Something That Glitters

8 // The Smiles Of Antonette

"Alright." He raised both of his hands. "Legit, then."

Kung saan pumupunta si Julio sa kalagitnaan ng araw ay bahala na siya. Auntie seemed fine with this arrangement, and I didn't want to meddle with it anymore.

Nang dumating si Uncle Benj ay kinamusta niya ang bike ko. I got soft, kasi he really gave it to me na.

Eh iyong pamangkin niya, pwede na rin kayang niyang ibigay sa 'kin? Kekeke!

"Don't you want it colored differently? I have just the guy to do it, Snooki," said Uncle.

"I'm fine with it as black, Uncle Benj—"

"Naku! Iyang batang iyan ay puro itim. Akala mo'y paboritong anak ng kadiliman," singit naman ni Auntie.

Napahagikhik ako. Ayaw kasi talaga ni Auntie sa mga itim kong damit, e ayaw niya rin namang ipahiram iyong kanya. So now, we're in an impasse.

"Alright, alright." Humalakhak si Uncle tapos ay lumambing ang boses. "Have you already had your lunch, Tonette?"

Nagtaas ng kilay si Auntie. Pinapanood ko siyang gumalaw. Ang dating maingat sa mga bulaklak ay ngayo'y gumaspang ang pagkilos na tila ayaw noong tono ng boses ni Uncle. Aba, aba! Ano 'yan, Tonette?

"Sabay kaming kumakain ni Snooki ng tanghalian, Benjamin."

Napatigil ako sa ginagawa at nag-peace sign kay Uncle. Luh, bakit ako sinasali sa usapan ng matatanda?

Humalakhak si Uncle. "Ayaw mo bang sabayan kita kahit ngayon lang, Tonette?"

"Walang kasabay si Snooki."

Napangiwi ako at umiling nang mabilis. "'Di, Auntie! Okay lang po ako. Sabay na kayo ni Uncle."

"Sayang iyong dinala ni Julio—"

"Kaya ko iyon lahat, Auntie! Dontcha worry!"

Nangingiti talaga si Uncle sa ginagawa ko. Hmm. Mukhang may something talaga, ah? But fine, I'll support these old lovers. Tsaka para na rin magka-utang sa akin si Uncle Benj at babayaran niya ako ng gwapo.

"Halika na, Tonette," yaya ni Uncle.

Nangisay ako sa kilig. Iba kasi ang tawag ni Uncle kay Tonette! Patago kong pinisil ang side-fats ni Auntie, at nagpigil lang siya ngisi kasabay ang pag-irap. Naku! 'Di na lang kasi magmana sa 'kin!

Bumulong ako kay Auntie, "Go na kasi! I mean? Girl, si Uncle Benj na 'yan! Kung single lang ang lola ko, naku! Sinasabi ko sa 'yo, Auntie..."

Tiningnan niya si Uncle Benj na naghihintay na sa storefront. Umiirap niyang tinanggal ang kanyang apron at itinuro ako.

I beamed, kinuha ko ang hintuturo ni Auntie at binigyan iyon ng loud smack. Nangati iyong daliri niya kaya nagpunas siya sa balikat ko.

"Ikaw bata ka! Ayusin mo ang trabaho mo, ha. Do more of your magic thing." Kinaway ni Auntie ang kamay niya nang 'di malaman kung ano ang tamang term.

"It's Snooki Magic! Auntie, you are disappointing me." Umiling ako.

"Babalik din ako kaagad."

"Kahit naman tagalan mo, Auntie. I'm already excellent here. Landi landi rin minsan, girl!" Pinalo ko ang pwet niya para igiya siya sa labas.

Inasikan ako ni Tonette pero I knew her very well already. Kinikilig lang iyan. Akala mo nama'y hindi sixty-two years old ang balat!

Nang lumabas si Auntie ay lumawak ang ngiti ni Uncle Benj dahilan para sumingkit ang mga mata niya. Hinampas naman ni Auntie ang braso niya at tsaka naunang maglakad.