ما حچيت وياها و لا گلتلها ليش سويتي هيچ
لأن چـنت حاظره من امي تخبلت عليها و گامت تحچي بس امي گلب ام..ظلت تعتب بيها و تبوس بيديهاطيبة الها مكانه بگلب امي غير عني..
طلعت و امي صاحتلي
- وين تريدين ؟
- اروح ادور تلفون اخابر عماد من عندو
هزت راسها بـ اي و سلطان گال
- ارجعي اني اخابر
- تروحون تتكاونون ما بيه حيل
حچيتها و طلعت و هو طلع وراية
دحگت بالممر شفت بنية واگفة و يمها زلمه
رحت عليهم و سلمت
و استأذنت من الزلمه علمود تلفونو..اخذتو منو و دگيت رقم عماد حافظتو، لأن دائما بالمدرسة من اتكاون تخابرو المديرةشوية و گال الو
- عماد.. أني لين
- لين ؟ رقم منو هذا
- تگدر تجي للمستشفى
حسيتو خاف من گال بقلق
- شكوو ؟ شعندچ بالمستشفى
استحيت اگول گدامهم اختي انتحرت
تحمحمت و گلت- طيبة شوية انتكست حالتها..
تگدر تجي ؟- اي اي..بس لا تگولين انتكست حالتها
گولي انتحرت و فضيها- اي
جاوبتو بهالكلمة و سديت الخط
تشكرت من الرجالوغصة خنگتني..
طلعت برا و گعدت على المسطبة و ناس طالعة و ناس فايته
اريد ابچي بس ما اگدر..اي عيوني دمعت بس الدمعة ابت انو تنزلحسيت سلطان گعد يمي..و أني گبل مسحت عيوني اخاف ابچي
سمعت تنهيدتو و گال- ليش صار هيچ ؟
طيبة مو هيچ مو بهذا الضعف حتى تنتحر ؟دحگت عليه و هو عگد حاجبو
چان لابس تراك اسود و عند الردن خط احمر
مخفف شعرو و عيونو مركزه بعيوني
بلعت غصتي و گلت- امي ضغطت عليها
رفع تك حاجب و أني كملت
- من يوم الصار و امي ساكته
و اليوم قررت تنفجر و تحچي وياها..خبلتها لطيبة سمعتها حچي ما ينحچي
و رجعت حبستها..لأن المفتاح عدها چان ورا لحظات سمعت عيطتها و اخذت المفتاح و شفت انت الباقيتنهد و مسح على شعرو و گال
- المهم تلاحگنا بيها
و ان شاء الله تصير زينةهزيت رأسي بـ اي و صديت عنو
و ما حچيت..شگد چنت اتمنى اگعد وياه هيچ
بدون لا يصيح بوجهي لو نتكاون نحچي بكل هدوء
و من تحقق هالشي..تندمت لأن تمنيت
لا هذا المكان و لا هذا الضرف..و لا الي نحچي بي چنت اتخيلو
ВИ ЧИТАЄТЕ
| يا تعبي العشگته | ' باللهجة العراقية '
Романтикаقصـة حقيقية 🔵 كلشي بهالدنيا نصيب.. بس يمكن انت مو نصيبي . . و كلشي بهالدنيا متعب بس اويلي يا تعبي العشگته انتي ابتـدأت " 28/7/2020 " انتهـت " 15/9/2020 "
| البارت الخامس |
Почніть із самого початку