قلوب متمزقه بقلم هاله محمد

البارت الاول

#قلوب_متمزقه

#هاله_محمد

#البارت_الاول

زينه بحزن : حرام عليكي يا ماما انا عايزه اكمل تعليمي انا لسه صغيره
نوال : تعليمك ايه يا بنتي اختك وكل بنات الشارع متجوزين وهما اصغر منك
زينه : طب ملقتيش غير وليد انا مش موافقه عليه
نوال : ليه بقي أن شاء الله ماله وليد في ايه يعيبه
زينه : ده بتاع بنات وانا مش بحبه وكمان..
نوال : حب ايه اللي انتي عايزاه بعد الجواز هتحبيه وبعدين لو هو بتاع بنات فهو ساب كل البنات وعايز يتجوزك انتي
زينه برجاء : انا مش عايزه اتجوزه ولا هو ولا غيره والنبي سبيني اكمل تعليمي
نوال بجمود : بقولك ايه انا قلت كلمه واحده هتتجوزيه يعني هتتجوزيه
زينه بدموع ورجاء : طب ماشي انا موافقه بس سبيني ادخل كليه اللي كنت بتمناها وبعد ما اخلص هتجوزا
نوال بهدوء : يا بنتي انا مش ضمنه عمري واحنا ملناش حد من يوم ما ابوكي مات وانا عايشه ليكي انتي واختك والحمد لله اختك اتجوزت واهي عايشه احسن عيشه وجوزها مش حارمها من حاجه وانا نفسي استٌرك واطمن عليكي انتي كمان ووليد مش وحش يعني وبكره يتعدل اسمعي كلامي يا حببتي انا بتكلم علي مصلحتك
زينه بعصبية : مصلحتي اني احطم احلامي واضيع مستقبلي واختي اللي بتتكلمي عليها احنا مش بنشوفها اصلا من يوم ما اتجوزت وسافرت وهي وجوزها مرجعوش ولمه بتتصل بينا صوتها كله وجع وحزن ووليد اللي بتقولي عليه مش وحش فده صايع وشمام ومشيوا مش مظبوط انتي عايزه تبعيني زي ما بعتي احلام وممكن اعرف انتي ليه مش عايزه تقولي فين قرايب بابا الله يرحمه اوعي تقولي مالناش حد ولا بابا ليه قرايب لان اللي متعرفهوش اني انا عرفت مكانهم
نوال بصدمه : عرفتي مكانهم ازاي..؟
زينه : اللي يسال ميتهش ولو انتي مصممه تجوزيني ف انا هروح وهسأل علي عمي حسن النجار،مش عمي اسمه حسن بردوا
نوال من الصدمه مش قادره تتكلم
زينه : ساكته ليه م تتكلمي يا ماما لسه مصممه تجوزيني
نوال بخوف : اسكتي يا زينه اوعي تعملي كده اوعي يا زينه
زينه باستغراب : ليه يا ماما ليه مش عايزه تخلينا نعرف أهلنا ليه دايما مخلينا لوحدنا ومش عايزه تخلينا نعيش وسط أهلنا ليه
نوال : انتي مش عارفه حاجه خالص يا زينه
زينه : طب عارفين يعني ايه يبقي لينا اهل ولا نعرفهم ولا يعرفونا علي الرغم من أنهم اغنيه جدا كمان انا مش فارق معايا الفلوس انا اللي فارق معايا الاهل والعزوه لأن الوحده بتقتل صاحبها وطول عمرنا عايشين لوحدنا من يوم ما بابا مات واحنا ملناش حد مع أن عائلتنا من أكبر عائلات البلد
نوال بدموع وحزن : عايزه تعرفي ايه هاا عايزه تعرفي اني كنت بشتغل خدامه في بيت جدك وابوكي حبني واتجوزني ولمه جدك عرف اتبره منه وقاله لامه يطلقني لامه يخرج بره البيت ويعتبر نفسه مالوش أهل وابوكي الله يرحمه اختارني انا ومن يوميها واحنا عايشين زي مانتي شايفه وعايزه تعرفي حاجه كمان انا عندي مرض خبيث وفي اي وقت ممكن اموت لو انتي عايزه تروحي عند اهلك روحي بس اللي رموا ابنهم اكيد هيرموكي انتي كمان وممكن يعملوا فيكي حاجه
زينه بدموع وحزن وخوف علي امها : يا حببتي يا ماما كل ده انتي شفتيه وعشتيه اوعي تسبيني لوحدي يا ماما انا اموت من غيرك واكيد انتي هتخفي وهتكوني كويسه.... ورمت نفسها في حضن امها
نوال بدموع : اوعديني يا زينه أن مهما حصل عمرك ما هتروحي عند جدك اوعديني يا بنتي انا خايفه عليكي انتي اكتر من اختك لأن اختك اتجوزت ولو هي حزينه زي مانتي بتقولي ده لأنها مشتاقه لينا ونفسها تشوفنا لكن هي مرتاحه مع جوزها وهو بيحبها وولادها مليين عليها حياتها اوعديني يا بنتي اوعديني
زينه : حاضر يا ماما اوعدك اني عمري ما هسال عليهم ولا هحاول اعرف عنهم حاجه
نوال : واتجوزي وليد انا خايفه اموت واسيبك
زينه بحزن واستسلام : حاضر يا ماما هتجوزه حاضر

(زينه بنت جميله عيونها عسلي بشرتها قمحيه صافيه  شعرها اسود مثل الليل لكنه مجعد بطريقه جميله ملامحها طفوليه عندها17سنه في اخر سنه في  مرحله الثانويه تحب التعليم وتحلم أن تصبح دكتور لكن لم يتحقق كل ما نتمناه)

في مكان اخر في فيلا النجار
حسن : هاا يا ادهم هتعمل ايه...؟
ادهم باستغراب : هعمل ايه في ايه يا بابا...؟
حسن : انت خلصت امتحانات يابني المفروض بقي تنزل الشغل معايا انا واخوك في الشركه
ادهم : اكيد طبعا يا بابا بس كنت عايز امسك الشركه اللي في لندن
حسن : ليه بس يا بني متخليك معايا هنا
ادهم : ايه يا بابا مش واثق فيه ولا ايه
حسن : لا طبعا انا واثق انك تقدر تشغلها احسن مني كمان بس عشان متبعدشي عني
ادهم : مروان معاك يا بابا واهو بدل ماهو تعبان مابين مصر ولندن اهو يرتاح شويه وارحم مراته اللي مش بتشوفه غير كل فين وفين
حسن : ماشي يا بني اللي يريحك اعمله
ادهم : ربنا يخليك لينا يا بابا
حسن بحنان : ويخليكوا ليه يا حبيبي،هتسافر أمته
ادهم : قريب جدا هخلص بس شويه حاجات مهمه وهسافر
حسن : اهم حاجه اني عايز افرح بيك وياريت يكون قريب
ادهم : اكيد مش دلوقتي خالص لمه اثبت نفسي واكون راجل اعمال ناجح واسمي معروف ولازم اكبر شركات النجار واسمها يبقي اول اسم في الوطن العربي وبره الوطن العربي
حسن بفخر بفرحه وثقه في ابنه : ربنا يوفقك يا ابني وانا واثق فيك ثقه عمياء وعارف انك قدها ويارب تحقق اللي بتتمناه
ادهم ،: يارب يا بابا يا رب

(ادهم النجار شاب وسيم بشرته بيضاء شعره اسود غامق وناعم جدا عيونه خضراء مثل اوراق الشجر
له لحيه تزين وجه وتذيده وسامه وقوه ملامحه رجوليه تجعل الجميع ينظر إليه عمره 22عام وهو طموح جدا وواثق من نفسه جدا يحب أن يكون رقم واحد في كل شئ في عمله أو في حياته الشخصيه  يحب أبيه واخوك ليس له غيرهم بعد وفات أمه وجده سعد النجار)

عند وليد
ايمان : مبروك يا معلم
وليد : مبروك علي ايه انتي كمان
ايمان : زينه وافقت علي الجواز
وليد : ما اكيد لازم توافق هي تطول واحد زيي
ايمان : عليه انا بردوا دانت كنت هتموت عليها
وليد : عادي يعني
ايمان : لا مش عادي دانت بتبقي هتتجنن كل أمه تعرف أن في حد متادم لها وياريت بقي تهدي شويه بلاش البنات اللي بتكلمهم دول وبطل حكايه الشرب ده وعلي فكره هي كانت رافضه أنها ترتبط بيك بس مش عارفه هي وافقه ازاي
وليد بغيظ : يعني ايه كانت رافضه دي لو ماكنتشي وافقت انتي متعرفيش انا كنت هعمل معاها ايه وياريت تقولي لماما تروح عندهم عشان تخلص الحوار ده انا عايز اتجوز قبل الشهر ده ما يخلص
ايمان : قبل الشهر مايخلص ازاي يعني طب هي لسه مجهزتشي
وليد : انا الشقه بتعتي مش ناقصها حاجه وبعدين البركه فيكي بقي اومال احنا مجوزينك واحد غني ليه
ايمان بزعل : انا عنيه ليك يا وليد بس انا مش متجوزه محمد عشان غني انا اتجوزته عشان بحبه ماشي
وليد : خلاص يا حجه مغلطناش يعني

(وليد في ال20من عمره لم يكمل تعليمه لانه فاشل لا يحب أحد سوا نفسه يشرب مخدرات ويواعد الكثير من البنات ويحب التملك إذا أراد شئ يجب أن يكون ملكه باي طريقه)

#هاله محمد