قصة : ( دوا النسيان ) الجزء الاول ، ل سهيلة سعيد المنجي

الحلقة ١ و ٢

قصة : { #دوا_النسيان } 💔🎻

الحلقة الأولى { ١ } 🌎

*( شهر 7 )*

( جوة كليه ، شاب قاعد ع الارض جاردن وحواليه كتب ، تقرب بنت وراه براحة وتحط الكتاب عند وشه )
هنا ب ابتسامة : انا ميييين 😊
ادم : سعااااد 😆
هنا ب ضحك : هههههه سعاد مين ياض 😂

*( ملحوظة .. هنا وادم صحاب جداً داخلين ف سنتين من أولى كلية ، عدى اول ٦ شهور عليهم بس ك صحاب وبعدها ادم اعترف ب حبه ل هنا لما قرب منها اكتر لأنهم ساكنين جنب بعض 👈🏻 ادم شاب وسيم ، عيونه رمادي ، شعره اسود ، بشرته بيضة ، جسمه متوسط ورياضي وطوله متوسط ، عنده ٢١ سنة ، من عيلة غنية ، مامته لبنانية وبباه مصري ، بباه عنده كذة فرع ل شركات سياحة ف مصر ولبنان ، بس ادم هوايته الكورة بيلعب ف نادي ***** ولاعب مشهور ، ليه ٣ اخوات ، اسامة الكبير وياسين وبوسي اصغر منه 👈🏻 هنا بنت جميلة بشرتها بيضة ، عيونها عسلي ، شعرها اسود طويل ، قصيرة وجسمها مظبوط ، من عيلة غنية ، عندها ٢١ سنة ، ليها اختين ، روما الكبيرة ودي مسافرة بتدرس برة وتوتا الصغيرة ، والدها متوفي وعايشين مع مامتهم ماسكة شغل بباهم ، حالتهم المادية اغنية )*

ادم : بدلعك 🙄
هنا : تدلعنى تقولي ي سعاد اومال لو بتخوني هتقولي ايه ؟!
ادم : ي بسنت
هنا : ههههههه 😄
ادم : مش عاجبك 🤷🏻‍♂
هنا وهي بتقرب عليه : لا عاجبني
ادم : رايحة فين ؟!
هنا : هقعد جنبك 👉🏻
ادم : لا متقعديش ب فستان تالتة ابتدائي الي انتي لبساه دة انا قايم ✋
هنا ب ابتسامة : اوك 😊
( يقوم ادم )
هنا ب ضحك : ايه الكتب دي كلها انت هتقف بيهم قدام الكليه ولا ايه 😂
ادم وهو بيبصلها ب قرف : مين الرخم الي قالك ان دمك خفيف ؟
هنا : واحد كدة 🙄
ادم : بتصاحبي من ورايا ؟
هنا : لا مصحباك انت من وراه 😉
( يقرب عليها )
ادم وهو بيغمزلها : احضنيه بالنيابة عني 😉
هنا وهي بتزقه ف صدره : اه يخويا وماله 🤷🏻‍♀
ادم : اخوكي 😐
هنا وهي بتطبطب ع دراعه : مش عاجبك ي رايق ؟
ادم وهو بينكش شعرها : لا مش عاجبني 👋
هنا وهي بتزقه : ي باااارد 😑
( يوطي ادم يلم كتبه ، يقرب شابين من بعيد يجروا عليه يوقعوه ويقعوا فوقيه ، تتخض هنا )
هنا : ي بني انتاااا !
الشباب : ههههههه 😂
ادم وهو بيقوم ب عصبية : ي ولاد ال ****** 😠
( يجري وراهم ويهزروا ، يقربوا صحاب هنا )
ميار : بتعملي ايه ؟
هنا : ولا حاجة 🤷🏻‍♀
سلمى : احنا رايحين المول بعد الكلية عشان نجيب فساتين ل عيد ميلاد حمزة تعالي معانا ولا جيبتي ؟
هنا : لا اشطاا جاية لسة مجيبتش حاجة بس يارب ادم يوافق عشان عنده تمرين
ميار ب زهق : انتي مدخلاه ف حياتك ب طريقة اوڤر صراحة 🙄
هنا ب حب وابتسامة : ومش متضايقة من كدة .. حاجة حلوة لما تحسي انك مهمة عند حد بيخاف عليكي وبيغير عليكي حتى لو اوڤر دة بيدل ع انك غالية عنده
ميار : امممم !
هنا : اكيد مش حلو أن يتقالك ع كل حاجة اوك ومتفرقيش معاه 🤷🏻‍♀️
ميار ب تريقة وهي بتبص ف حتة تانية : طيب ي جولييت 🙄
( يقرب ادم )
هنا : ضربتهم ولا لسة ؟
ادم : اه مقدرتش امسك نفسي .. عاملين ايه ؟
ميار : الحمدلله
سلمى : انت ازيك ؟
ادم : الحمدلله
( يمسك دراعه )
سلمى ب استغراب : ايه مال دراعك ؟!
ادم : كان هيكسرهولي البغل حمزة
هنا : هزاره تقيل وبايخ شبهه 😐
ادم : اه عيل رخم .. يلا ولا مش طالعين ؟
هنا : اه طالعين يلا
( يطلعوا يحضروا محاضراتهم ، يعدي الوقت ويخلصوا ، الكل واقف قدام الكلية شباب وبنات ، هنا واقفة مترددة تتكلم مع ادم )
هنا ل ادم : بقولك ي ادم
ادم ب انتباه : نعم ؟
هنا : انا رايحة المول مع البنات
ادم : دلوقتي ؟!
هنا : اه 😬
ادم : لا مافيش مرواح
هنا ب خضة : ليه كدة بس 😮
ادم : انتي عارفة أن انا لازم امشي عشان عندي تمرين ومش هعرف اوصلك ل مول يادوب الحق اروحك البيت واروح ع النادي 🤷🏻‍♂
ميار : روح انت واحنا هنوصلها
ادم : لا مينفعش ي ميار معلش ✋🏻
( تتحرج ميار وتسكت )
هنا ب تحايل : ي ادم دة ساعة بالكتير عشان نجيب فساتين ل عيد ميلاد حمزة 😕
ادم : خليها بكرة
حمزة ب ضحك : م العيد ميلاد بكرة 😂
ادم : اسكت انت ⁦☝️⁩
حمزة : طااايب
سلمى : ي بني احنا معاها هنجيب الحاجة ونرجع مش هنطول
هنا : وحياتي ي ادم 🥺
ادم ب تنهيدة : ماشي ي هنا .. بس دي اول واخر مرة ☝🏻
هنا ب فرحة : ميرسي ميرسي ميرسي ☺
ادم : ساعة هااا وتتابعيني ع الفون
هنا : حاضر والله ساعة بس ✋
ادم : تمام
سلمي : يلا
هنا : يلا
( تمشي هنا مع صحابها وعين ادم عليها ب قلق )
حودة : هتسيبها تمشي كدة عادي 🤷🏻‍♂
ادم ب حب : مش عاوز ازعلها 💚
حمزة ب تريقة : لا واضح انك مبقتش مسيطر بس 😏
حودة : اومال لما تتجوزوا هتعمل فيك ايه 🤔
حمزة : هو لسة شاف حاجة دة بكرة تخليه يساعدها ف شغل البيت 💁🏻‍♂️
حودة : اه يغسلها المواعين والهدوم
حمزة : ويرضع العيال
حودة : ويغير كوافيل
حمزة : ويسهر بالليل
حودة : ويقوم الصبح يحضرلها الفطار
حمزة : ويقمع البامية بالنهار
حودة : وينزل يشتريلها الخضار
حمزة : ويسويهولها ع النار
حودة : ي فضحتك ي عبستااااار 🌚
ادم وهو بيقلع ساعته : خلصتوا ؟
حودة : اه خلاص كدة 👏
( وفجأة ، يجروا ويجري وراهم ، يعدي الوقت ، يوصلوا البنات المول )
ميار ل هنا : ناويين تتجوزوا امتى ولا ادم مستسهل ؟
هنا ب استغراب : يعني ايه مستسهل ؟!
ميار : يعني انتوا سوا ف مطنش بقا الارتباط الرسمي والجو دة 🤷🏻‍♀️
هنا ب ضيق : لا طبعاً مش مطنش احنا مستنيين بس لما نتخرج الأول 😕
ميار : اهاا طيب 😒
( تتنهد هنا ب ضيق ، تلاحظ سلمى ، بعد شوية ، ميار ف البروڤة وسلمى وهنا واقفين مستنيينها برة )
سلمى : بت
هنا : اممم ؟
سلمى : مالك ؟
هنا : ماليش 😒
سلمى : زعلتي من كلام ميار ؟
هنا ب ضيق : هي ليه دايماً بتحاول تبينلي ان ادم وحش !!
سلمى : اكيد مش قصدها كدة
هنا : لا والله قصدها كدة
سلمى : ي بنتي هي خايفة عليكي 🤷🏻‍♀️
هنا : لا توفر خوفها دة عشان بتحرق دمي ✋
سلمى : ان .........
( تطلع ميار )
ميار : ايه رأيكم ؟
سلمى : اة جميل دة
ميار : اشطاا هاخده 😊
( يجيبوا البنات الفساتين ويروحوا ، توصل هنا البيت وتطلع اوضتها تغير هدومها ، يرن الفون بتاعها )
هنا : ايه ي بيبي ♥️
ادم : روحتي ؟