .
سالي :انت عيان و لا حاجه.
زياد :هو انا لازم اكون عيان ..
سالي: طبعا ...دي اكيد حمي...
زياد: قيسي ده كده وتعالي..
سالي :لا مش هقيس حاجه..
زياد: لا هتلبسيه ولا اجي انا البسهولك. ..
سالي :لا ....
زياد: يالا بسرعه عشان عايز اروح اجهز ...
**دخلت سالي الي البروفه لتقيس الفستان**
سالي : هو ليه مهتم بالتفاصيل دي اكيد في حاجه غريبه (نظرت إلي المرآه وابتسمت)
زياد :خلصتي.
سالي : لا ترد.
زياد : انا هفتح ...
سالي: لا استني ابعتلي اي بنت عندك.
زياد:مافيش بنات هنا عايزه ايه.
سالي :عايزاها تقفلي السوسته.
زياد : انا هاجي اقفلهالك.
سالي :لا لا وابعد من هنا انا هقفلها لنفسي. .
زياد :هههه ماشي..
سالي : خلاص قفلتها
زياد:اخرجي عشان اشوف الفستان .
سالي : لا مش هخرج
زياد:أنجزي يا سالي.
سالي :حاضر بس هو طويل اووي شوف فستان قصير شويه.
زياد : لا مش طويل حلو كده ..ومافيش فساتين قصيره تاني .....يالا اخرجي.
سالي : حاضر و متتريقش.
زياد :هتريق ليه......هههههههه انتي طلعتي قصيره اوووي ههههه.
سالي :(ضربته علي راسه) مش انا قولت متتريقش عشان تعرف انه طويل.
زياد : هههههه خلاص انا اسف.
سالي : انا استحاله البس الفستان ده.
زياد : لا هتلبسيه هجبلك شوز عالي و هيبقي كويس.
سالي : بتهزر صح.
زياد :لا مش بهزر. .
سالي :ماشي انا هدخل اغير الفستان.
زياد : افتحلك السوسته هههه.
سالي : لا شكرا.
**انتهي سالي و زياد من التسوق و ذهبوا إلى المكتب ركبت سالي سيارتها واتجهت للمنزل وذهب زياد الي منزله **
دعاء: ايه التأخير ده كله يا سالي. وايه الحاجات دي كلها ده اكيد عشان الخطوبه.
سالي :اها فستان الزفت الخطوبه. ..زياد اخدني من الشغل وجهلي الفستان والشوز و ...
دعاء:و ايه تاني.
سالي :جابلي الشبكه....
**دخلت سالي الي غرفتها من الخجل **
دعاء: ههههه عيال مجنونه .
خالد: ما دام هي بتحبه لازم تطلع عينينا الأول هههه.
عامر: ههههه ربنا يهديها.
عمير: انا كنت متوقع كده انها هتهدي وهتحبه.
**في منزل زياد **
كوثر : انا كلمتك من بدري موبايلك مقفول.
زياد : فصل شحن وكنت مع سالي بنختار الشبكه.
كوثر: بجد يا حبيبي فرجني كده....الله تجنن بس مش قليل علي سالي.
زياد : هي مكنتش عايزه اصلا الانسيال قالت عندي كل حاجه كفايه الخاتم .
عبد القادر : سالي كده مش ماديه خالص ..ربنا يتمملكم بخير.
زياد :مي فين.
كوثر:راحت الكوافير هتخلص وتيجي .
زياد :انا هطلع اغير هدومي و اجهز.
**كان سالي في غرفته في غايه السعاده حيث حلمه قد تحقق وسيتزوج من فتاه احلامه**
زياد :انا مش مصدق اللي حصل انا كنت غبي فعلا ازاي اشك في سالي انها بتحب كمال .
$$فلاش باك $$
معتز:مالك يا زياد جاي متضايق ليه.
زياد :مافيش يا معتز .
سيف :لا في. .
زياد :هخطب سالي النهارده.
حازم:بجد.
زياد:ايوه بجد .
معتز: و زعلان ليه.
سيف:استني انا عايز افهم امال مين حب الطفوله اللي رجعت من السفر.
معتز: انت لحد دلوقتي مفهمتش يا سيف ...سالي تبقي البنت دي اللي بتحب واحد تاني وسافرت و رجعت تاني فهمت كده.
سيف:اها فهمت دي حكايه غريبه بجد.
حازم:هو ايه اللي حصل عشان تخطبها بسرعه كده.
زياد :اللي حصل..... (حكي لهم زياد ما حدث)
معتز:وانت بتحبها.
زياد :للأسف لسه بحبها.
معتز: انت متأكد ان سالي بتحب حد تاني .
زياد:ايوه متأكد و ده الجواب اللي كانت كتباه.
معتز:هات الجواب ده...
**قرأ معتز الجواب**
معتز:هي تقصد كمال مين .
زياد :كمال اللي معانا في الشغل.
حازم:الدنيا صغيره اووي عشان كده بتكره كمال .
معتز:انت غبي يا زياد ههههه.
زياد :ايه يا معتز اللي بتقوله ده ..
معتز: لأنك غبي خد سوف الخط ...
زياد:ماله الخط.
معتز:اللي فوق ده خط مين.
زياد : خط سالي انا متأكد من كده.
معتز: والاسم اللي مكتوب تحت ده خط مين.
زياد:مش عارف.
حازم:في ايه يا معتز .
معتز :اللي فوق ده خط سالي ماعدا الامضاء اللي تحت مكتوب بخط تاني معني كده ان سالي مش هي اللي كتبت اسمها تحت وحد تاني عاوز يعمل مشكلة ما بينكم فهمت كده يا زياد.
زياد :تصدق انت معاك حق انا فعلا غبي يعني انا ظلمتها 14 سنه و كنت فاكر انها بتحب كمال لا استنو يبقي مي هي اللي عملت كده....
معتز:انت تصلح اللي حصل بأقرب فرصه .
زياد : شكرا جدااا يا معتز انا من غيرك كنت هتجوز سالي وانا بكرها ..انا هطلع اشوفها
**في غرفه زياد ارتدي ملابسه وجهز هو وعائلته وذهبوا الي سالي**
عبد القادر: مساء الخير .
خالد: مساء النور اتفضلو .
دعاء: ازيك يا عبد القادر وحشتيني اووي يا كوثر.
كوثر:انتي كمان يا حبيبتي.
دعاء: عامل ايه يا زياد.
زياد :الحمد لله يا طنط.
كوثر :امال فين عروستنا.
دعاء:جايه حالا.
سالي: مساء الخير
الجميع:مساء النور
كوثر: ما شاء الله زي القمر .
سالي :ميرسي يا طنط.
عبد القادر: يسعدني ويشرفني يا خالد اطلب ايد سالي لابني زياد.
خالد:وانا يشرفني طبعا
عبد القادر:خلاص نقرأ الفاتحه.