Something That Glitters

13 // Sunday Skies

Sunday Skies

"Am I beautiful?" a miserable peony flower asked.

"Yes, you are the quintessence of existential beauty that no one can ever embody but you, peony, aka Snooki," sagot naman ni black rose.

"Aww. Thank you, black rose, aka Archer!"

"Yes, I love you. Please, love me, too. I will give you beautiful flower babies, just choose me and not the hideous cactus outside the store. He'll only do nothing but hurt you!" I said in a deep low voice to mimic that of a male's.

"Yeah, sure, I'll choose you," I said in a high-pitched voice this time.

Pinagtapat ko ang dalawang bulaklak na hawak ko sa magkabilang kamay. Kinagat ko muna ang labi ko at mabilisang tumili. Eeep! Here it comes!

Huminga ako nang malalim bago sinabi ang katagang, "Now kiss..."

And then I made a squeaky sound with my lips habang pinagdidikit-dikit iyong peony at black rose, aka Snooki and Archer in my book. Kekeke!

"Snooki! Stop playing around with the flowers," suway ni Auntie nang dumating sa tabi ko. "Tumawag si Liam Iden, gusto raw um-order muli ng flower magic arrangements mo."

"Weeehhh?" hindi ko makapaniwalang tanong, pero ang laki ng ngiti ko.

Tumango si Auntie. "Bultuhan ang gusto niyang mangyari kaya't hindi ko tinanggap. Ang gusto niya ay sa susunod na linggo kaagad kunin."

"Done! It's a done deal," sabi ko kaagad. Umiling ako na parang wala lang iyon. "Accept it, Auntie. That's an easy slay!"

"Hindi mo kaya iyong mag-isa, Snooki. Kahit magtrabaho ka nang tulog, hindi mo iyon matatapos," pagsusungit ni Auntie. At sa mababang boses, aniya, "Isa pa, mapapagod ka."

Mabagal na gumuhit ang ngiti sa labi ko. "Sus! Si Auntie, ang protective! Pero kaya ko po, swear! Kakayanin ko. Magpapatulong ako kay Julio kung libre siya."

"Baka magkasakit ka. Huwag kang mag-overwork."

"Luh, si Auntie? Ang OA?" Hinigit-higit ko ang apron niya. "Dali na, Auntie. Tatawagan ko na po si Sir Liam, ha? Tanggapin ko na?"

Habang hinihintay ko ang sagot ni flower boss ay hinahanap ko na rin ang number ni Mr. Iden. Siya iyong pumakyaw ng Snooki Magic ko rati, at ngayon ay nagbabalik na naman siya. I was beyond thankful, really! Pero ano kayang ginagawa sa bulaklak ni Mr. Iden? Pinapapak niya ba 'yon? Ba't ang dami naman?

"Snooki..."

"Sige na, Auntie! Pambawi mo na po sa akin 'to, ano! Hindi mo po kaya sh-in-are na kapitbahay ko lang pala si Archer." Ngumiwi ako at naghanda ng luha. "Auntie, hindi mo po alam kung gaano ako nasaktan. Hindi mo po nasaksihan kung paano ako lumuha ng dugo hanggang sa maubos ako."

Tinagilid ni Auntie ang ulo niya at walang-buhay akong pinanood. "Snooki, walang luha."

"Weh? Okay, wait!" I blinked rapidly. Umiling si Auntie at iniwan na ako. "Wait, wala ba? Meron kaya!"

I pouted, pero napangiti ako kaagad nang mapagtanto na hindi naman humindi si Auntie. Hindi, 'di ba? So that only meant I could say yes to Sir Liam Iden now, right?

Okay! I'll that as a yes.

I was drumming my fingers on our work desk as the phone rang. Nang sumagot si Sir Liam ay hindi na ako nagpatumpik-tumpik pa.

"It's a yes, Mr. Iden!" I confirmed, then I greeted, "Hello!"

"Hello to you, too, Snooki." Tumawa siya sa kabilang linya. "But, really? Tonette refused the request during our call."