الليله مرت علينا مثل الكابوس الاسود
والهبطات ،،،،،،،اكلت گلوبنا اكل
لان ليله احتاجت بعد دم مرتين
انه من خوفي عليها جانت من
تجي الدكتوره
امشي وراها وأسأل بيها
شوكت تكعد وليش هلكد احتاجت دم
وهي تطمن بيه بس من خلو
الها للمره الثالثه
شفتها انخبصت وكامت
تحجي بالانكليزي وي
الممرضه الي راحت وجتي بعد فتره شايله ابر بأيدها
الدكتوره طلعتنا بره وماخلت
احد من عدنا يمها
انه من سوت هيج رجليه صارن خيوط
ولزمت الحايط وارتجيت عليه
اسمع امها تعدد هي وامي
انه ماتحملت رأسن عطت بيهن
«كااااافي لاتفولن عليها مابيها شي
هسه تصير زينه وترجع لبيتها
ناصر راح يسكت بامه
وانه جتي عيني بعين ابوها شفته
رفع راسه للسما وعيونه تصب دموع وكال
«رحمتك ربي هي امانه عندك وماتخيب الي يضم عندك امانه
سمعت ومسحت وجهي واني اردد
امين
ومن طلعت الدكتورة راحنا كبل
والتمينا عليها
«ها دكتوره بشري
شفتها سكتت،،،،، وبعدين حجت
شوف اخويه اني ظربتها ابرتين
مال نزف بلكي يوكف النزيف
وخلينه دم الها بعد هذا اخر امل عدنا
وره ساعه اذا كعدت وقل النزيف خير ان شاء الله
انه سكتت اريد احجي واذا ماتوقف بس بلعتها وتأملت خير من الله سبحانه وتعالى
راحت الدكتوره وانه كبل رحت عليها قبل لاأطب كلتهم بصوت مخنوك
«خلونا بحدنا مااريدن احد
يجي وراي
امي مثل الحست عليه وجرت ام
ليله وكعدن بره
انه طبيت وكعدت يمها اعاين عليها
شلون بلحضه ذبلت
حاجيتها والعبره خانكتني
وكاتمها بصعوبه
«ليله كومي يبعد روحي النومه مو الج
كومي فدوه اروحن هلوجه مو
قلبي كام يوجعني من وراج
لاتسويها وتروحين تره ظربتين براسي يموتني
لزمت ايدها وكمت ابوس
بيها وانه حاط راسي يمها
ظليت احجي وياها بلكي
تكعد من نومتها
ماأدري بروحي شكد ظليت بس
حسيت بأيد لزمت جتفي
انداريت شفت امي تعاين عليه ودمعتها
على خدها
«يمه رضا كوم لاتسوي بروحك هيج
كوم توضه وصلي واطلبها من ربك
وان شاء الله مايردك
«يمه اخافن تروح من ايدي
«لا اسم الله لادكول هيج هاي وانته مؤمن وهيج تحجي شخليت للغير
سكتت
وانداريت على ليله اعاين
عليها وذبيت
حسره شكبرها حسيت بقلبي احترك حرك من وراها ودنكت بستها
من راسها وطلعت
ورحت توضيت وكعدت بالحديقه اصلي
واطلب من الله يطلعنا من هل المحنه
…………
ماخليت لا رب العالمين ولا اهل البيت الا ونخيته ظليت بمكاني ادعي الما حسيت قلبي برد تالي كمت ورجعت لغرفتها
شفت جده رازقيه جايه وحاط ايدها
على راسها وتقره ايات
ظلينا بغرفتها انه وامي وامها
وجده رازقيه الي ماقبلت ترجع
…… .
أنت تقرأ
هديه الشيخ رضا
Romanceكان القلب فارغ وحاضري اراه يشبه ماضي،، الحب لم اعرفه ولم اعشه اتاني فجأه كهديه من السماء وعرفت ان العمر هو مجرد رقم لايتحكم بالقلب ولا بالروح عندما تعشق روحا تشبه روحك في كل شي هديه عمر اصبحت لي وماضي وحاضري الذي اخترت ان اعيشه بكل تفاصيله الجميل...
بارت 8
ابدأ من البداية
