| يا تعبي العشگته | ' باللهجة العراقية '

| البارت السادس |

طبگت الباب و هي گعدت على التخت تبچي
گعدت يمـها و گلت

- طيبة

- لين ما اريدوو..والله انسان حقير

- اذا على ردة فعلو من انتشرت الصور ترا محد يلومو
أني و انتي نعرف شنو ضـرغام..ليش گبل تنكرين طيبتو ويانا

دحـگت عليها و شلون گامت ترجف و هي تگول

- كلوو تمثيل..چذاب والله
هو جا اليوم الصبح و حچه عليه..يشكك باخلاقي و بشرفي

عگدت حاجبي و أني اگـعد بصفها و اگـول

- شنـو يعني ؟ و شلون جا

گامت تبچي و هي تحچيلي الصار
من وصلت عند " وداعت هالعيون الي چنت احلم بيهن "

ظليت ساكتـه و أني اشوفها شلون تبچي بقهر
كمشت ايدها و گلت بدون تردد

- الي چان يحلم بيهن.. طيبة يولي يحبچ
ضرغام يحبچ

سكتت و دحگت عليه ثواني و ضحكت بسخرية و هي تـگول

- يحبني ؟ لو يحبني صدگ ما چان سوو بيه هيچ
چان على الأقل منع عمامي و خالي انو يضربوني

- غيرر من قهرو ؟؟ ليش هو الوحيد الي تدخل من ولد عمامي ها ؟ ليش بهاء و قصي ما حچوا ؟ مو بهاء أخو ليش ما سوو هيچ صح عصبوا بس ما جوي
و ضربوچ.. أكيد من قهرو و صدمتو سوه هيچ
والله اني چنت احسو مو طبيعـي بوقتها

ظلت ادحگلي..شفتها صفنت و رجعـت ليورا
و سندت ظهرها على الحايط و لمت رجليها لـصدرها و گالت بهدوء

- حتلو ميت عليه ما اريدو..الي ضربني و شكك باخلاقي و يگول اريد احصـل شي هذا من كل عقلو ارضى بي ؟؟
بعد ما بينا ايي شي و هيچ يعايرني باچـر عگبو شيسوي

تقـربت منها و گلـت

- اعـرف هالشي صعب والله اعـرف
و ما طول انتي ما رايدتو ما عليچ اني احل الوضع

مسحت دمعتـها و گـالت

- شلون

ابتسمت و جاوبتها

- ما عليچ المهم راحتچ

ظلت ادحگلي و اني بستها من رأسها
و خليتهـا تمدد و نومتها
مددت بـ فراشي و دحگت عليها صاده على الحايط و اسمع نشغاتها و بچيها
تنهدت و أني اگول يا ربي حلها
بلكي عماد يغير قرارو..والله خايفة من سالفة الزواج
ضـرغام اني اعرفو شنو من شي
بس كلامو وي طيبة خلاني أخاف منو..يمكن صدگ يريد يتزوجها علمود ينتقم لو يأذيها
بس من اتذكر حچيو احسو حابها لـ طيبة

ظلت الأفكار تتعارك براسي.. إلا ان غفيت
و الصبح من گعدت بدلت و ما تريگت
شفت عمـاد طلع بسرعة لحگتو و اني احط الجنطة بظهري و صحتلو

اندار عليه و هو يم باب الحوش
و گال

- هاا

- ممكن شوية اريد احچي وياك