Heart Of A Fish [Completed]

YOU ARE READING

Fanfiction

ငါးကလေးတစ်ကောင် နှင့် လူသားလေးတစ်ယောက် ချစ်မိတဲ့အခါ ငါးကေလးတစ္ေကာင္ ႏွင့္ လူသားေလးတစ္ေယာက္ ခ်စ္မိတဲ့အခါ

#bl #fanfiction #huangmingming #perthsaint #pinson #saintsup #wangjunyoung

Part 28

Start from the beginning

by Yum182

"ဘာလုပ်ဖို့လဲ"

"ဆေးလိမ်းပေးမလို့လေ ဒီမှာ နီရဲနေတာ"

Wang Jun Yong ပြောမှ သူနာနေတာကိုသတိထားမိသည်ထင်သည် မွေ့ယာပေါ်မှာ ပြန်မှောက်ပေးသည်။ Wang Jun Yongက အင်္ကျီလှန်ပြီး လိမ်းပေးပေါ့။ Wangအိမ်ရဲ့သခင်လေးက Huang Ming Ming ဖြစ်ပြီး Wang Jun Yongက သူ့အထိန်းတော်လိုလို။

သူ့ရဲ့တင်ပါးပေါ် ဆေးလိမ်းပေးနေရင်း တင်သားနုနုလေးနဲ့ ပွတ်တိုက်ထိတွေ့မှုကြောင့် Wang Jun Yong အသက်ရှူမြန်လာသည်။ ဖြူဖွေးဖွေးပေါင်တံတို့ဟာ ပိန်ပါးသွယ်လျနေတာမဟုတ်ပဲ ပြည့်ပြည့်ရှည်ရှည်လေးနဲ့ ပြောင်ရှင်းနေကာ ကလေးငယ်တစ်ယောက်အသားအရည်လို ချောမွေ့နေသည်။ တံတွေးကို ဂလုခနဲမျိုချရင်း ဆေးတောင်သေချာမလိမ်းနိုင်တော့ပဲ မြန်မြန်ပွတ်ပေးပြီး ဘောင်းဘီတစ်ထည်ဝတ်ပေးကာ ရေချိုးခန်းထဲ ဝင်ခဲ့ရသည်။

သူ့ကိုရယ်မှာ စိုးလို့ တစ်ညနေလုံး အခန်းထဲက အပြင်တောင်မထွက်ပဲ ထမင်းစားခါနီးမှဆင်းလာပြီး စားသည်။ ဒေါ်လေးLucyက သူ့ကိုရယ်တော့ ထမင်းသေချာ မစားပဲ ရှက်ကောက်ကြီးလုပ်ကာ အပေါ်ပြန်တက်သွားသည်။ Wang Jun Yongက ညလည်လောက်တွင် Huang Ming Ming ဗိုက်ဆာမည်စိုး၍ ပေါင်မုန့်အချို့နှင့် နို့တစ်ခွက်ဖျော်၍ အခန်းထဲ ယူလာသည်။ အခန်းထဲကြည့်တော့ Huang Ming Ming အိပ်ပျော်နေပြီမို့ စားစရာများကို စားပွဲပေါ်တင်ပြီး သူက ကျောင်းစာလုပ်နေလိုက်သည်။ စာပြီးသွား၍ အလုပ်က စီစစ်စရာများကို နည်းနည်းကြည့်ပြီး မျက်လုံးလည်းညောင်းလာ၍ Huang Ming Ming ဘေးဝင်လှဲကာ အသာဖက်၍ အိပ်လိုက်သည်။

"ကိုကို... ကိုကို"

"ဟင်"

အိပ်ပျော်ပြီး တော်တော် ကြာလောက်မှာ လူကို ဆွဲနှိုးနေသည့်အသံ ကြား၍ မျက်လုံးဖွင့် ကြည့်လိုက်တော့ ငုတ်တုတ်ထိုင်နေတဲ့ Huang Ming Ming။

"ဘာဖြစ်လို့လဲ... ဗိုက်ဆာလို့လား"

"Ming Mingကို ကယ်ပါဦး"

ရုတ်တရက်ကြီး ရင်ခွင်ထဲ အတင်းတိုးဝင်ဖက်နေတဲ့ကောင်လေးကြောင့် Wang Jun Yong ထိတ်သွားတာတော့အမှန်ပင်။

"Ming Mingကို ခွေးကြီး လိုက်ကိုက်နေတယ်"

နေ့ခင်းတုန်းက အဖြစ်ပျက်ကို စိတ်စွဲပြီး အိပ်မက်မက်သည်ထင်ပါရဲ့။