القوارير

7

طلعت من العمليات اول وجه شفته كان هشام  وبناتي مجنت اكدر احجي ومااحس بالناس حواليه
مرت الشهور واني بين الاطباء وعيادات ومحاضرات عن السرطان كانت النتاىج مطمئنه ومرت سنه على العمليه بديت ارجع لحياتي ولبناتي بس علاقتي بهشام كانت تختلف واحس خايف يقترب مني لحد مابديت ازرع بداخلي الشك واوهم نفسي بالخيانه انتظرته يجي حتى افتعل مشكله كان متاخر عشردقايق ويمكن اقل
هلو اسوله حبيبتي
وين جنت ابو حبيبتي
وين جنت يعني بالشغل
ياشغل هذا هشام ترى اني مريضه ومابيه حيل صياح وعراك عندك وحده كول واني اخذ بناتي وبعد متشوف خلقتي
هاشببج ياوحده ماسويتها واني عازب وشاب هسه من بناتي بطولي
تدري شگد صار من سويت العمليه سنه وانت شكد صارلك عايفني شنو السبب
لچ والله اتمناچ بس اخاف عليچ
تخاف من شنو الاطباء حجوا وياك وفهموك لو خايف على روحك ترى السرطان مو معدي واني ماعندي مرض انتهى
ليش هيچ تفكرين اسوله ليش تحركين اعصابچ
صدك ليش احرك اعصابي تصبح على خير
ثاني يوم اتصل عليه من الشغل خابري ماري تاخذ البنات للسينما
وليش متاخذهن انت
لچ افتهمي بس شاطره بنص اليل لسانج شطوله عندك وحده گول خلي اروح لاهلي
افتهمت هسه اخابرها
واجتي ماري

هشام اتصل بيه اخذي البنات للسينما
اكيد عندج موعد غرامي وياه
انتي هم يرادلج خلك احنا الزلم العدنا ماخذين لقاح ضد الرومانسيه والغرام يحبوون العرك والمصايب السوده
محد يحب العرك غيرچ الرجال يحاول يبدي من جديد مو سهله عليه شافچ وانتي تموتين باله هو السبب وحتى اكون صريحه وياج هشام بساعه العمليه شفته طول ماانتي بالعمليات يبچي واگف على رجليه حتى ماگعد
مو كتلج جماعتنا بس بالمصايب تبين الرومانسيه عدهم تعالي اكلج انتي شتسووين يوميه عند اهلچ
عندي خلافات ويه ستيفن ونفكر ننفصل
لا هاي يرادلها گعده باچر نطلع اني وياج ونسولف
اذا ماطولت سهرتج انتي وهشام للصبح وخابرتيني تعبانه خليها غير يوم
اكلج لاتخلين عينج علي اني. ورجلي مو كافي صار سنه
وين البنات نلحك على السينما
اكلج شوفيلهن فلم مال زغار مو بيه سوالفكم الماصخه زين وتاخري دخليهم الفلم مرتين لان هشام من نوع يبيع ثگل براسي وكل شويه قال الشاعر ينطيني شعر وقصص افتهمي
من بعد هذي اليله رجعت شعلة الحب تتوهج من جديد بينا
انفصلت ماري من زوجها ورجعنا لحياتنا صديقات نطلع ونفتر صار عمر بناتي ١٣ و١٢.دخلو المتوسطه والدي والدتي بسنه ٢٠٠٧قرروا يرجعون للعراق ويبقون يم اخواني واخوتي وهشام اخذني سفره وياه لاهله بالعراق اول مره يشوفوني واشوفهم حبوني وحبوا بناتي بس من شفت اخوانه كلهم عدهم اولاد بس هشام حسيت بالذنب ومن حجيت وياه باليل جاوبني
شسوي بالولد اسوله عندي بنات اثنين اتعب عليهن وياخذن شهايد يصيرن احسن من الولد
اكلك اشو تكول عندي بنات اثنين واني نسيتني شنو
انتي لوحدج دنيا كامله ماابدلچ بملك العالم كله
رجعنا من السفر اخواني قرروا يتركون الولايه ويروحون لمشيگان    صار عمري تلاثين وكنت اروح كل شهر للفحص خايفه من السرطان يرجع وكل مره اعيش القلق لحد مااعرف النتيجه وقبلها بايام كنت احس بنغزه خفيفه بصدري
بذاك اليوم فحصت الدكتوره كالت
اسيل مسويه فحص سرطان الثدي مدام عمرج تلاثين لازم تسويه
اسويه بس ليش شاكه بشي
اسيل انتي طبيعة جسمج يساعد على انتشار المرض مانعرف السبب فلازم تستمرين بالتحاليل
خوفتيني مو كافي رحمي
يمكن تكونين سليمه مابيج شي
سويت التحليل وكانت النتيجه مصابه بسرطان الثدي ولازم استاصال ظليت بالعياده گاعده وافكر شنو اكول وبيش ابدي الموضوع ويه هشام كل يوم جزء مني مصاب ويستاصلوه والى متى يتحمل وليش اني اعرف الي راح يقرا القصه ليس فقط نساء بس يمكن هنا اتجاوز حدود الحياء من اكول انوثه المراءه كلها هي صدرها ظليت افكر شنو اسوي ومنو الي اشكيله مارجعت على البيت ظليت گاعده قريب من متنزه قريب من بيتي الساعه سته دك التلفون هشام
اسيل وينج البنات راجعات للبيت وانتي ماموجوده
انت وين
بالبيت انتي وين
جايه هشام
وصلت البيت صاير عصبي وتفكيره رايح لغير عالم
وين چنتي الساعه سته وربع
جوعانه خلي ناكل
لزمني من ايدي حيل شنو مو بعينح متجاوبين
هشام فدوه اروحلك خلي ناكل واني احجيلك كلشي
لچ شتحجين كولي عوفي الزقنبوت هسه وين جنتي
هشام عندي سرطان بالثدي ولازم استاصال عرفت وين جنت مهزومه منك مااريدك تعرف مرتك يوميه يكصون جزء منها ويذبوه تاليتك تحتار بناتك وين توديهن من اموت
هشام كان قريب من كرسي من الصدمه كعد عليه ومحجى
يله يابنات نجهز العشى بابا اكيد جوعان
اجى ورانا للمطبخ اسيل عوفي المطبخ هسه اطلع واجيب عشى ارتاحي انتي
عرفت يريد يطلع حتى مااشوف  دموعه ورده فعله
صار موعد العمليه مرت اخويه جتي من مشيكان حتى تحضر العمليه وماري وبناتي وطبعا هشام
وطلعت منها رجعت للبيت بعد اسبوع كارهه الحياة ومااريد اشوف احد رحت كبال المرايه حاولت ادعي القوه واني اشوف التشوه مگدرت ظليت اصرخ وابچي دخل هشام وبناتي

يحضننوني وماعدهم  غير الله كريم لا تأذين نفسچ
اريد اعرف ليش شنو الي سويته اني وين الخطا لامي ولاخواتي عدهم هذا المرض
اسوله انتي مؤمنه وهذا اختبار
ياختبار هشام السرطان يوميه ياخذ جزء من جسمي لو اموت احسن
بعد يومين عرفت السرطان بد ينتشر بجسمي تحت الذراع وبدت رحله العلاج بالكيمياوي وظليت التقي بغيري من ضحايا السرطان نساء ورجال وقسم كاتبين تجاربهم لاحظت كلهم عوائلهم كانت هي الداعم الهم في محاربة السرطان بس اني كنت اريد اموت بعيد عنهم ماريد بناتي يتذكروني بهذا الشكل وهشام تعود يشوفني زغيره حلوه قويه حركه لازم ابتعد وظليت ادور على حجه حتى اترك البيت اريدهم يعيشون وينسوني اعرف الشفاء شي صعب 

يتبع....