حب_عمـري
الحلقة 11
غفران بعد مااتصل بيها احمد وهو يسب ويعيط خافت ومعاش مشت للمعهد ومع الساعه 12 الظهر شافت تليفونها يشرين
صفاء *وييينك من بكري نتصل بيك
غفران *دايراته صامت احمد يتصل ويعاود مانبيش نرد عليه
صفاء *جي للمعهد دار العار يدور فيك
غفران *جديات😱😱
صفاء *ااايييه دار العار يخبط ويقول وينها
غفران *شن قلتوله
صفاء* قتله ماجتش ولع سيارته سطرب ومشي
غفران *احسن
صفاء *شن معاش بتجي انتي
غفران* لالا معاش بنجي الناس يلي قتلك عليهم خطبوني حددو العرس بعد شهر واني بنوقف قرايتي الفترة هادي
صفاء* باهي ربي يتملك علي خير ان شاء الله 😍
غفران* ان شاء الله يارب والفال ليك
..........
حازم روح للحوش لقي سارة تراجي فيه علي العشي
تعشو مع بعض وبعدين خشو لدارهم
سارة خشت للحمام توتي في روحها تحساب بيصير شي بينهم بعدين جت اتكت جنبه بس حازم اول مارقد علي السرير اعطاها بظهره ورقد
سارة استغربت شوية بعدين قالت اكيد تاعب
رقدت وراه وحطت ايدها علي كتفه هو اول ماحس بايدها نفض كتفه باش تباعد ايدها وبعد من عليها
سارة نصدمت اكتر لكن حاولت تتعامل مع الموقف علي ان ماصار شي وحاولت تقنع نفسها ان راقد ومايندريش علي روحه ان نفض كتفه لما حطت ايدها وبعد تفكير طويل واخيرا جاها النوم ورقدت
..
ناضت الصبح لقاته مهناش واستغربت كيف مانوضهاش خشت للمطبخ لقاته داير قهوته بروحه
سارة زادت شكت اكتر ان في شي وان لقطة الليلة يلي قبلها مش لقطة عادية اتصلت بمها صاحبتها
مها *اهلين سرو شن منوضك بكري
سارة* اهلين توا بكري الساعه عشرة ونص
مها *ايييه بكري بالنسبة للعرسان😂
سارة* اما عرسان بالله خلاص توا
مها *زعما هههههه
سارة *تعرفي دماغي بيتفجر معاش عارفه نفكر
مها* خيرك شن في😳
سارة *حازم
مها *خيره
سارة *مش عارفه ممكن اني بيتهيألي لكن نحكيلك وانتي قولي رايك
مها *اوك احكي
سارة *امبارح روح كالعادة وتعشينا مع بعضنا وكل شي تمام
مها *ايه به
سارة *درت دوره علي روحي في الحمام وجيت لقيته راقد 😑
مها *طبعا متوقعتيه بينيكك كل ليلة هذا علاش استغربتي😂😂
سارة *مش قصة نيك ياحمارة
مها *امالا خيرك احكي
سارة* رقد عادي مرات تاعب لكن لما جيت بنرقد لصقت فيه وحطيت ايدي علي كتفه نفض روحه كأنه لذغة عقرب
مها* اللطف ياربي شن دايرتيله
سارة *مادرتله شي استني نكملك
مها *ايه كملي
سارة* اليوم الصبح ناض قبلي وماحسيتش بيه ودار قهوته في العادة ديما ينوض فيا نفطرو مع بعض ونسقدة
مها *بالك لقاك راقدة ماباش ينوضك
سارة *مش عارفه لكن احساسي مش مطمني
مها* لالا مافي شي غر انتي موسوسه
سارة *كيف موسوسة يعني يلي صار عادي وطبيعي؟
مها *انتي ياسارة الفترة يلي فاتت كلها كانت بينكم دلع وحب وخديتي علي هكي وبالشوية ومع التعود علي بعضكم بتنقص الامور هادي بينكم وانتي بتحسابي ان متغير عليك او معاش يحبك بعدين اطمني راهو 80% من العرايس هكي يصيرلهم بعد فترة من العرس
سارة *شن يصيرلهم ؟
مها *يتحسسو من الامور البسيطة هادي ويحسو ان رجالاتهم معاش يحبوهم زي اول ماتزوجو لكن هي حاجه عادية وكان رقد يوم من غير مايدير معاك شي او طلع من غير مايكلمك عادي ياما بتشوفي القدام 😂
سارة* تقول عليك متزوجه😂😂
مها* مش شرط نتزوج باش نعرف الحاجات هادي حتي مدرب الكورة يعرف كل شي عليها لكن مايلعبش فيها (ركزو فيه السطر يلي فات👉🏻🙄)
سارة* ديما كلامك واتي 😂😂
مها *طبعا 😌
سارة *قصدك نطمن توا مافي شي
مها *ايه ايه اطمني وبري طيبي غداك
سارة *اوكي حبي باي😚
مها* باي😘
