ياسر : كافي ليليان تلعبين وتهوسين يمي شو كومي يلا لمي الالعاب
ليليان : ما عوفني العب شعليك انتَ!
ياسر : شوفي الهوسه ماحب الهوسه اني تره
ليليان: اوف منك ليش متجي تلعب وياي كاعد لازملي هل الكتاب ٢٤ ساعه🙁
ياسر: التهي بلعابج وسكتي مناقصتيني نوب انتي
ليليان : شبيك ياسر تكرهني☹️(برطمت)
ياسر: ليليان كافي منو كال اكرهج بس انتي وكحه😒
ليليان : وخر بعد مااجي يمك😖
............................................................
ماما ماما ماما ....
فاطمة والدة (ليليان): شتردين؟
ليليان: جوعانهههه😞
لعد منو اكل بالغده ابويه!
ليليان: اي جوعانه كلش اريد نمنمات🤓
سدي حلكج مبقه شي ع العشه
ليليان : اوف منج يوم😒
صعدت فوك بغرفتي وكالعاده افتح نت واكعد اكلب بالانستا او اشوفلي شي التهي بي عفت التلفون لان ضجت منه وفتحت الكنتور جان يوكع كتاب منه واذكره!
خل اعرفكم عليه اني 😙
اني ليليان واكيد عرفتو اسمي😂عمري ١٨ تصرفاتي مال وحده امخبله والله اهم شي بطني عندي عيوني حلوه صغار بس وساع شفايفي مرسومه رسم بحيث اليشوفني عبالهم مسويه فلر بس من الله طبيعيه شعري وسط لاطويل ولاكصير وبس....
نرجع للاحداث......
وكع الكتاب واذكره!
جنت اصغيره واضل افتر يمه واخبص المهم مااكعد راحه شسوي جنت كلش صغيره وماعرف هسه شصار بي ومع انو حاولت اتواصل ومكدرت وكل هذا اذكر تصرفاتنه سوه وخاصه جنت اكعد يمه بغرفته وهو ينزعج مني بس اني احب اضوجه🌚
الو اي بالضبط هيج يوم سويلي موعد ويا الشركه اريد اسوي اجتماع وناخذ قرارات بشغلات الصفقه.
السكرتيره: اهلا سيد ياسر شتحب اجيبلك كهوه او شي ثاني!
ياسر: لا شكراً ميحتاج
السكرتيره : تمام وبكلبي اكول فدوه الك شنو هل الجمال والاسلوب اخ اموت عليك والنبي🌝
مشه اليوم مثل كل يوم ورجعت للبيت واستقبلتني ست البيت
السلام عليكم
وعليكم السلام ابني شونك شخبارك
زين زين ماما
حبيبي اليوم جدك رادنه ياخذ قرار بمستقبلك يريد يحجي ويا الكل بليل🙂
ياسر: خير شكو كلشي ولا الزواج تره
الوالده: بليل نعرف ياابني وانت بعد تعرف بجدك من يحط شي براسه يسوي🤦🏻♀️
ان شاء الله خير
وجان يخلص البارت اذا تحبون استمر اتفاعلو اول روايه اسويها احداثها مشوقه
الكاتبه: ام يزن💗
